ເກີດເຫດໂຮງງານຜະລິດພຸໄຟລະເບີດຄັ້ງໃຫຍ່ຢູ່ ສປ ຈີນ ເສຍຊີວິດແລ້ວ 26 ຄົນ ບາດເຈັບຫລາຍກວ່າ 60 ຄົນ
ສໍານັກຂ່າວ BBC ລາຍງານວ່າ: ເວລາ ປະມານ 16:40 ໂມງ, ວັນທີ 4 ພຶດສະພາ 2026 ເກີດເຫດລະເບີດຮຸນແຮງຢູ່ໂຮງງານຜະລິດພຸໄຟ ຮວາເສີງ (Huasheng Fireworks) ໃນເມືອງ ຫລິວຢາງ ແຂວງຫູໜານ ທາງພາກໃຕ້ຂອງ ສປ ຈີນ ມີຜູ້ເສຍຊີວິດແລ້ວຢ່າງໜ້ອຍ 26 ຄົນ ແລະ ບາດເຈັບ 61 ຄົນ.
ແຮງລະເບີດໄດ້ເຮັດໃຫ້ປ່ອງຢ້ຽມ ແລະ ປະຕູເຮືອນປະຊາຊົນໃນລັດສະໝີ 1 ກິໂລແມັດ ເພພັງເສຍຫາຍໜັກໜ່ວງ, ເຈົ້າໜ້າທີ່ຕ້ອງເລັ່ງອົບພະຍົບຜູ້ຄົນອອກຈາກພື້ນທີ່ໃກ້ຄຽງໃນໄລຍະ 3 ກິໂລແມັດທັນທີ ເພາະຢ້ານເກີດການລະເບີດຊ້ຳຊ້ອນຈາກສາງ “ ໝື້ “ ທີ່ຢູ່ໃກ້ຄຽງ.
ເຈົ້າໜ້າທີ່ກູ້ໄພຫຼາຍກວ່າ 1,500 ຄົນ ໄດ້ລະດົມກຳລັງເຂົ້າຄົ້ນຫາຜູ້ປະສົບໄພ. ທ່ານ ສີ ຈິ້ນຜິງ ປະທານປະເທດຈີນ ໄດ້ມີຄຳສັ່ງໃຫ້ເລັ່ງຊ່ວຍເຫລືອຜູ້ບາດເຈັບຢ່າງສຸດຄວາມສາມາດ ແລະ ໃຫ້ດຳເນີນຄະດີກັບຜູ້ມີສ່ວນຮັບຜິດຊອບຢ່າງເຖິງທີ່ສຸດ.
ສື່ທາງການຈີນໄດ້ລາຍງານວ່າ ປັດຈຸບັນຕຳຫລວດໄດ້ເຂົ້າຄວບຄຸມຕົວຜູ້ບໍລິຫານຂອງໂຮງງານດັ່ງກ່າວເປັນທີ່ຮຽບຮ້ອຍແລ້ວ ເພື່ອດໍາເນີນການສອບສວນ.
