ພະນັກງານສັນຍາຈ້າງຊ່ວຍວຽກການຕະຫຼາດ

ໜ້າທີ່ຮັບຜິດຊອບ

• ລົງເດີນຕະຫຼາດ ແລະ ຕັ້ງຈຸດຂາຍຜະລິດຕະພັນ;
• ຮັບຜິດຊອບລົງນຳສະເໜີ ແລະ ຂາຍຜະລິດຕະພັນ ແລະ ບໍລິການຂອງ ທຄຕລ;
• ນຳສະເໜີຜະລິດຕະພັນຂອງ ທຄຕລ ໃນການຈັດກິດຈະກຳເທດສະການຕ່າງໆ;
• ເຂົ້າຮ່ວມງານຂອງ ທຄຕລ ແລະ ຕາມການມອບໝາຍ;
• ໃຫ້ຄຳປຶກສາ, ຮັບຟັງຄວາມຕ້ອງການລູກຄ້າ ແລະ ບໍລິການຫຼັງການຂາຍ.

ເງື່ອນໄຂຜູ້ສະໝັກ

• ເພດຍິງ-ຊາຍ, ອາຍຸ 20-30 ປີ (ເກີດລະຫວ່າງປີ 1996 ຫາ 2006);
• ຮຽນຈົບຊັ້ນສູງຂຶ້ນໄປ ໃນສາຂາການຕະຫຼາດ, ການສື່ສານມວນຊົນ, ການເງິນແລະການທະນາຄານ ຫຼື ສາຂາທີ່ກ່ຽວຂ້ອງ;
• ມີຄວາມຮູ້ພາສາຕ່າງປະເທດໃດໜຶ່ງ ເຊັ່ນ ອັງກິດ, ຈີນ ຫຼື ຫວຽດນາມ;
• ມີບຸກຄະລິກດີ, ມະນຸດສຳພັນດີ, ມີທັກສະການສື່ສານ ແລະ ການນຳສະເໜີຂາຍຜະລິດຕະພັນ;
• ມີຄວາມຮູ້ດ້ານຜະລິດຕະພັນຂອງ ທຄຕລ, ມີປະສົບການດ້ານປະຊາສຳພັນ ແລະ ການຂາຍ ຫຼື ເຄີຍເຮັດວິດີໂອກ່ຽວກັບຜະລິດຕະພັນຂອງ ທຄຕລ ຈະໄດ້ຮັບການພິຈາລະນາເປັນພິເສດ.

ຄຸນສົມບັດເພີ່ມເຕີມ

• ສັນຊາດລາວ ແລະ ມີສຸຂະພາບແຂງແຮງດີ;
• ຊື່ສັດບໍລິສຸດ, ມະນຸດສຳພັນດີ, ວ່ອງໄວຫ້າວຫັນ ແລະ ອົດທົນ;
• ລະອຽດຮອບຄອບ, ມີລະບຽບວິໄນ, ຮັບຜິດຊອບສູງ, ສາມັກຄີ ແລະ ເຮັດວຽກເປັນທີມໄດ້;
• ບໍ່ເຄີຍກະທຳຄວາມຜິດໂດຍເຈດຕະນາທີ່ຜິດກົດໝາຍຂອງ ສປປ ລາວ ຫຼື ຢູ່ໃນຂັ້ນຕອນດຳເນີນຄະດີ, ແລະ ບໍ່ເຄີຍຖືກໄລ່ອອກຈາກອົງກອນ;
• ສາມາດເຮັດວຽກພາຍໃຕ້ຄວາມກົດດັນ, ກົງຕໍ່ເວລາ, ເສຍສະຫຼະ ແລະ ມີໃຈຮັກວຽກງານການຕະຫຼາດ ແລະ ການຂາຍຜະລິດຕະພັນທະນາຄານ.

ວິທີສະໝັກ

ສະໝັກຜ່ານ Google Form ຕາມລິ້ງຈາກ QR ຫຼື ຕິດຕໍ່ທີ່ ທຄຕລ ສາຂາຄຳມ່ວນ, ພະແນກຫ້ອງການບັນຊີ-ໄອທີ ຊັ້ນ 2. ໂທ: 051-212687 ຫຼື 02099532388.

ເລີ່ມຮັບໃບສະໝັກ: 14/09/2026. ປິດຮັບສະໝັກ: 25/09/2026.