ແກ໊ງໂຈນເຂົ້າປຸ້ນເຫຼົ້າແວັງ 30,000 ຂວດ ມູນຄ່າກວ່າ 5 ລ້ານເອີໂຣ ໃນອົດສະຕຣາລີ ຖືເປັນຄະດີປຸ້ນເຫຼົ້າແວັງຄັ້ງໃຫຍ່ທີ່ສຸດຂອງປະເທດ

ໂຈນຢ່າງໜ້ອຍ 7 ຄົນ ບຸກລັກຂະໂມຍເຫຼົ້າແວັງຊັ້ນດີປະມານ 30,000 ຂວດ ມູນຄ່າປະມານ 5 ລ້ານເອີໂຣ ຫຼືປະມານ 188 ລ້ານບາດ ຈາກສາງເກັບເຫຼົ້າແວັງຂອງບໍລິສັດ “Marchesi Antinori” ໃນແຄວ້ນທັສການີ ປະເທດອົດສະຕຣາລີ. ເຫຼົ້າແວັງທີ່ຖືກລັກມີທັງເຫຼົ້າແວັງລຸ້ນປີ 2023 ແລະແບຣນຫາຍາກ ທີ່ມີລາຄາຂາຍຂວດລະ 150–500 ເອີໂຣ. ກຸ່ມຄົນຮ້າຍໄດ້ຫຼົບໜີໄປດ້ວຍລົດບັນທຸກ 2 ຄັນ ຂະນະທີ່ຕຳຫຼວດກຳລັງເລັ່ງຕິດຕາມຄົນຮ້າຍ ແລະກວດສອບເສັ້ນທາງການຈຳໜ່າຍເຫຼົ້າແວັງທີ່ຖືກລັກ.

ເຫດການນີ້ເກີດຂຶ້ນທີ່ສາງສິນຄ້າ ແລະໂຮງງານຜະລິດຂອງບໍລິສັດ Marchesi Antinori ໃນເມືອງກໍຕໂຕນາ ແຂວງອາເຣັສໂຊ ແຄວ້ນທັສການີ ປະເທດອິຕາລີ. ກຸ່ມຄົນຮ້າຍຢ່າງໜ້ອຍ 7 ຄົນ ທີ່ສວມໜ້າກາກປິດບັງໃບໜ້າ ໄດ້ບຸກເຂົ້າໄປປິດລະບົບສັນຍານເຕືອນໄພ ແລະກ້ອງວົງຈອນປິດຂອງສາງສິນຄ້າ. ຈາກນັ້ນ ພວກເຂົາໄດ້ໃຊ້ລົດຍົກຂອງບໍລິສັດ ເພື່ອຍົກກ່ອງເຫຼົ້າແວັງທີ່ກຽມໄວ້ສຳລັບການສົ່ງອອກ ຂຶ້ນລົດບັນທຸກຂະໜາດໃຫຍ່ 2 ຄັນ ກ່ອນຈະຫຼົບໜີໄປໃນຄວາມມືດ.

ເຫດການເກີດຂຶ້ນຕັ້ງແຕ່ວັນທີ 5 ຕຸລາ ແຕ່ບໍລິສັດໄດ້ເກັບເລື່ອງນີ້ໄວ້ເປັນຄວາມລັບ ແລະຫາກໍເປີດເຜີຍຕໍ່ສາທາລະນະໃນວັນທີ 9 ຕຸລາ ເພື່ອບໍ່ໃຫ້ກະທົບຕໍ່ການເຮັດວຽກ ແລະການສືບສວນຂອງຕຳຫຼວດ.

ເຣນໂຊ ໂກຕາເຣລລາ (Renzo Cotarella) ປະທານເຈົ້າໜ້າທີ່ບໍລິຫານຂອງ Antinori ເປີດເຜີຍວ່າ ເຫຼົ້າແວັງທີ່ຖືກລັກທັງໝົດເປັນເຫຼົ້າແວັງວິນເທຈປີ 2023 ເຊິ່ງເປັນປີທີ່ຜະລິດເຫຼົ້າແວັງທີ່ມີຄຸນນະພາບດີເປັນພິເສດ. ໃນນັ້ນປະກອບມີເຫຼົ້າແວັງຊື່ດັງທີ່ຄົນຮັກເຫຼົ້າແວັງທົ່ວໂລກຕ້ອງການ ເຊັ່ນ Solaia, Tignanello ແລະ Guado al Tasso ເຊິ່ງມີລາຄາຂາຍຍ່ອຍໃນຕະຫຼາດໂລກປະມານຂວດລະ 150–500 ເອີໂຣ ຫຼືປະມານ 5,600–19,000 ບາດ.

ສະເພາະເຫຼົ້າແວັງລຸ້ນເດັ່ນຢ່າງ “Solaia” ພຽງລຸ້ນດຽວ ເຊິ່ງປົກກະຕິຜະລິດພຽງປີລະ 60,000–70,000 ຂວດ ກໍຖືກກຸ່ມໂຈນລັກໄປເຖິງ 10,000 ຂວດ.

ໂກຕາເຣລລາຢືນຢັນວ່າ ເຫດການນີ້ຖືເປັນການລັກຂະໂມຍເຫຼົ້າແວັງຄັ້ງໃຫຍ່ທີ່ສຸດໃນປະຫວັດສາດຂອງອົດສະຕຣາລີ. ລາວກ່າວວ່າ: “ນີ້ແມ່ນກຸ່ມຄົນຮ້າຍທີ່ວາງແຜນມາເປັນຢ່າງດີ ແລະ ມີຄວາມເປັນໄປໄດ້ວ່າອາດເປັນແກ໊ງດຽວກັນກັບທີ່ເຄີຍກໍ່ເຫດໂຈມຕີໂຮງຜະລິດເຫຼົ້າແວັງແຫ່ງອື່ນໆໃນອິຕາລີ ໃນຊ່ວງຫຼາຍເດືອນຜ່ານມາ.

ທາງດ້ານຕະກູນອັນຕິໂນຣີ (Antinori) ເຊິ່ງເລີ່ມດຳເນີນທຸລະກິດເຫຼົ້າແວັງຕັ້ງແຕ່ປີ 1385 ແລະສືບທອດກິດຈະການມາຍາວນານເຖິງ 26 ລຸ້ນ ໄດ້ປະກາດເຕືອນລູກຄ້າທົ່ວໂລກໃຫ້ລະມັດລະວັງໃນການຊື້ເຫຼົ້າແວັງຈາກຜູ້ຂາຍທີ່ບໍ່ແມ່ນຊ່ອງທາງຈຳໜ່າຍຢ່າງເປັນທາງການ ພ້ອມທັງຂໍຄວາມຮ່ວມມືໃຫ້ແຈ້ງເບາະແສ ຫາກພົບເຫຼົ້າແວັງທີ່ສົງໄສວ່າເປັນສິນຄ້າຖືກລັກປາກົດຢູ່ໃນຕະຫຼາດ.

ເນື່ອງຈາກເຫຼົ້າແວັງທີ່ເກັບໄວ້ໃນສາງເພື່ອກຽມສົ່ງອອກນັ້ນ ໄດ້ຖືກບັນຈຸໃສ່ກ່ອງ ແລະຈັດກຽມໄວ້ຮຽບຮ້ອຍແລ້ວ ຈຶ່ງເຮັດໃຫ້ກຸ່ມຄົນຮ້າຍສາມາດຂົນຍ້າຍສິນຄ້າອອກໄປໄດ້ຢ່າງສະດວກ.

ຂະນະນີ້ ເຈົ້າໜ້າທີ່ຕຳຫຼວດ ແລະທະຫານຄາຣາບິນິເອຣີ (Carabinieri) ຂອງອົດສະຕຣາລີ ກຳລັງເລັ່ງກວດສອບຫຼັກຖານ ແລະຕິດຕາມຫາຕົວຜູ້ກໍ່ເຫດຢ່າງເຂັ້ມງວດ ລວມທັງກວດສອບວ່າລົດບັນທຸກ 2 ຄັນທີ່ໃຊ້ຂົນຍ້າຍເຫຼົ້າແວັງນັ້ນ ຍັງຢູ່ພາຍໃນປະເທດ ຫຼືຖືກນຳອອກໄປຕ່າງປະເທດແລ້ວ.

ເຖິງຢ່າງນັ້ນ ປະທານເຈົ້າໜ້າທີ່ບໍລິຫານ (CEO) ຂອງ Antinori ຍັງສະແດງຄວາມໝັ້ນໃຈວ່າ ເຈົ້າໜ້າທີ່ຈະສາມາດຕິດຕາມເຫຼົ້າແວັງທັງໝົດກັບຄືນມາໄດ້ ໂດຍລະບຸວ່າ:

“ລົດບັນທຸກຂະໜາດໃຫຍ່ເຖິງ 2 ຄັນ ທີ່ບັນທຸກເຫຼົ້າແວັງເຕັມຄັນລົດ ບໍ່ສາມາດຫາຍໄປໄດ້ສະເພາະໂດຍບໍ່ປະຮ່ອງຮອຍໃດໆໄວ້.”

ການລັກຂະໂມຍຄັ້ງນີ້ເກີດຂຶ້ນໃນຊ່ວງທີ່ມີລາຍງານເຫດລັກເຫຼົ້າແວັງຫຼາຍຄະດີໃນອົດສະຕຣາລີ. ເມື່ອເດືອນກ່ອນ ຄົນຮ້າຍໄດ້ລັກເຫຼົ້າແວັງບາໂຣໂລ (Barolo) ປະມານ 3,000 ຂວດ ມູນຄ່າປະມານ 400,000 ເອີໂຣ ຈາກໂຮງບົ່ມເຫຼົ້າແວັງ Conterno Fantino ໃນແຄວ້ນພີດມອນຕ໌ (Piedmont) ແຕ່ຍັງບໍ່ມີຂໍ້ມູນຢືນຢັນວ່າຄະດີດັ່ງກ່າວກ່ຽວຂ້ອງກັບເຫດລັກປຸ້ນທີ່ Marchesi Antinori ຫຼື ບໍ່.

ກ່ອນໜ້ານີ້ ໃນປີ 2017 ຄົນຮ້າຍເຄີຍລັກເຫຼົ້າແວັງຫາຍາກປະມານ 2,000 ຂວດ ມູນຄ່າ 750,000 ເອີໂຣ ຈາກສາງສິນຄ້າໃກ້ເມືອງຕາກອາກາດເຊີຣເວຍ (Cervia) ບໍລິເວນຊາຍຝັ່ງທະເລອາເດຣຍຕິກ (Adriatic).

ທີ່ມາ: CNN / The Associated Press