Lao World Public Company Limited

ບໍລິສັດ ລາວເວີນ ໄດ້ຖືກສ້າງຕັ້ງຂຶ້ນໃນຮູບແບບບໍລິສັດຈຳກັດ ເພື່ອກໍ່ສ້າງສູນວາງສະແດງສິນຄ້າສາກົນແຫ່ງທຳອິດ ທີ່ມີຊື່ວ່າ “ສູນວາງສະແດງສິນຄ້າ ແລະ ກອງປະຊຸມສາກົນ ລາວ-ໄອເຕັກ” (Lao-ITECC) ຢູ່ທີ່ນະຄອນຫຼວງວຽງຈັນ. ປັດຈຸບັນ ບໍລິສັດລາວເວີນ ໄດ້ເຕີບໃຫຍ່ຂະຫຍາຍຕົວ ແລະ ກາຍເປັນໜຶ່ງໃນຜູ້ພັດທະນາຊັ້ນນຳດ້ານການຄ້າປີກ, ການພັດທະນາອະສັງຫາລິມະຊັບ ແລະ ການບໍລິການດ້ານການຈັດງານວາງສະແດງ, ກອງປະຊຸມ, ການທ່ອງທ່ຽວ ແລະ ການຈັດງານຕ່າງໆ (MICE) ໃນ ສປປ ລາວ.
 

ນອກຈາກການດຳເນີນທຸລະກິດຢູ່ທີ່ນະຄອນຫຼວງວຽງຈັນແລ້ວ, ບໍລິສັດລາວເວີນ ຍັງໄດ້ຂະຫຍາຍທຸລະກິດລົງສູ່ພາກໃຕ້ ໂດຍມີບໍລິສັດໃນເຄືອຄື: ບໍລິສັດ ລາວເວີນ ສະຫວັນ ຈຳກັດ ເຊິ່ງຕັ້ງຢູ່ແຂວງສະຫວັນນະເຂດ. ບໍລິສັດດັ່ງກ່າວຖືກສ້າງຕັ້ງຂຶ້ນເພື່ອດຳເນີນການກໍ່ສ້າງສູນວາງສະແດງສິນຄ້າ ແລະ ກອງປະຊຸມສາກົນ (Savan-ITECC) ຢູ່ແຂວງສະຫວັນນະເຂດອີກດ້ວຍ.