
ພົບເຫັນການລັກອຸປະກອນໝໍ້ແປງໄຟຟ້າ ຢູ່ ບ້ານແສນອຸດົມ ເມືອງໄຊທານີ ນະຄອນຫຼວງວຽງຈັນ
P
ໂດຍ Pele
· 11 ເດືອນ ກ່ອນອ່ານ 1 ນາທີ63 ຄັ້ງ
ຟັງຂ່າວນີ້1 ນາທີ · ສຽງ AI ຜູ້ຊາຍ
0:00 / 1:02

ໃນຄືນຂອງ ວັນທີ 26 ທັນວາ 2025, ໄດ້ມີຮັບແຈ້ງເຫດການໄຟຟ້າດັບ ແລະ ຮັບແຈ້ງມີການລັກອຸປະກອນໄຟຟ້າ ຢູ່ບໍລິເວນ ບ້ານແສນອຸດົມ ເມືອງໄຊທານີ

ຜ່ານການລົງກວດກາ ເຈົ້າໜ້າທີ່ກວດພົບເຫັນວ່າ ມີກຸ່ມຄົນບໍ່ດີລັກມ້າງ ແລະ ເອົາອຸປະກອນປະກອບໝໍ້ແປງໄຟຟ້າ ເຊິ່ງເປັນສາເຫດຫຼັກທີ່ເຮັດໃຫ້ລະບົບໄຟຟ້າຂັດຂ້ອງ ແລະ ໄຟມອດເປັນບໍລິເວນກວ້າງ.

ການລັກຊັບຂອງລັດ ໂດຍສະເພາະອຸປະກອນໄຟຟ້າ ບໍ່ພຽງແຕ່ສ້າງຄວາມເສຍຫາຍທາງດ້ານຊັບສິນ, ແຕ່ຍັງສ້າງຄວາມອັນຕະລາຍຕໍ່ຊີວິດ ແລະ ສ້າງຄວາມລຳບາກໃຫ້ແກ່ສັງຄົມ.

ປະຈຸບັນ, ພາກສ່ວນທີ່ກ່ຽວຂ້ອງກຳລັງເລັ່ງດຳເນີນການສ້ອມແປງຢ່າງຮີບດ່ວນ ເພື່ອໃຫ້ປະຊາຊົນມີໄຟຟ້າໃຊ້ຄືນໃໝ່ ແລະ ໄດ້ປະສານຫາກຳລັງປ້ອງກັນຄວາມສະຫງົບ ເພື່ອຕິດຕາມຕົວຜູ້ກະທຳຜິດມາຢັ້ງຢືນຕົວຕົນ ແລະ ດຳເນີນຄະດີຕາມລະບຽບກົດໝາຍ.

ຂ່າວ:EDL LAOS ລັດວິສາຫະກິດໄຟຟ້າລາວ ສາຂານະຄອນຫລວງ2
ຂ່າວນີ້ມີປະໂຫຍດບໍ່?
ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້
ອ່ານແລ້ວ 63 ຄັ້ງແບ່ງປັນແລ້ວ 0 ຄັ້ງຖືກໃຈ 0 ຄັ້ງ
mahaxan.com/2555
‹ ກັບໄປໝວດເຫດການ
ອ່ານຕໍ່







