ຫລວງພະບາງ ອາຣາດທະນາ ອົງພະເຈົ້າໝ່ານ ຈາກຫໍພຣະໝ່ານ ລົງມາປະດິດສະຖານທີ່ຫໍສົງຂອງວັດຊຽງທອງ ເລີ່ມວັນທີ 22-26 ເມສາ 2026
ວັນທີ 22 ເມສາ 2026 ທີ່ນະຄອນຫລວງພະບາງ ທ່ານ ຊາຍພອນ ຈັນທຸມມາ ກຳມະການປະຈຳພັກແຂວງ ເລຂາຄະນະບໍລິຫານງານພັກ ນະຄອນ ຫລວງພະບາງ ພ້ອມດ້ວຍຄະນະນຳນະຄອນ ແລະ ມວນຊົນຊາວຫລວງພະບາງ ນຳໂດຍພຣະເຖຣະ ໄດ້ນຳພາຊາວພຸດທະສາສະນິກະຊົນ ຊາວຫລວງພະບາງ ກ່າວຄຳອາຣາດຖະນາອົງພຣະ ເຈົ້າໝ່ານ ຈາກຫໍພຣະໝ່ານ ລົງມາປະດິດສະຖານ ທີ່ຫໍສົງຂອງວັດຊຽງທອງ ດ້ວຍພິທີແຫ່ອ້ອມພັດທະສີມມາ 3 ຮອບ, ປະກອບມີຂະບວນເປົ່າຫອຍສັງ-ຕີຄ້ອງ, ຂະບວນພະເຖຣະ, ຂະບວນການນຳ-ມວນຊົນທົ່ວໄປ ແລະ ມວນຊົນຊາວຫລວງພະບາງ ເຂົ້າຮ່ວມ.
ພາຍຫລັງແຫ່ຄົບ 3 ຮອບແລ້ວ ໄດ້ອັງເຊີນອົງພຣະເຈົ້າໝ່ານ ຂື້ນປະທັບໃນຫໍສົງ, ພຣະສົງ-ສາມະ ເນນ ໄດ້ນຳພາຊາວພຸດທະສາສະນິກະຊົນ ກ່າວຄຳຄາລະວະ ກ່ອນດຳເນີນການຫົດສົງຢ່າງເປັນທາງການ, ເຊິ່ງການຫົດສົງອົງພຣະໝ່ານ ຈະດຳເນີນໄປຈົນເຖີງ ຕອນແລງວັນທີ 26 ເມສາ ຈຶ່ງຈະອາຣາດທະນາ ອົງພະເຈົ້າໝ່ານ ກັບຄືນປະດິດສະຖານຢູ່ຫໍຕາມເດີມ.
ນອກຈາກນີ້, ຍັງມີການຈັດຕັ້ງກອງບຸນ 84,000 ພຣະທັມມະຂັນ ປະຈໍາປີ 2026 ທີ່ວັດຊຽງທອງ ເຊິ່ງເປັນກອງບຸນທີ່ຈັດຂຶ້ນເພື່ອລະດົມວັດຖຸປັດໄຈ ຊຸກຍູ້ພຸດທະສາສະໜາຢູ່ພາຍໃນແຂວງ, ໃນປີນີ້ ມີມວນຊົນ ທັງພາຍໃນ-ຕ່າງປະເທດ ແລະ ພາຍໃນແຂວງຮ່ວມອານຸໂມທະນາຈັດຕັ້ງກອງບຸນ ແລະ ຮ່ວມຫົດສົງອົງພະໝ່ານ ເພື່ອໃຫ້ເກີດຄວາມເປັນສລິມຸງຄຸນ ແກ້ຕົນເອງ-ຄອບຄົວ ແລະສັງຄົມ.
ທີ່ມາ: ໂທລະພາບ ແຂວງຫລວງພະບາງ
