ສານ ຈີນ ສັ່ງປະຫານຊີວິດສະມາຊິກມາເຟຍຕະກູນໝິງ 11 ຄົນ ຜູ້ຢູ່ເບື້ອງຫຼັງອານາຈັກສະແກມເມີໃນມຽນມາ!
ວັນທີ 29 ມັງກອນ 2026 ສື່ຕ່າງປະເທດລາຍງານວ່າ ຈີນໄດ້ປະຫານຊີວິດສະມາຊິກ 11 ຄົນ ຂອງຕະກູນໝິງ ທີ່ໄດ້ດຳເນີນທຸລະກິດສະແກມເມີໃນມຽນມແລ້ວ ຫລັງສານ ແຂວງເຈີຈຽງ ໄດ້ຕັດສິນລົງໂທດສະມາຊິກຕະກູນໝິງເມື່ອເດືອນກັນຍາ 2025 ໃນຂໍ້ຫາຕ່າງໆ ລວມເຖິງຄະດີຄາຕະກຳ, ການກັກຂັງໜ່ວງໜຽວ, ການສໍ້ໂກ້ງ ແລະ ການເປີດ ຄາສິໂນ.
ຕະກູນໝິງເປັນໜຶ່ງໃນຫລາຍຕະກູນທີ່ຄວບຄຸມເມືອງ ລາວກາຍ ໃກ້ຊາຍແດນຈີນ ພາຍໃຕ້ການປົກຄອງຂອງພວກເຂົາ ເມືອງ ທີ່ທຸກຍາກ ແລະ ຫລ້າຫລັງແຫ່ງນີ້ໄດ້ຖືກປ່ຽນໃຫ້ກາຍເປັນສູນກາງຂອງຄາສິໂນ ແລະ ເປັນອານາຈັກສະແກມເມີຂອງຕະກູນໝິງຫລົ້ມສະຫລາຍໃນປີ 2023 ເມື່ອທາງການມຽນມາຈັບກຸມພວກເຂົາ ແລະ ສົ່ງຕົວໃຫ້ຈີນ.
ແກ້ງສະແກມເມີໃນມຽນມາ ໄດ້ຫລອກລວງແຮງງານຊາວຈີນຫລາຍພັນຄົນຕະຫລອດຫລາຍປີທີ່ຜ່ານມາ ພວກເຂົາເປັນໜຶ່ງໃນຫລາຍແສນຄົນທີ່ຖືກຄ້າມະນຸດເຂົ້າໄປໃນສະຖານທີ່ເຫລົ່ານີ້ ແລະ ຖືກບັງຄັບໃຫ້ຫລອກລວງຜູ້ຄົນໃນຕ່າງປະເທດ
ປີທີ່ຜ່ານມາ ໂຊຊຽວຂອງຈີນໃຫ້ຄວາມສົນໃຈຢ່າງຫລວງຫລາຍກ່ຽວກັບນັກສະແດງຊາວຈີນຄົນໜຶ່ງທີ່ເດີນທາງໄປປະເທດໄທ ເພື່ອຮັບງານສະແດງ ແຕ່ຖືກລໍ້ລວງໄປສູນສະແກມເມີໃນມຽນມາ.
ສານຈີນລະບຸວ່າ ງານຫລອກລວງ ແລະ ຄ່າສະໂນ ຂອງແກ້ງມາເຟຍຕະກູນໝິງສ້າງລາຍໄດ້ສູງກວ່າ 10ຕື້ຢວນ(10 ພັນລ້ານຢວນ) ລະຫວ່າງປີ 2015 ຫາ 2023 ສານກ່າວວ່າ ອາຊະຍາກຳຂອງພວກເຂົາສົ່ງຜົນໃຫ້ພົນລະເມືອງຈີນເສຍຊີວິດ 14 ຄົນ ແລະ ບາດເຈັບອີກຫລາຍຄົນ.
