ພາຍຸຝົນຕົກໜັກ ເຮັດໃຫ້ດິນເຈື່ອນເສົາໄຟຟ້າແຮງກາງລົ້ມສົ່ງຜົນໄຟດັບໃຫ້ 8 ໝູ່ບ້ານຕັ້ງແຕ່ວັນທີ 12-14 ກັນຍາ 2026 ທີ່ເມືອງດາກຈຶງ ແຂວງເຊກອງ

ແຈ້ງສຸກເສີນເນື່ອງຈາກສະພາບອາກາດມີຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ເກີດດິນເຈື່ອນ ແລະ ເສົາໄຟຟ້າແຮງກາງ (22 kV) ລົ້ມ ຈຳນວນ 1 ຕົ້ນ ບໍລິເວນແລວຕັງຕະລັງ ຕາແສງອາຢູນ, ສົ່ງຜົນໃຫ້ ໄຟດັບເປັນບໍລິເວນກວ້າງ (8 ໝູ່ບ້ານ, 229 ຫຼັງຄາເຮືອນ) ດັ່ງລາຍຊື່ລຸ່ມນີ້:

• ບ້ານ ດາກຈະບຸງ
• ບ້ານ ຕັງມີ
• ບ້ານ ດາກຊີນ
• ບ້ານ ດາກດາ
• ບ້ານ ສາງໃໝ່
• ບ້ານ ອາຢູນ
• ບ້ານ ຕັງເຢີຍ
• ບ້ານ ຕັງຕະລັງ

🛠️ ປະຈຸບັນ: ທີມງານວິຊາການ ແລະ ພະນັກງານກ່ຽວຂ້ອງ ກຳລັງເລັ່ງລົງມືສ້ອມແປງ ແລະ ກູ້ລະບົບຕາຂ່າຍໄຟຟ້າຢ່າງຮີບດ່ວນ ເພື່ອໃຫ້ສາມາດກັບມາຈ່າຍໄຟໄດ້ເປັນປົກກະຕິໂດຍໄວ.

ທີ່ມາ: ລັດວິສາຫະກິດໄຟຟ້າລາວ ສາຂາແຂວງເຊກອງ