ເກີດເຫດໄວລຸ້ນສອງອ້າຍນ້ອງໂຈມຕີໂຮງຮຽນມັດທະຍົມເມັກຊິໂກ ຮອງຜູ່ອຳນວຍການເສຍຊີວິດ ຄູ-ນັກຮຽນບາດເຈັບ 3 ຄົນ

ເກີດເຫດອ້າຍນ້ອງຊາຍອາຍຸ 18 ປີ ບຸກໂຈມຕີໂຮງຮຽນມັດທະຍົມທາງຕອນເໜືອຂອງເມັກຊິໂກ ໂດຍໃຊ້ອາວຸດມີດພ້າ ແລະ ອຸປະກອນລະເບີດແບບເຮັດຂຶ້ນເອງ ສົ່ງຜົນໃຫ້ຮອງຜູ້ນຳນວຍການຍິງເສຍຊີວິດ, ຄູ ແລະ ນັກຮຽນບາດເຈັບ 3 ຄົນ ກ່ອນທີ່ຄົນຮ້າຍຈະຖືກຄວບຄຸມຕົວ.

ວັນທີ 1 ຕຸລາ 2026 ເກີດເຫດໂຈມຕີໂຮງຮຽນມັດທະຍົມສຶກສາແຫ່ງໜຶ່ງໃນເມືອງຕໍເຣອອນ (Torreón) ລັດໂກອາວີລາ (Coahuila) ທາງຕອນເໜືອຂອງເມັກຊິໂກ ສົ່ງຜົນໃຫ້ຮອງຜູ້ນຳນວຍການຍິງເສຍຊີວິດ ແລະ ມີຜູ້ບາດເຈັບ 3 ຄົນ ະນະທີ່ຜູ້ຕ້ອງສົງໄສເຊິ່ງເປັນອ້າຍນ້ອງຊາຍອາຍຸ 18 ປີ 2 ຄົນ ຖືກຄວບຄຸມຕົວແລ້ວ.

ລາຍງານຂ່າວລະບຸວ່າ ເຫດການນີ້ເກີດຂຶ້ນທີ່ໂຮງຮຽນມັດທະຍົມໝາຍເລກ 13 ໃນຍ່ານລາ ອູນີອອນ (La Unión) ໂດຍທ່ານ ເຟເດຣິໂກ ເຟີນານເດດ (Federico Fernández) ອາຍາການລັດໂກອາວີລາ ເປີດເຜີຍວ່າ ຜູ້ຕ້ອງສົງໄສທັງສອງເປັນອະດີດນັກຮຽນຂອງໂຮງຮຽນ ແລະ ຜົນການສືບສວນເບື້ອງຕົ້ນພົບວ່າ ທັງຄູ່ໄດ້ເຂົ້າໂຈມຕີເຈົ້າໜ້າທີ່ຝ່າຍບໍລິຫານຂອງໂຮງຮຽນ ກ່ອນທີ່ຮອງຜູ້ນຳນວຍການຍິງຈະເສຍຊີວິດ.

ສື່ທ້ອງຖິ່ນລາຍງານວ່າ ຜູ້ຕ້ອງສົງໄສໄດ້ພົກມີດພ້າ ແລະ ອຸປະກອນລະເບີດແບບເຮັດຂຶ້ນເອງເຂົ້າໄປໃນໂຮງຮຽນ ແລະ ເກີດສຽງລະເບີດຂຶ້ນພາຍໃນອາຄານ ກ່ອນທີ່ຊາວບ້ານໃນລະແວກໃກ້ຄຽງຈະເຂົ້າໄປຊ່ວຍເຫຼືອ ແລະ ສາມາດຄວບຄຸມຕົວຜູ້ຕ້ອງສົງໄສເອົາໄວ້ໄດ້ ຈົນກະທັ້ງເຈົ້າໜ້າທີ່ເດີນທາງມາເຖິງ.

ທາງດ້ານຄະນະລັດຖະມົນຕີດ້ານຄວາມໝັ້ນຄົງຂອງລັດຖະບານກາງເມັກຊິໂກລະບຸວ່າ ຜູ້ບາດເຈັບທັງ 3 ຄົນ ຖືກນຳຕົວສົ່ງໂຮງໝໍເພື່ອຮັບການຮັກສາ ະນະທີ່ເຈົ້າໜ້າທີ່ຍັງຄົງສືບສວນຫາສາເຫດ ແລະ ລາຍລະອຽດຂອງເຫດການທີ່ເກີດຂຶ້ນ.

ທີ່ມາ: AFP [1]