BMW ເອີ້ນຄືນລົດທົ່ວໂລກ ຫຼາຍແສນຄັນ ຫລັງກວດພົບຄວາມສ່ຽງໄຟໄໝ້ຈາກລະບົບສະຕາດ

ບີເອັມດັບເບິນຢູ (BMW) ຜູ້ຜະລິດລົດຍົນຂອງເຢຍລະມັນ ປະກາດເອີ້ນຄືນລົດຍົນຈາກທົ່ວໂລກຫຼາຍແສນຄັນ ເນື່ອງຈາກກວດພົບຂໍ້ບົກພ່ອງທາງເທັກນິກທີ່ອາດເຮັດໃຫ້ເສີ່ຍງຕໍ່ໄຟໄໝ້ ໂດຍບໍ່ໄດ້ເປີດເຜີຍຕົວເລກທີ່ແນ່ນອນ ແຕ່ລະບຸວ່າມີລົດຍົນໃນເຢຍລະມັນທີ່ໄດ້ຮັບຜົນກະທົບ 28,582 ຄັນ ຂະນະສື່ອອຸດສາຫະກຳທ້ອງຖິ່ນລະບຸວ່າຕົວເລກອາດສູງເຖິງ 5.75 ແສນຄັນ.

ລາຍງານລະບຸວ່າ ບີເອັມດັບເບິນຢູກວດພົບຕົ້ນຕໍຂອງບັນຫາຢູ່ທີ່ລະບົບສະຕາດ ໂດຍການສະຕາດເຄື່ອງຍົນຫຼາຍຄັ້ງເກີນໄປ ອາດເຮັດໃຫ້ສະວິດສຶກຫຼໍ່ເກີນໄປ ຈົນອາດນຳໄປສູ່ການລັດວົງຈອນ ແລະຂໍ້ບົກພ່ອງນີ້ອາດເຮັດໃຫ້ເກີດໄຟໄໝ້ຂະນະລົດຍົນກຳລັງເຮັດວຽກໃນບາງກໍລະນີ ຈຶ່ງມີການເອີ້ນຄືນລົດຫຼາຍລຸ້ນ ໄດ້ແກ່ ບີເອັມດັບເບິນຢູ ຊີຣີສ໌ 2, 3, 4 ແລະ 5 ທີ່ຜະລິດລະຫວ່າງເດືອນກໍລະກົດ 2020-ກໍລະກົດ 2022.

ກ່ອນໜ້ານີ້ເມື່ອເດືອນກັນຍາ 2025 ບີເອັມດັບເບິນຢູເຄີຍເອີ້ນຄືນລົດຍົນໃນເຢຍລະມັນຫຼາຍກວ່າ 1.3 ແສນຄັນ ແລະໃນສະຫະລັດ 2 ແສນຄັນ ລວມເຖິງລົດຍົນໃນຕະຫຼາດແຫ່ງອື່ນໆ ເນື່ອງຈາກກວດພົບຄວາມສ່ຽງໄຟໄໝ້ທີ່ກ່ຽວຂ້ອງກັບລະບົບສະຕາດໃນລັກສະນະຄ້າຍຄືກັນ.

ທີ່ມາຂ່າວ: ຊິນຫົວ(Xinhua)