ຫວຽດນາມ ປາບປາມແກັ້ງລັກແມວ ຍຶດຂອງກາງໄດ້ 18 ໂຕ ກ່ອນບຸນເຕັດ

ນະຄອນໂຮ່ຈີມິນ ປະເທດຫວຽດນາມ: ເຈົ້າໜ້າທີ່ຕຳຫລວດບ້ານດົງແທ່ງ (Đông Thạnh) ໄດ້ດຳເນີນຄະດີກັບຜູ້ຕ້ອງຫາ 9 ຄົນ ໃນຂໍ້ຫາລັກຊັບ, ພາຍຫລັງພົບພຶດຕິກຳອອກຊອກລັກແມວຂອງຊາວບ້ານໃນຫລາຍພື້ນທີ່ ເພື່ອຕອບສະໜອງຄວາມຕ້ອງການໃນຊ່ວງໃກ້ເທສະການບຸນເຕັດ ຫວຽດນາມ.

ເຈົ້າໜ້າທີ່ໄດ້ເຂົ້າກວດຄົ້ນເຮືອນຫລັງໜຶ່ງ ພົບແມວທີ່ຖືກລັກມາຈຳນວນ 18 ໂຕ, ຍຶດໄດ້ອຸປະກອນຈັບສັດຫຼາຍຊະນິດ ລວມທັງສະເປພິກໄທ ທີ່ຜູ້ຕ້ອງຫາໃຊ້ສຳລັບກຽມຫຼົບໜີຫາກຖືກໄລ່ຈັບ. ຈາກການສືບສວນຂະຫຍາຍຜົນ ພົບຊາຍໄວ 68 ປີ ເຮັດໜ້າທີ່ເປັນຜູ້ຮັບຊື້ແມວທີ່ລັກມາ ເພື່ອນຳໄປຂາຍຕໍ່.

ພາຍຫລັງການຈັບກຸມ ຕໍາຫວດກໍໄດ້ປະກາດຕາມຫາເຈົ້າຂອງແມວ ແລະ ສົ່ງຄືນເຈົ້າຂອງເດີມເປັນທີ່ຮຽບຮ້ອຍ.

ຂ່າວ:ລາວພັດທະນາ ພລັສ Laophattana Plus