ປະຫວັດຊ້ຳຮອຍ! ພິດບູດຸຮ້າຍກັດເຈົ້າຂອງດັບຄາທີ່ຢູ່ກຸງເທບເຄີຍກັດຄົນເສຍຊີວິດມາແລ້ວ!

ນເວລາປະມານ 18:30 ນາທີ ຂອງວັນທີ 9 ກັນຍາ 2026 ເຈົ້າໜ້າທີ່ໄດ້ຮັບແຈ້ງເຫດວ່າ: ມີໝາກັດເຈົ້າຂອງເສຍຊີວິດພາຍໃນເຮືອນຫຼັງໜຶ່ງ ໃນແຂວງນະວະມິນ ກຸງເທບ.

ເມື່ອອກໄປກວດສອບຈຸດເກີດເຫດພົບສົບຜູ້ເສຍຊີວິດ 1 ຄົນ ອາຍຸ 70 ປີ (ເປັນເຈົ້າຂອງສັດລ້ຽງ) ມີບາດແຜຖືກໝາກັດຢູ່ໃບໜ້າ, ລຳຄໍ ແລະ ແຂນຫຼາຍຈຸດ, ຢູ່ຈຸດເກີດເຫດມີໝາພິດບູໂຕທີ່ກໍ່ເຫດ ຍ່າງໄປມາພາຍໃນເຮືອນ, ເຊິ່ງເຈົ້າໜ້າທີ່ບໍ່ສາມາດເຂົ້າໄປຍັງຈຸດເກີດເຫດໄດ້ ຈົນຕ້ອງໄດ້ໃຫ້ຜູ້ຊ່ຽວຊານມາຊ່ວຍນຳຕົວໝາເຂົ້າໄປຂັງໃນກົງ.

ຈາກການສອບຖາມຜູ້ຢູ່ໃນເຫດການໃຫ້ຮູ້ວ່າ: ໝາໂຕດັ່ງກ່າວບໍ່ສະບາຍ ມີອາການຫງຸດຫງິດຕະຫຼອດເວລາ ເຊິ່ງຜູ້ເສຍຊີວິດໄດ້ເອົາໝາອອກຈາກກົງ ມາເຊັດໜ້າທຳຄວາມສະອາດ ແຕ່ໝາໄດ້ໂດດກັດຜູ້ເສຍຊີວິດ ເຊິ່ງແມ່ບ້ານທີ່ເຫັນເຫດການຕົກໃຈ ແລະ ໄດ້ແລ່ນໜີ.

ສຳລັບໝາໂຕດັ່ງກ່າວ ເຄີຍມີປະຫວັດກັດຄົນເສຍຊີວິດມາແລ້ວ ເຮັດໃຫ້ເຈົ້າຂອງເກົ່າບໍ່ຢາກລ້ຽງຕໍ່, ແຕ່ຜູ້ເສຍຊີວິດຮູ້ຂ່າວແລ້ວຮູ້ສຶກສົງສານ ເລີຍໄປຮັບມາລ້ຽງຕໍ່, ຈົນສຸດທ້າຍໝາກໍມາທຳຮ້າຍຕົນເອງຈົນເສຍຊີວິດ.