ອັບເດດສະຖານະການຫຼ້າສຸດ ! ລະດັບນໍ້າເຊບັງຫຽງ ເຂດລະຫານໍ້າ ເມືອງສອງຄອນ ຍື່ງຂຶ້ນສູງລົ້ນຕະລິ່ງ ແລະ ມີທ່າອ່ຽງເພີ່ມສູງຂຶ້ນຕໍ່ໄປ

ຊ່ອງຂ່າວເມືອງສອງຄອນ ແຂວງສະຫວັນນະເຂດ ລາຍງາວ່າ: ໃນຕອນເຊົ້າຂອງວັນທີ 21 ສິງຫາ 2026 ສະຖານະການນ້ຳເຊບັງຫຽງໃນເຂດເມືອງສອງຄອນ ວັດແທກໄດ້ 16.70 ແມັດ ເລີ່ມມີຄວາມໜ້າເປັນຫ່ວງຫຼາຍຂຶ້ນ ໂດຍຫຼາຍພື້ນທີ່ມວນນ້ຳ ລົ້ນຕະລິ່ງ ແລະ ເຂົ້າຖ້ວມເຮືອນຊານຂອງພີ່ນ້ອງປະຊາຊົນແລ້ວ ແລະ ຍັງມີທ່າອ່ຽງເພີ່ມສູງຂຶ້ນຕໍ່ໄປ

ພ້ອມເຕືອນ ໃຫ້ປະຊາຊົນຢູ່ຕາມແນວນ້ຳເຊບັງຫຽງ ແລະ ພື້ນທີ່ຕ່ຳ ເພີ່ມຄວາມລະມັດລະວັງ, ຕິດຕາມຂ່າວສານ ແລະ ການແຈ້ງເຕືອນຈາກທາງການຢ່າງໃກ້ຊິດ ພ້ອມຍົກຍ້າຍຄົນ, ຊັບສິນ, ສັດລ້ຽງ ແລະ ສິ່ງຂອງສຳຄັນໄປຍັງບ່ອນປອດໄພ