ຫ້າມເດັດຂາດ! ນະຄອນຫຼວງວຽງຈັນ ສັ່ງຫ້າມຜະລິດ, ນຳເຂົ້າ, ຊື້-ຂາຍ ແລະ ຈຸດໝາກກະໂພກ-ບັ້ງໄຟດອກ ໃນໄລຍະບຸນປະເພນີ ປີໃໝ່ສາກົນ ກຸດຈີນ-ເຕັດຫວຽດ ພົບເຫັນຈະຖືກປັບໃໝດຳເນີນຄະດີ

ອີງຕາມແຈ້ງການຂອງພະແນກ ອຸດສະຫະກຳ ແລະ ການຄ້າ ນະຄອນຫຼວງວຽງຈັນ ລົງເມື່ອວັນທີ 12 ຕຸລາ 2026 ກ່ຽວກັບ ຫ້າມຜະລິດ, ນໍາເຂົ້າ, ຂົນສົ່ງ, ຊື້-ຂາຍ, ມີໄວ້ໃນຄອບຄອງ, ຈຸດ ຫຼື ຍິງໝາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ກໍ່ສຽງແຕກ ໃນນະຄອນຫຼວງວຽງຈັນ.

1. ຫ້າມຢ່າງເດັດຂາດ ບໍ່ໃຫ້ບຸກຄົນ, ນິຕິບຸກຄົນ ແລະ ການຈັດຕັ້ງ ທັງພາຍໃນ ແລະ ຕ່າງປະເທດ ທີ່ເຄື່ອນໄຫວຢູ່ ນະຄອນຫຼວງວຽງຈັນ ຜະລິດ, ນໍາເຂົ້າ, ຂົນສົ່ງ, ຊື້-ຂາຍ, ມີໄວ້ໃນຄອບຄອງ, ຈູດ ຫຼື ຍິງຫມາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ກໍ່ສຽງແຕກ ໃນນະຄອນຫຼວງວຽງຈັນ, ໂດຍສະເພາະໃນງານສະເຫຼີມສະຫຼອງ ແລະ ເບີກບານມ່ວນຊື່ນຕ້ອນຮັບປີໃຫມ່ສາກົນ, ປີໃຫມ່ລາວ, ປີໃຫມ່ຊົນເຜົ່າຕ່າງໆ, ປີໃຫມ່ຈີນ (ຕຸດຈີນ), ປີໃໝ່ຫວຽດນາມ (ເຕັດຫວຽດ), ງານເປີດບໍລິສັດ, ຫ້າງຮ້ານ ແລະ ງານບຸນປະເພນີຕ່າງໆຂອງຊາດ.

2. ຖ້າພົບເຫັນກໍລະນີຜູ້ລະເມີດຂໍ້ຫ້າມຂອງແຈ້ງການສະບັບນີ້ ໂດຍບໍ່ໄດ້ຮັບການອະນຸຍາດຈາກພາກສ່ວນທີ່ ກ່ຽວຂ້ອງ ແມ່ນໃຫ້ປະຕິບັດມາດຕະການປັບໃໝ ດັ່ງນີ້:
– ບຸກຄົນ ມີໝາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ວັດຖຸກໍ່ສຽງແຕກ ໄວ້ໃນຄອບຄອງ ຈະຖືກຢຶດ ແລະ ປັບໃໝ 100.000 ກີບຕໍ່ 100 ກຣາມ, ຖ້າຈຸດ ຫຼື ກໍ່ສຽງແຕກ ຈະຖືກປັບໃໝ 500.000 ກີບຕໍ່ລູກ ຫຼື ຕໍ່ໜ່ວຍ ຫຼື ຕໍ່ອັນ;
– ນິຕິບຸກຄົນ ແລະ ການຈັດຕັ້ງ ມີໝາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ວັດຖຸກໍ່ສຽງແຕກ ໄວ້ໃນຄອບຄອງ ຈະຖືກຢຶດ ແລະ ປັບໃຫມ 500.000 ກີບຕໍ່ 100 ກຣາມ, ຖ້າຈຸດ ຫຼື ກໍ່ສຽງແດກ ຈະຖືກປັບໃໝ 1.000.000 ກີບຕໍ່ລູກ ຫຼື ຕໍ່ໜ່ວຍ ຫຼື ຕໍ່ອັນ;
– ສໍາລັບການລັກລອບຜະລິດ ຫຼື ນໍາເຂົ້າ ແລະ ຂົນສົ່ງຫມາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ວັດຖຸກໍ່ສຽງແຕກ ແມ່ນໃຫ້ດໍາເນີນມາດຕະການຕາມກົດຫມາຍ ແລະ ລະບຽບການທີ່ກ່ຽວຂ້ອງ ຢ່າງເຂັ້ມງວດເດັດຂາດ;

3. ມອບໃຫ້ຫ້ອງການ ອຸດສາຫະກໍາ ແລະ ການຄ້າ 09 ຕົວເມືອງ ແລະ ຂະແໜງ ການຄ້າພາຍໃນ, ພະແນກ ອຸດ ສາຫະກໍາ ແລະ ການຄ້າ ນະຄອນຫຼວງວຽງຈັນ ສົມທົບກັບພາກສ່ວນທີ່ກ່ຽວຂ້ອງ ຕິດຕາມ ແລະ ກວດກາ ດໍາເນີນມາດຕະການຕາມກົດຫມາຍ ແລະ ລະບຽບການ ທີ່ກ່ຽວຂ້ອງຢ່າງເຂັ້ມງວດ.