ນະຄອນປາກເຊ ເຂັ້ມງວດ! ຄຸ້ມຄອງສັດລ້ຽງ ຫ້າມປ່ອຍສັດລ້ຽງອອກມາຕາມທາງຫລວງ ຫາກລະເມີດ ຈະປັບໃໝ 1 ລ້ານກີບ/ໂຕ
ຄະນະກຳມະການປົກຄອງນະຄອນປາກເຊ ໄດ້ແຈ້ງໃຫ້ບັນດາຫ້ອງການ ທີ່ກ່ຽວຂ້ອງ, ເລຂາຄະນະພັກຮາກຖານ V ກຸ່ມບ້ານ, ນາຍບ້ານ 42 ບ້ານ, ພະນັກງານ – ລັດຖະກອນ, ທະຫານ, ຕຳຫຼວດ, ພໍ່ແມ ປະຊາຊົນທີ່ອາໄສ ຢູ່ໃນຂອບເຂດປາກເຊ ເພີ່ມທະວີເອົາໃຈໃສ່ປົກປັກຮັກສາສັດ, ສັດລ້ຽງທີ່ຢູ່ໃນຄວາມຮັບຜິດຊອບຂອງຕົນ ທີ່ອອກມາຕາມເສັ້ນທາງ ເລກທີ 13 ເໜືອ ແລະ ໃຕ້, ເສັ້ນທາງສາລາຂຽວດົງຈອງ, ເສັ້ນທາງຕ່າງໆ ໃນເທດສະບານ, ສະໜາມກ໋ອບ, ສໍາ ນັກງານອົງການ ແລະ ສະຖານທີ່ ສາທາລະນະໃນນະຄອນປາກເຊ ໂດຍບໍ່ມີຜູ້ຄຸ້ມຄອງດູແລຮັກສາຮັກສາ ຢ່າງເດັດຂາດ ເຊິ່ງຈະກໍ່ໃຫ້ເກີດອຸບັດເຫດ, ຕໍ່ຊິວິດ ແລະ ຊັບສິນ ຂອງລັດ ແລະ ລວມໝູ. ຖ້າບຸກຄົນໃດລະເມີດ, ຄະນະຮັບຜິດຊອບ ຈະໄດ້ສ້າງເຮັດບົດບັນທຶກສຶກສາອົບຮົມ ແລະ ພ້ອມປັບໃໝເຈົ້າຂອງສັດ ທີ່ປອຍປະສັດລ້ຽງຊະຊາຍ.
ຄັ້ງທີ 1 ຕ້ອງໄດ້ເສຍຄ່າຂົນຍ້າຍ, ຄ່າປົກປັກຮັກສາສັດ, ສັດລ້ຽງ, ໃນນັ້ນ ງົວ, ຄວາຍ, ແບ້, ມ້າ, ປັບໄໝ 1 ລ້ານກີບ/ໂຕ/ຄັ້ງ; ການປັບໃໝ
ຄັ້ງທີ 2 ແມ່ນໃຫ້ຄິດໄລ່ຈໍານວນຄູນສອງເທົ່າຕົວຂອງຄັ້ງຜ່ານມາ ແລະ ຖ້າລະເມີດອີກ ຫຼື ກາຍກຳນົດ 7 ວັນ ແມ່ນໃຫ້ຮິບເປັນຂອງລັດ.
ພາຍຫຼັງທີ່ຈັບສັດລ້ຽງຊະຊາຍໄດ້ ແມ່ນມອບໃຫ້ກອງບັນຊາການທະຫານນະຄອນປາກເຊ ເປັນຜູ້ຮັກສາລ້ຽງດູ; ມອບໃຫ້ ຄະນະກຳມະການທີ່ກ່ຽວຂ້ອງຂອງແຂວງ ແລະ ນະຄອນ ສົມທົບກັນ ເຄື່ອນໄຫວກວດກາການຈັດຕັ້ງປະຕິບັດກົດໝາຍວ່າດ້ວຍການລ້ຽງສັດ ແລະ ການສັດຕະວະແພດ ແລະ ກົດໝາຍວ່າດ້ວຍການ ຈາລະຈອນທາງບົກ, ລະບຽບການຄຸ້ມຄອງສັດລ້ຽງ ໃຫ້ມີຄວາມເຂັ້ມງວດ.
ຂໍໃຫ້ບັນດາຫ້ອງການທີ່ກ່ຽວຂ້ອງ, ເລຂາຄະນະພັກຮາກຖານ V ກຸ່ມບ້ານ, ທ່ານນາຍບ້ານ 42 ບ້ານ, ພະນັກງານ – ລັດຖະກອນ, ທະຫານ, ຕຳຫຼວດ, ພໍ່ແມ່ປະຊາຊົນທີ່ອາໃສຢູ່ໃນຂອບເຂດປາກເຊ, ທຸກພາກສວ່ນຈົ່ງຮັບຮູ້ ແລະ ຈັດຕັ້ງປະຕິບັດຢ່າງເຂັ້ມງວດ.
ຂ່າວ: ທູນທອງໃຈ
ຂ່າວທີ່ກ່ຽວຂ້ອງ
ອ່ານຫຼາຍທີ່ສຸດ
