ຄະນະນໍາ ສຊປລ ວາງກະຕ່າດອກໄມ້ຕໍ່ໜ້າຮູບປັ້ນຫຼໍ່ປະທານ ໄກສອນ ພົມວິຫານ

ໃນຕອນເຊົ້າວັນທີ 29 ມັງກອນນີ້, ຄະນະນໍາສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ນໍາໂດຍສະຫາຍ ທອງລີ ສີສຸລິດ ກໍາມະການສູນກາງພັກ, ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ພ້ອມດ້ວຍຄະນະຜູ້ແທນກອງປະຊຸມສາມັນຄົບຄະນະບໍລິຫານງານ ສຊປລ ຄັ້ງທີ 2 ສະໄໝທີ IX ໄດ້ເຂົ້າວາງກະຕ່າດອກໄມ້ອັນຫອມຫວນຕໍ່ໜ້າຮູບປັ້ນຫຼໍ່ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ.

ເພື່ອລະນຶກເຖິງຄຸນງາມຄວາມດີຂອງທ່ານທີ່ໄດ້ອຸທິດເຫື່ອແຮງ, ສະຕິປັນຍາ ແລະ ເລືອດເນື້ອເພື່ອປົດປ່ອຍຜືນແຜ່ນດິນອັນແສນຮັກຂອງປວງຊົນລາວທັງຊາດໃຫ້ມີສັນຕິພາບ ເເລະ ເອກະລາດເທົ່າທຸກວັນນີ້ ແລະ ເພື່ອເປັນການອວຍພອນແດ່ກອງປະຊຸມໃຫ້ດໍາເນີນໄປດ້ວຍຜົນສຳເລັດຢ່າງຈົບງາມຕາມຄາດ ໝາຍທີ່ວາງໄວ້.

ຂ່າວ: ສຊປລ