ປກສ ເມືອງຮ້ຽມ ຈັດພິທີມອບ-ຮັບ ອາວຸດລ່າເນື້ອຈຳນວນ 320 ກະບອກ ແລະ ຈັກສະຕິນ 5 ເຄື່ອງ ທີ່ປະຊາຊົນຕື່ນຕົວເອົາມາມອບໃຫ້ເຈົ້າໜ້າທີ່.

ວັນທີ 23 ກັນຍາ 2026 ກອງບັນຊາການ ປກສ ເມືອງຮ້ຽມ ແຂວງຫົວພັນ, ໄດ້ຈັດພິທີມອບອາວຸດລ່າເນື້ອທີ່ເຈົ້າໜ້າທີ່ລົງກໍ່ສ້າງຮາກຖານການເມືອງໄດ້ ລົງເຜີຍແຜ່ ດໍາລັດ ວ່າດ້ວຍການຄຸ້ມຄອງ ອາວຸດ ແລະ ວັດຖຸລະເບີດ ໃຫ້ແກ່ພໍ່ແມ່ປະຊາຊົນ.

ຜ່ານການລົງເຄື່ອນໄຫວໂຄສະນາ ແລະ ສຶກສາອົບຮົມ, ເຮັດໃຫ້ພໍ່ແມ່ປະຊາຊົນພາຍໃນເມືອງຮ້ຽມ ມີຄວາມຕື່ນຕົວ ແລະ ຮັບຮູ້ເຂົ້າໃຈເຖິງ ຜົນຮ້າຍ, ໄພອັນຕະລາຍ ແລະ ຄວາມບໍ່ຖືກຕ້ອງທາງດ້ານກົດໝາຍ ໃນການຄອບຄອງອາວຸດ ເຊີ່ງສາມາດເກັບກູ້ ແລະ ຮັບມອບອາວຸດ ປະເພດຕ່າງໆ ຈາກປະຊາຊົນ ທີ່ຈີງໃຈມາມອບໃຫ້ເຈົ້າໜ້າທີ່ໃນນັ້ນມີອາວຸດລ່າເນື້ອຈຳນວນ 320 ກະບອກ ແລະ ຈັກສະຕິນ 5 ເຄື່ອງ ມອບໃຫ້ຫ້ອງຄຸ້ມຄອງສຳມະໂນຄົວ ແລະກໍ່ສ້າງຮາກຖານ ປກສ ແຂວງຫົວພັນ.

ໃນພິທີ, ກ່າວມອບໂດຍທ່ານພັທ ເຄນທອງ ບຸນທຳມີ ຫົວໜ້າກອງບັນຊາການ ປກສ ເມືອງຮ້ຽມ ແລະ ກ່າວຮັບໂດຍທ່ານ ພັທ ສ້າງສຸຊັນ ຫວັງຊືກື້ ຫົວໜ້າຫ້ອງ ຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ໂດຍການເຂົ້າຮ່ວມຂອງທ່ານ ພົຈວ ເພັດສອນ ອິນສຸພັນ ຫົວໜ້າກອງບັນຊາການ ປກສ ແຂວງຫົວພັນ ແລະ ພາກສ່ວນທີ່ກ່ຽວຂ້ອງ.