ການເກັບຊື້ທັນຍາຫານ ທົ່ວປະເທດຈີນ ບັນລຸຫລາຍກວ່າ 100 ລ້ານໂຕນ

ຕາມຂ່າວ​ຈາກ​ເວັບ​ໄຊ ​ໂທ​ລະ​ພາບ​ສູນ​ກາງ​ຈີນ: ໃນ​ໄລ​ຍະ​ນີ້, ການ​ເກັບ​ຊື້​ ທັນ​ຍາ​ຫານ​ ໃນ​ລະ​ດູ​ໃບ​ໄມ້​ຫລົ່ນ​ ຂອງ ສປ ​ຈີນ ພວມ​ດຳ​ເນີນ​​ ຢ່າງ​ຕໍ່​ເນື່ອງ, ໂດຍ​ມີ​ການ​ຊື້​ສະ​ສົມ​ຫລາຍກວ່າ 100 ລ້ານ​ໂຕນ, ​ເຊິ່ງມີຄວາມ​ຄືບ​ໜ້າ​ ໃກ້​ຄຽງ​ກັບ​ປີ​ກາຍ. ຂໍ້​ມູນ​​ຫລ້າ​ສຸດ ​ຈາກ​ອົງ​ການ​​ ຄັງສຳ​ຮອງ​ອາ​ຫານ ແລະວັດ​ຖຸສິ່ງ​ຂອງ​ແຫ່ງ​ຊາດ​ຈີນ ​ສະ​ແດງ​ໃຫ້​ເຫັນ​ວ່າ: ປັດ​ຈຸ​ບັນ, ການ​ເກັບ​ຊື້​ທັນ​ຍາ​ຫານ​ ໃນ​ລະ​ດູ​ໃບ​ໄມ້​ຫລົ່ນ ​ໄດ້​ເລີ່ມ​ຕົ້ນ​ຢ່າງ​ໝັ້ນ​ທ່ຽງ, ໄດ້​ເກັບ​ຊື້​ເຂົ້າ​ກາງ ແລະ ເຂົ້າ​ປີ​ແລ້ວ ​ຫລາຍກວ່າ 41 ລ້ານ​ໂຕນ.​ການ​ເກັບ​ຊື້​ທັນ​ຍາ​ຫານ​ ລະ​ດູ​ໃບ​ໄມ້​ຫລົ່ນ​ປີ​ນີ້ ​ເລີ່ມ​ຕົ້ນ​ແຕ່ ​ທ້າຍ​ເດືອນ​ກັນ​ຍາ ​ແລະ ຄາດ​ວ່າ​ ຈະ​ສືບຕໍ່​ໄປ​ຈົນ​ຮອດ ​ທ້າຍ​ເດືອນ​ເມ​ສາ ​ປີ​ໜ້າ.ເພື່ອ​ຮັບ​ປະ​ກັນ​ ລາຍ​ຮັບ ​ຂອງ​ຊາວ​​ກະ​ສິ​ກອນ, ລັດ​ຖະ​ບານ​ ຈະ​ສືບ​ຕໍ່​ ປະ​ຕິ​ບັດ ​ນະ​ໂຍ​ບາຍ ​ເກັບ​ຊື້ ​ທັນ​ຍາ​ຫານ ​ໃນ​ລາ​ຄາ​ຂັ້ນ​ຕ່ຳ​./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ