ກັກຕົວຊາຍໜຸ່ມ 2 ຄົນ ພ້ອມຂອງກາງຢາເສບຕິດ “ຄໍລະເຈນ” ມາດຳເນີນຄະດີ

ຖະແຫລງຂ່າວ ເມືອງພີນ ລາຍງານວ່າ: ວັນທີ 6 ມັງກອນ 2026 ເຈົ້າໜ້າທີ່ ປກສ ເມືອງພີນ ແຂວງສະຫວັນນະເຂດ ໄດ້ກັກຕົວຜູ້ຖືກຫາ 2 ຄົນ ຢູ່ເຮືອນພັກແຫ່ງໜຶ່ງ ຂອບເຂດບ້ານປ່າເຫຼັກ (ເຂດເຊທ່າມວກ) ເມືອງພີນ ແຂວງສະຫວັນນະເຂດ ພ້ອມຂອງກາງຢາເສບຕິດປະເພດຄໍລະເຈນ 20 ຊອງ ມາສອບສວນ.

ຜ່ານການສອບສວນ ຜູ້ທີ1 ຊື່: ທ້າວ ຈັນທະໄລ ອາຍຸ 23 ປີ ຢູ່ບ້ານ ຍາງ ແລະ ຜູ້ທີ2 ຊື່: ທ້າວ ຊະມັງ ອາຍຸ 19 ປີ ຢູ່ບ້ານຫ້ວຍຫອຍ ເມືອງພີນ ແຂວງສະຫວັນນະເຂດ ທັງສອງຄົນ. ປັດຈຸບັນ ເຈົ້າໜ້າທີ່ໄດ້ກັກຕົວພວກກ່ຽວໄວ້ ເພື່ອດຳເນີນຄະດີຕາມລະບຽບກົດໝາຍ.