ເກີດເຫດລົດເມ ປາກເຊ-ວຽງຈັນ ປີ້ນຢູ່ບ້ານນ້ຳເດື່ອ ເມືອງປາກກະດິງ ແຂວງບໍລິຄໍາໄຊໄດ້ຮັບບາດເຈັບ 35 ຄົນ ແລະ ເສຍຊີວິດ 08 ຄົນ.
ເຈົ້າໜ້າທີ່ ປກສ ແຂວງບໍລິຄຳໄຊ ໄດ້ໃຫ້ຮູ້ວ່າ: ເວລາບັດມານ 04:20 ນາທີ ຕອນເຊົ້າ ວັນທີ 22 ເມສາ 2026 ໄດ້ມີອຸບັດຕິເຫດ ລົດເມປາກເຊ-ວຽງຈັນ ໝາຍເລກທະບຽນ ບຂ 2603 ນະຄອນຫຼວງວຽງຈັນ ປີ້ນຢູ່ບໍລິເວນທາງໂຄ້ງ ບ້ານນ້ຳເດື່ອ ເມືອງປາກກະດິງ ແຂວງບໍລິຄຳໄຊ.
ລົດຄັນດັ່ງກ່າວ ກຳລັງເດີນທາງຈາກ ປາກເຊ ໄປ ນະຄອນຫຼວງວຽງຈັນ, ມີຜູ້ໂດຍສານ 46 ຄົນ, ແອັດລົດ 01 ຄົນ, ໂຊເຟີລົດ 01 ຄົນ ລວມທັງໝົດ 48 ຄົນ, ຄົນຕ່າງປະເທດ 04 ຄົນ. ພາຍຫຼັງ ເຈົ້າໜ້າທີ່ ແລະ ພົນລະເມືອງດີ ໄດ້ເຂົ້າໃຫ້ການຊ່ວຍເຫຼືອ ໃນເບື້ອງຕົ້ນ ພົບເຫັນຜູ້ໄດ້ຮັບບາດເຈັບ 35 ຄົນ, ມີຜູ້ເສຍຊີວິດ 08 ຄົນ, ຄົນຕ່າງປະເທດ 01 ຄົນ.
ສ່ວນສາເຫດການເກີດອຸບັດຕິເຫດ: ຕອນເກີດເຫດແມ່ນຝົນຕົກທາງມື່ນ ແລະ ລົດຄັນດັ່ງກ່າວແລ່ນໄວ ລົດຈື່ງເສຍຫຼັກປີ້ນເອງ.
ບັດຈຸບັນຍັງຢູ່ໃນຂັ້ນຕອນ ການຊ່ວຍເຫຼືອເພີ່ມເຕີມ ແລະ ສືບສວນ-ສອບສວນ ຂະຫຍາຍຜົນຫາສາເຫດຂອງອຸບັດຕິເຫດ, ພາຍຫຼັງໄດ້ຮັບຂໍ້ມູນ ທີ່ຖືກຕ້ອງ, ຊັດເຈນ ທາງສື່ມວນຊົນ ປກສ ແຂວງບໍລິຄຳໄຊ ຈະລາຍງານຕື່ມ.
