ພົນລະເມືອງດີແຈ້ງເບາະແສ! ຕຳຫຼວດຈຳປາສັກ ມ້າງຄະດີຄ້າຢາເສບຕິດ ຢຶດຢາບ້າຫຼາຍກວ່າ 1.000 ເມັດ
Pele
ເຜີຍແຜ່: 23 ກໍລະກົດ 2026, 10:07
ປັບປຸງຫຼ້າສຸດ: 23 ກໍລະກົດ 2026, 10:07
ຕາມການລາຍງານຈາກພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ, ໃນວັນທີ 17 ກໍລະກົດ 2026 ເວລາປະມານ 14:00 ໂມງ, ເຈົ້າໜ້າທີ່ໄດ້ຮັບແຈ້ງເບາະແສຈາກປະຊາຊົນວ່າ ມີການລັກລອບຄ້າຂາຍຢາເສບຕິດ ຢູ່ເຂດບ້ານໂພນກຸງ ນະຄອນປາກເຊ.
ຫຼັງຈາກໄດ້ຮັບຂໍ້ມູນ, ເຈົ້າໜ້າທີ່ໄດ້ປະສານກັບພາກສ່ວນກ່ຽວຂ້ອງ ລົງກວດສອບ ແລະ ສາມາດຈັບກຸມຜູ້ຕ້ອງສົງໄສໄດ້ 2 ຄົນ ຄື ທ້າວ ລັດສະນີກອນ ອາຍຸ 32 ປີ ແລະ ທ້າວ ສຸດທິວັນ ອາຍຸ 38 ປີ.
ໃນການຈັບກຸມ ເຈົ້າໜ້າທີ່ໄດ້ຢຶດຂອງກາງ ປະກອບມີ ຢາບ້າ 1.164 ເມັດ, ໂທລະສັບມືຖື OPPO ສີຟ້າ 1 ໜ່ວຍ ແລະ ລົດຈັກ Honda Wave 110 ສີຟ້າ ບໍ່ຕິດປ້າຍທະບຽນ 1 ຄັນ.
ປັດຈຸບັນ ຄະດີນີ້ຍັງຢູ່ໃນຂັ້ນຕອນສືບສວນ-ສອບສວນ ເພື່ອຂະຫຍາຍຜົນ ແລະ ຕິດຕາມຜູ້ທີ່ອາດກ່ຽວຂ້ອງກັບຂະບວນການຄ້າຂາຍຢາເສບຕິດ ມາດຳເນີນຄະດີຕາມກົດໝາຍ.
ໂຄສະນາ
ແບ່ງປັນ:
‹ ກັບໄປໝວດຂ່າວພາຍໃນ
ຂ່າວທີ່ກ່ຽວຂ້ອງ
ໂຄສະນາ
ອ່ານຫຼາຍທີ່ສຸດ
ໂຄສະນາ
