ເຝົ້າລະວັງນ້ຳຖ້ວມຊຸ ແລະ ດິນເຈື່ອນ ໃນ 13 ແຂວງ ແລະ 57 ເມືອງ ລະຫວ່າງວັນທີ 19-20 ສິງຫາ 2026 ນີ້

ຮ່ອງຄວາມກົດອາກາດຕ່ຳ ຍັງສືບຕໍ່ພາດຜ່ານຢູ່ເຂດພາກເໜືອ ແລະ ພາກກາງຂອງປະເທດລາວ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງຢູ່ເກືອບທົ່ວໄປໃນແຕ່ລະພາກ ແລະ ຈະຕົກໜັກ ຫາ ໜັກຫຼາຍຢູ່ບາງທ້ອງຖິ່ນ ພ້ອມຈະມີລົມພັດແຮງເປັນບາງໂອກາດ.

ເຂດພື້ນທີ່ສ່ຽງນ້ຳຖ້ວມຊູ ແລະ ດິນເຈື່ອນ ມີດັ່ງນີ້:

• ແຂວງ ຫົວພັນ: ເມືອງ ຫົວເມືອງ ແລະ ເມືອງ ກວັນ
• ແຂວງ ຫຼວງນ້ຳທາ: ເມືອງ ລອງ, ນ້ຳທາ, ນາແລ ແລະ ເມືອງ ສິງ
• ແຂວງ ບໍ່ແກ້ວ: ເມືອງ ຫ້ວຍຊາຍ ແລະ ເມືອງ ເມິງ
• ແຂວງ ອຸດົມໄຊ: ເມືອງ ຮຸນ, ແບ່ງ, ໄຊ ແລະ ເມືອງ ງາ
• ແຂວງ ໄຊຍະບູລີ: ເມືອງ ຫົງສາ, ໄຊຍະບູລີ ແລະ ເມືອງ ພຽງ
• ແຂວງ ວຽງຈັນ: ເມືອງ ກາສີ ແລະ ເມືອງ ວັງວຽງ
• ແຂວງ ໄຊສົມບູນ: ເມືອງ ລ້ອງຊານ
• ແຂວງ ບໍລິຄຳໄຊ: ເມືອງ ບໍລິຄັນ, ປາກກະດິງ, ຄຳເກີດ ແລະ ເມືອງ ວຽງທອງ
• ແຂວງ ຄຳມ່ວນ: ເມືອງ ທ່າແຂກ, ບົວລະພາ, ຫີນບູນ, ນາກາຍ, ຍົມມະລາດ, ຄູນຄຳ, ມະຫາໄຊ, ຫນອງບົກ ແລະ ເມືອງ ເຊບັ້ງໄຟ
• ແຂວງ ສະຫວັນນະເຂດ: ເມືອງ ພີນ, ນະຄອນໄກສອນພົມວິຫານ, ເມືອງ ອາດສະພັງທອງ, ເຊໂປນ, ທ່າປາງທອງ, ສອງຄອນ, ຈຳພອນ, ໄຊບູລີ, ວິລະບູລີ, ພະລານໄຊ, ນອງ, ອຸທຸມພອນ ແລະ ເມືອງ ຊົນນະບູລີ
• ແຂວງ ສາລະວັນ: ເມືອງ ເລົ່າງາມ, ວາປີ, ຕະໂອ້ຍ, ຄົງເຊໂດນ ແລະ ເມືອງ ລະຄອນເພັງ
• ແຂວງ ເຊກອງ: ເມືອງ ກະລຶມ ແລະ ດັກຈຶງ
• ແຂວງ ອັດຕະປື: ເມືອງ ພູວົງ, ຊານໄຊ ແລະ ເມືອງ ສະໜາມໄຊ

ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອົງການປົກຄອງທ້ອງຖິ່ນ ແລະ ອົງການຈັດຕັ້ງທຸກພາກສ່ວນ ໃນເຂດພື້ນທີ່ສ່ຽງ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ທີ່ຈະເຮັດໃຫ້ມີ ນ້ຳຖ້ວມຊູ ແລະ ດິນເຈື່ອນ, ຂໍໃຫ້ຕິດຕາມຂ່າວພະຍາກອນອາກາດ ແລະ ລະດັບນ້ຳ ຈາກກົມອຸຕຸນິຍົມ ແລະ ອຸທົກກະສາຕ ຢ່າງຕໍ່ເນື່ອງ.