ເລີ່ມອອກເດີນທາງແລ້ວ! ເຮືອກຳປັ່ນບັນທຸກນ້ຳມັນກາຊວນລຳທຳອິດ ບັນທຸກນ້ຳມັນ 293,200 ບາເຣວ ຈາກຣັດເຊຍ ສົ່ງໄປສະຫະລັດອາເມລິກາ.

ສຳນັກຂ່າວຕ່າງປະເທດລາຍງານວ່າ: ເຮືອບັນທຸກນ້ຳມັນກາຊວນຂອງຣັດເຊຍຈະອອກເດີນທາງໄປສະຫະລັດອາເມລິກາໃນວັນທີ 22 ຕຸລາ ເຊິ່ງຖືເປັນການເລີ່ມຕົ້ນຂອງຂໍ້ຕົກລົງຈັດຫານ້ຳມັນເຊື້ອໄຟສະບັບຫຼ້າສຸດ ລະຫວ່າງ ທ່ານ ວະລາດີເມຍ ປູຕິນ (Vladimir Putin) ປະທານາທິບໍດີຣັດເຊຍ ແລະ ທ່ານ ໂດນັລ ທຣຳ (Donald Trump) ປະທານາທິບໍດີສະຫະລັດອາເມລະກາ.

ເລີ່ມແລ້ວ! ເຮືອບັນທຸກນ້ຳມັນກາຊວນລຳທຳອິດ ບັນທຸກນ້ຳມັນຫຼາຍກວ່າ 40,000 ໂຕນ ຫຼື 293,200 ບາເຣວ ຈາກຣັດເຊຍສົ່ງໄປຍັງສະຫະລັດ ຫຼັງຈາກທັງສອງຝ່າຍບັນລຸຂໍ້ຕົກລົງຮ່ວມກັນ.

ຫຼັງຈາກຝ່າຍຣັດເຊຍບັນລຸຂໍ້ຕົກລົງກັບ ໂດນັລ ທຣຳ (Donald Trump) ປະທານາທິບໍດີສະຫະລັດ ກ່ຽວກັບການສົ່ງອອກນ້ຳມັນກາຊວນໄປຍັງສະຫະລັດ ແລະຕະຫຼາດໂລກ ເມື່ອປະມານສອງອາທິດກ່ອນ.

ຫຼ້າສຸດ ອາເລັກຊານເດີ ໂນວັກ (Alexander Novak) ຮອງນາຍົກລັດຖະມົນຕີຣັດເຊຍ ເປີດເຜີຍວ່າ ຣັດເຊຍຈະສົ່ງເຮືອບັນທຸກນ້ຳມັນກາຊວນລຳທຳອິດໄປຍັງສະຫະລັດໃນມື້ນີ້ (22 ຕຸລາ) ຫຼັງຈາກທີ່ ໂດນັລ ທຣຳ ປະທານາທິບໍດີສະຫະລັດ ໄດ້ຕົກລົງເຮັດສັນຍາຈັດຫານ້ຳມັນກາຊວນຮ່ວມກັບຣັດເຊຍ.

ເຮືອບັນທຸກນ້ຳມັນລຳທຳອິດທີ່ສົ່ງໄປຍັງສະຫະລັດ ບັນທຸກນ້ຳມັນກາຊວນຈຳນວນ 40,000 ໂຕນ ຫຼືເທົ່າກັບປະມານ 293,200 ບາເຣວ.

ຮອງນາຍົກລັດຖະມົນຕີຣັດເຊຍຍັງເປີດເຜີຍວ່າ ຣັດເຊຍແລະສະຫະລັດກຳລັງຢູ່ໃນຂັ້ນຕອນສຸດທ້າຍຂອງການຈັດທຳເອກະສານເພື່ອລົງນາມໃນສັນຍາຈັດຫານ້ຳມັນກາຊວນເພີ່ມເຕີມ. ແນ່ນອນວ່າ ຈະມີການຈັດສົ່ງນ້ຳມັນເພີ່ມຕື່ມອີກ ຫຼັງຈາກຜູ້ນຳຂອງທັງສອງຝ່າຍບັນລຸຂໍ້ຕົກລົງຮ່ວມກັນ. ຣັດເຊຍຈະຕອບສະໜອງຄວາມຕ້ອງການຂອງສະຫະລັດຕາມຂອບເຂດຄວາມສາມາດຂອງຕົນ.

ນອກຈາກນີ້ ຮອງນາຍົກລັດຖະມົນຕີຣັດເຊຍຍັງລະບຸວ່າ ຄາດວ່າຣັດເຊຍຈະສາມາດຈັດຫານ້ຳມັນກາຊວນໃຫ້ແກ່ປະເທດອື່ນໆ ນອກເໜືອຈາກສະຫະລັດໄດ້ພາຍໃນທ້າຍປີນີ້ ແລະຟື້ນຟູປະລິມານການສົ່ງອອກນ້ຳມັນກາຊວນໃຫ້ກັບຄືນສູ່ລະດັບເດີມ.

ຢ່າງໃດກໍຕາມ ກ່ອນໜ້ານີ້ ໂດນັລ ທຣຳ ປະທານາທິບໍດີສະຫະລັດ ໄດ້ລະບຸວ່າ ຣັດເຊຍຈະສົ່ງອອກນ້ຳມັນກາຊວນຈຳນວນ 300,000 ໂຕນ ຫຼືປະມານ 2.25 ລ້ານບາເຣວໃນທັນທີ ຕາມດ້ວຍອີກ 500,000 ໂຕນໃນເດືອນພະຈິກ ແລະອີກ 1 ລ້ານໂຕນຫຼັງຈາກນັ້ນ.

ແຕ່ຍັງບໍ່ແນ່ນອນວ່າ ຣັດເຊຍຈະສາມາດຈັດສົ່ງນ້ຳມັນໄດ້ຕາມປະລິມານທີ່ລະບຸໄວ້ຫຼືບໍ່ ເນື່ອງຈາກຣັດເຊຍຍັງຕ້ອງຈັດການກັບບັນຫາຄວາມຕ້ອງການນ້ຳມັນພາຍໃນປະເທດຂອງຕົນເອງ.