ສະພາບອາກາດປະຈໍາວັນທີ 22 ພຶດສະພາ 2026

ຝົນຕົກໜັກ, ນ້ຳຖ້ວມຊຸ ແລະ ນ້ຳຖ້ວມອັ່ງ ປະຈຳວັນທີ 22 ພຶດສະພາ 2026 ຄວາມກົດດັນຕ່ຳມີກຳລັງປານກາງໄດ້ປົກຄຸມຢູ່ເຂດພາກເໜືອຂອງປະເທດລາວ, ສົມທົບກັບກະແສລົມຕາເວັນຕົກສ່ຽງໃຕ້ທີ່ມີກຳລັງແຮງພັດປົກຄຸມ, ຊຶ່ງຈະເຮັດໃຫ້ມີຝົນຕົກເພີ່ມຂຶ້ນໃນແຕ່ລະພາກ ໂດຍສະເພາະຢູ່ເຂດພາກເໜືອ ລົງຫາ ພາກກາງ ແລະ ນະຄອນຫລວງຽງຈັນ ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຈະມີຝົນຕົກໜັກ ຫາ ຕົກໜັກຫລາຍ ພ້ອມຈະມີລົມພັດແຮງຢູ່ທົ່ວໄປໃນໄລຍະວັນທີ 22 ຫາ 23 ພຶດສະພາ 2026. ເນື່ອງຈາກໃນໄລຍະອາທິດນີ້ໄດ້ມີຝົນຕົກຕິດຕໍ່ກັນຫລາຍວັນ, ຊຶ່ງອາດຈະເຮັດໃຫ້ເກີດມີນ້ຳຖ້ວມຊຸ ແລະ ນ້ຳຖ້ວມອັ່ງໃນຕົວເມືອງຢູ່ແຂວງພາກເໜືອ, ພາກກາງ ແລະ ນະຄອນຫລວງວຽງຈັນ ໃນໄລຍະ 1 ຫາ 2 ວັນຕໍ່ໜ້ານີ້.

ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອົງການປົກຄອງທ້ອງຖິ່ນ ແລະ ອົງການຈັດຕັ້ງທຸກພາກສ່ວນໃນແຕ່ລະພາກ ລວມທັງນະຄອນຫລວງວຽງຈັນ ຈົ່ງມີສະຕິລະມັດລະວັງ ແລະ ກຽມພ້ອມຮັບມືຕໍ່ສະພາບຝົນຕົກໜັກຕິດຕໍ່ກັນຫລາຍວັນທີ່ຈະເຮັດໃຫ້ມີນ້ຳຖ້ວມຊຸ ແລະ ນ້ຳຖ້ວມອັ່ງໃນຕົວເມືອງ.

ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມົ ແລະ ອຸທົກກະສາດ ຢ່າງຕໍ່ເນື່ອງ.