ພົບໝູຕາຍຫຼາຍກວ່າ 14.000 ໂຕຈາກພະຍາດອະຫິວາໝູອາຟຣິກາ

ປະເທດລາວພົບໝູຕາຍຫຼາຍກວ່າ 14.002 ໂຕຈາກພະຍາດອະຫິວາໝູອາຟຣິກາທີ່ໄດ້ແຜ່ລະບາດຢູ່ 6 ແຂວງ ແລະ ນະຄອນຫຼວງວຽງຈັນ ລວມເກີດຢູ່ 91 ເມືອງໃນຂອບເຂດທົ່ວປະເທດ.

6 ແຂວງດັ່ງກ່າວລວມມີແຂວງຜົ້ງສາລີ, ໄຊຍະບູລີ, ໄຊສົມບູນ, ຫົວພັນ, ອຸດົມໄຊ ແລະ ແຂວງຫຼວງພະບາງ.

ໝູທີ່ຕາຍຈໍານວນ 14.002 ໂຕ (ໝູທີ່ລ້ຽງແບບຄອບຄົວ 11.086 ໂຕ, ກວມ 79,2% ແລະ ໝູທີ່ລ້ຽງແບບເປັນຟາມ 2.916 ໂຕ, ກວມ 20,8%), ໃນນັ້ນ ໝູຕິດພະຍາດແລ້ວຕາຍເອງ ຈໍານວນ 10.041 ໂຕ, ຂ້າທໍາລາຍຕາມຫຼັກວິຊາການ ເພື່ອຕັດວົງຈອນພະຍາດ ຈໍານວນ 3.961 ໂຕ, ມູນຄ່າເສຍຫາຍເບື້ອງຕົ້ນ ຫຼາຍກວ່າ 58 ຕື້ກວ່າກີບ.