ວັນອັງຄານ ທີ 17 ພະຈິກ 2026ອັບເດດລ່າສຸດ 19:46ໂຄສະນາ ແລະ ຮ່ວມມື[email protected]WhatsApp +856 20 5888 6182ຕິດຕໍ່
MAHAXAN.COM · ຂ່າວສານພາສາລາວ ສຳລັບຜູ້ອ່ານທົ່ວປະເທດ

ຮອງຫົວໜ້າກົມໃຫຍ່ການເມືອງກອງທັບ ພົບປະໂອ້ລົມນັກຮົບຫັດແອບຝຶກອົບຮົມຕີພິເສດໃຕ້ຝຸ່ນ

ໂດຍ Pele
· 6 ເດືອນ ກ່ອນອ່ານ 2 ນາທີ61 ຄັ້ງ
ຮອງຫົວໜ້າກົມໃຫຍ່ການເມືອງກອງທັບ ພົບປະໂອ້ລົມນັກຮົບຫັດແອບຝຶກອົບຮົມຕີພິເສດໃຕ້ຝຸ່ນ
ADadvertisement
ADadvertisement
ADadvertisement

ວັນທີ 15 ພຶດສະພາ ຜ່ານມານີ້, ສະຫາຍ ພົນຕີ ເດືອນສະຫວັນ ສາຍພິມຄຳປະທຸມ ຮອງຫົວໜ້າກົມໃຫຍ່ການເມືອງກອງທັບ ຮອງຫົວໜ້າຄະນະຊີ້ນໍາລວມການຈັດຕັ້ງຫັດແອບຝຶກອົບຮົມຕີພິເສດ ແລະ ການຊ້ອມຮົບຮ່ວມ ລາວ-ຣັດເຊຍ 2026 ພ້ອມດ້ວຍຄະນະ ໄດ້ລົງພົບປະໂອ້ລົມ ແລະ ຢ້ຽມຢາມພະນັກງານ-ນັກຮົບ ທຸກພາກສ່ວນທີ່ເຂົ້າຮ່ວມການຝຶກຊ້ອມໃນຄັ້ງນີ້ຢ່າງໃກ້ຊິດ.

ຮອງຫົວໜ້າກົມໃຫຍ່ການເມືອງກອງທັບ ພົບປະໂອ້ລົມນັກຮົບຫັດແອບຝຶກອົບຮົມຕີພິເສດໃຕ້ຝຸ່ນ

ໃນໂອກາດລົງພົບປະຄັ້ງນີ້, ສະຫາຍ ພົນຕີ ເດືອນສະຫວັນ ສາຍພິມຄຳປະທຸມ ໄດ້ມີຄຳເຫັນໂອ້ລົມຫຼາຍບັນຫາ ຊຶ່ງໄດ້ຍົກໃຫ້ເຫັນເຖິງຄວາມໝາຍ ແລະ ຄວາມສຳຄັນທາງດ້ານຍຸດທະສາດ ແລະ ຍຸດທະວິທີ ຂອງວຽກງານການຝຶກແອບຊ້ອມຮົບຮ່ວມໃນຄັ້ງນີ້ ພາຍຫຼັງທີ່ເຂົ້າຢຶດສະໜາມ ກໍໄດ້ພາກັນຮີບຮ້ອນຈັດຕັ້ງວຽກງານຮັບພະກັນ ຊຶ່ງເປັນການຍົກລະດັບຄວາມຮູ້ ຄວາມສາມາດໃນການສູ້ຮົບ ພ້ອມທັງເປັນການຮັດແໜ້ນສາຍພົວພັນມິດຕະພາບ ລາວ-ຣັດເຊຍ ພ້ອມດຽວກັນນັ້ນ, ສະຫາຍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ທຸກພາກສ່ວນ ທີ່ໄດ້ມີຄວາມຮັບຜິດຊອບສູງ ແລະ ຕັ້ງໜ້າເຂົ້າຮ່ວມການຝຶກຊ້ອມຢ່າງຕັ້ງໜ້າ, ເພື່ອຮັບປະກັນໃຫ້ແກ່ການຊ້ອມຮົບຮ່ວມໄດ້ບັນລຸໝາກຜົນສູງສຸດ, ພ້ອມນີ້ ສະຫາຍ ໄດ້ເນັ້ນໜັກໃຫ້ພະນັກງານ-ນັກຮົບທຸກສະຫາຍ ເອົາໃຈໃສ່ໃນການສຶກສາອົບຮົມການເມືອງນຳພາແນວຄິດ ໃຫ້ມີຄວາມອຸ່ນອ່ຽນທຸ່ນທ່ຽງ, ມີຄວາມອົດທົນຜ່ານຜ່າທຸກຂໍ້ຫຍຸ້ງຍາກ ຕາມສະພາບການ ແລະ ພື້ນທີ່ຕົວຈິງ, ຕັ້ງໃຈປະຕິບັດລະບຽບວິໄນ, ປະຕິບັດຕາມແຜນການຝຶກຊ້ອມຢ່າງເຂັ້ມງວດ, ເນັ້ນໜັກໃຫ້ມີການຖອດຖອນບົດຮຽນ ແລກປ່ຽນຄວາມຮູ້ ແລະ ປະສົບການຊຶ່ງກັນ ແລະ ກັນ ເພື່ອນຳເອົາບົດຮຽນທີ່ໄດ້ຮັບ ໄປຈັດຕັ້ງຜັນຂະຫຍາຍເຂົ້າໃນການປະຕິບັດໜ້າທີ່ໃຫ້ມີປະສິດທິຜົນ. ນອກນັ້ນ, ຕ້ອງໄດ້ເອົາໃຈໃສ່ເບິ່ງແຍງສຸຂະພາບຕົນເອງໃຫ້ແຂງແຮງຢູ່ສະເໝີ ເພື່ອຮັບປະກັນການປະຕິບັດໜ້າທີ່ໃຫ້ຕໍ່ເນື່ອງ.

ຮອງຫົວໜ້າກົມໃຫຍ່ການເມືອງກອງທັບ ພົບປະໂອ້ລົມນັກຮົບຫັດແອບຝຶກອົບຮົມຕີພິເສດໃຕ້ຝຸ່ນ · ຮູບທີ 2

ຈາກນັ້ນ, ສະຫາຍ ພົນຕີ ເດືອນສະຫວັນ ສາຍພິມຄຳປະທຸມ ຍັງໄດ້ຮຽກຮ້ອງໃຫ້ແຕ່ລະພາກສ່ວນຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນທີ່ໄດ້ຮັບມອບໝາຍ ແລະ ມີຄວາມມະນະອົດທົນ, ກະຕືລືລົ້ນ ປະກອບສ່ວນສໍາຄັນເຂົ້າໃນການຊ້ອມຮົບ ເພື່ອໃຫ້ການຊ້ອມຮົບຮ່ວມ ລາວ-ຣັດເຊຍ 2026 ບັນລຸໄດ້ຕາມຄາດໝາຍທີ່ວາງໄວ້ ແລະ ທີ່ສຳຄັນທີ່ສຸດແມ່ນຕ້ອງຮັບປະກັນຄວາມປອດໄພທັງດ້ານບຸກຄະລາກອນ ແລະ ພາຫະນະເຕັກນິກໃຫ້ໄດ້ 100%.

ຮອງຫົວໜ້າກົມໃຫຍ່ການເມືອງກອງທັບ ພົບປະໂອ້ລົມນັກຮົບຫັດແອບຝຶກອົບຮົມຕີພິເສດໃຕ້ຝຸ່ນ · ຮູບທີ 3

ຂ່າວ: ຄຳໄຕ ຈັນນະຄອນ

ຂ່າວນີ້ມີປະໂຫຍດບໍ່?

ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້

ອ່ານແລ້ວ 61 ຄັ້ງ
‹ ກັບໄປໝວດຂ່າວພາຍໃນ
ມື້ນີ້ · ຂໍ້ມູນສົດ ວັນອັງຄານ 17 ພະຈິກ 2026 · ຂຶ້ນ 8 ຄ່ຳ ເດືອນ 12 ເປີດໜ້າມື້ນີ້

ອ່ານຕໍ່