ລະທຶກກາງອາກາດ! ເຮືອບິນ IndiGo ຖືກຟ້າຜ່າທີ່ຄວາມສູງ 17,000 ຟຸດ ນັກບິນນຳລົງຈອດປອດໄພ 110 ຊີວິດ

ວັນທີ 8 ຕຸລາ 2026 ເກີດເຫດລະທຶກຂວັນກາງອາກາດ ເມື່ອເຮືອບິນໂດຍສານຂອງສາຍການບິນ IndiGo ຖ້ຽວບິນ 6E 625 ເດີນທາງຈາກເມືອງ Patna ມຸ່ງໜ້າໄປຍັງເມືອງ Lucknow ຖືກຟ້າຜ່າຢ່າງຮຸນແຮງ ຂະນະບິນຢູ່ທີ່ລະດັບຄວາມສູງປະມານ 17,000 ຟຸດ.

ເຫດການດັ່ງກ່າວສົ່ງຜົນໃຫ້ສ່ວນຫົວຂອງເຮືອບິນໄດ້ຮັບຄວາມເສຍຫາຍຢ່າງເຫັນໄດ້ຊັດ. ເຖິງຢ່າງນັ້ນ ນັກບິນສາມາດຄວບຄຸມສະຖານະການ ແລະນຳເຮືອບິນລົງຈອດຢ່າງປອດໄພທີ່ ສະໜາມບິນນານາຊາດ Chaudhary Charan Singh ເມືອງ Lucknow ໄດ້ກ່ອນກຳນົດເວລາປະມານ 8 ນາທີ.

ຜູ້ໂດຍສານ 104 ຄົນ ແລະລູກເຮືອ 6 ຄົນ ລວມທັງໝົດ 110 ຄົນທີ່ຢູ່ເທິງເຮືອບິນ ບໍ່ມີຜູ້ໃດໄດ້ຮັບບາດເຈັບ. ທາງສາຍການບິນໄດ້ຈັດຫາເຮືອບິນລຳໃໝ່ ເພື່ອນຳຜູ້ໂດຍສານເດີນທາງຕໍ່ໄປຍັງຈຸດໝາຍປາຍທາງແລ້ວ.