ກັກຕົວຄົນສັນຊາດຢີ່ປຸ່ນ ຈໍານວນ 16 ຄົນ ກໍ່ອາຊະຍາກຳທາງອິນເຕີເນັດ
ໂດຍ kaling
ຟັງຂ່າວນີ້1 ນາທີ · ສຽງ AI ຜູ້ຊາຍ
0:00 / 0:50
AD
AD
AD
ໃນອາທິດຜ່ານມາກຳລັງເຈົ້າໜ້າທີ່ໜ່ວຍສະເພາະກິດກະຊວງປ້ອງກັນຄວາມສະຫງົບ ໄດ້ບຸກເຂົ້າມ້າງກຸ່ມແກ້ງກໍ່ອາຊະຍາກໍາທາງອິນເຕີເນັດ ເຊິ່ງໃຊ້ສະຖານທີ່ເຮືອນໃຫ້ເຊົ່າຕັ້ງຢູ່ບ້ານນາລ້ອມ ເມືອງໄຊທານີ ນະຄອນຫຼວງວຽງຈັນ ເປັນບ່ອນກະທຳຜິດ.
ຜ່ານການກວດກາ ຂອງເຈົ້າໜ້າທີ່ສາມາດກັກຕົວຜູ້ຖືກຫາ ເປັນຄົນສັນຊາດ ຢີ່ປຸ່ນ ຈຳນວນ 16 ຄົນ, ພ້ອມທັງກວດພົບ ແລະ ຢຶດຂອງກາງທີ່ຖືກນຳໃຊ້ເຂົ້າໃນການກະທຳຜິດປະກອບມີ ໂທລະສັບມືຖື 55 ເຄື່ອງ ແລະ ໄອແພັດ 4 ເຄື່ອງ.
ປັດຈຸບັນ, ເຈົ້າໜ້າທີ່ວິຊາສະເພາະ ກຳລັງເລັ່ງດຳເນີນການສືບສວນ-ສອບສວນ ເພື່ອຂະຫຍາຍຜົນຫາຜູ້ຮ່ວມຂະບວນການ ແລະ ພັກພວກມາດຳເນີນຄະດີຕາມກົດໝາຍ.
ທີ່ມາ: ຄວາມສະຫງົບ Lao Security News
ຂ່າວນີ້ມີປະໂຫຍດບໍ່?
ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້
ແບ່ງປັນແລ້ວ 37 ຄັ້ງຖືກໃຈ 17 ຄັ້ງ
mahaxan.com/24750
