ລາວເຊຍລາວ! ມື້ນີ້ທີມຊາດລາວ U-17 ຈະພົບກັບທີມຊາດປາກິດສະຖານ
ມື້ນີ້ທີມຊາດລາວ U-17 ຈະລົງແຂ່ງຂັນເປັນນັດທີສາມໂດຍຈະພົບກັບທີມຊາດປາກິດສະຖານ ໃນເວລາ 16:00 ໂມງ (ເວລາໃນປະເທດລາວ) ໃນການແຂ່ງຂັນບານເຕະ ຊີງແຊ້ມອາຊີ 2026 ຮຸ່ນອາຍຸບໍ່ເກີນ 17 ປີ ຮອບຄັດເລືອກ ( AFC U-17 Asian Cup 2026 Qualifiers ) ທີ່ປະເທດຄີກິສຖານ.
ສອງນັດຜ່ານມາ, ທີມຊາດລາວ U-17 ໄດ້ສ້າງຜົນງານຢ່າງໂດດເດັ່ນ ໂດຍຊະນະສອງນັດຕິດຕໍ່ກັນຄື: ນັດທໍາອິດທີມຊາດລາວ ເອົາຊະນະ ທີມຊາດກວມ 8-0 ແລະ ນັດທີສອງທີມຊາດລາວ ເອົາຊະນະ ທີມຊາດກໍາປູເຈຍ 5-1 ຂຶ້ນນໍາເປັນຈ່າຝູງກຸ່ມ B ປະກອບມີທີມຊາດເຢເມນ, ຄີກິສຖານ (ເຈົ້າພາບ), ກໍາປູເຈຍ, ກວມ ແລະ ປາກິດສະຖານໂດຍຮອບຄັດເລືອກຈະຄັດເອົາພຽງອັນດັບທີ 1 ຂອງກຸ່ມ ເຊິ່ງມີທັງໝົດ 7 ກຸ່ມ ( A-G ) ເທົ່ານັ້ນ ເພື່ອເຂົ້າຮອບສຸດທ້າຍ.
ຕາຕະລາງການແຂ່ງຂັນຂອງ ທີມຊາດລາວ U-17 ທີ່ ເມືອງ ບິສເຄກ, ຄີກິສຖານ ມີລາຍລະອຽດດັ່ງຕໍ່ໄປນີ້:
– ວັນທີ 22 ພະຈິກ 2025 ເວລາ 16:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດກວມ
– ວັນທີ 24 ພະຈິກ 2025 ເວລາ 16:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດກໍາປູເຈຍ
– ວັນທີ 26 ພະຈິກ 2025 ເວລາ 16:00 ໂມງ (ເວລາໃນປະເທດລາວ) ທີມຊາດປາກິດສະຖານ ພົບ ທີມຊາດລາວ
– ວັນທີ 28 ພະຈິກ 2025 ເວລາ 20:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດຄີກິສຖານ
– ວັນທີ 30 ພະຈິກ 2025 ເວລາ 20:00 ໂມງ (ເວລາໃນປະເທດລາວ) ທີມຊາດເຢເມນ ພົບ ທີມຊາດລາວ.
