AD

AD

AD

ໃນມື້ທຳອິດຂອງການເປີດຮັບຖ້ຽວບິນຜູ້ໂດຍສານລະຫວ່າງປະເທດ ໝາດົມກິ່ນຊື່ ໂກຈິ (Goji) ແລະ ຜູ້ຄວບຄຸມຊື່ ເຄຕີ (Katie) ໄດ້ສ້າງຜົນງານການກວດພົບສິ່ງຂອງຕ້ອງຫ້າມຄັ້ງທຳອິດຂອງທີມ. ໂດຍພວກເຂົາສາມາດດົມກິ່ນກວດພົບກ້ວຍ ແລະ ໝາກພິສຕາຊິໂອ ທີ່ຜູ້ໂດຍສານບໍ່ໄດ້ແຈ້ງສຳແດງ ເຊິ່ງເຊື່ອງຢູ່ໃນກະເປົາເດີນທາງ.

ໜ້າຮັກແຖມຍັງເກັ່ງ! ໝາດົມກິ່ນ “ໂກຈິ” ສ້າງຜົນງານມື້ທຳອິດ ກວດພົບກ້ວຍ-ໝາກພິສຕາຊິໂອ ເຊື່ອງໃນກະເປົາຜູ້ໂດຍສານ!

ສະໜາມບິນສາກົນແຫ່ງໃໝ່ຂອງອົດສະຕຣາລີຫາກໍເລີ່ມເປີດຮັບຖ້ຽວບິນສາກົນ ແຕ່ໝາດົມກິ່ນປະຈຳດ່ານກວດກາກໍສ້າງຜົນງານໄດ້ຕັ້ງແຕ່ມື້ທຳອິດ! ໂດຍໝາດົມກິ່ນຊື່ “ໂກຈິ” (Goji) ແລະ ຜູ້ຄວບຄຸມຊື່ ເຄຕີ (Katie) ໄດ້ຮ່ວມມືກັນກວດພົບກ້ວຍ ແລະ ໝາກພິສຕາຊິໂອ ທີ່ຜູ້ໂດຍສານບໍ່ໄດ້ແຈ້ງສຳແດງ ເຊິ່ງເຊື່ອງຢູ່ໃນກະເປົາເດີນທາງ ກາຍເປັນຜົນງານການກວດພົບຄັ້ງທຳອິດຂອງທີມໝາດົມກິ່ນປະຈຳສະໜາມບິນແຫ່ງນີ້.

ເຫດການດັ່ງກ່າວເກີດຂຶ້ນທີ່ທ່າອາກາດສາກົນເວສເທີນຊິດນີ (Western Sydney International Airport) ໂດຍສຳນັກງານ Australian Biosecurity ໄດ້ເຜີຍແຜ່ພາບ ແລະ ຂໍ້ມູນຜ່ານ Instagram. ໃນຮູບພາບ ໂກຈິຢືນຢູ່ຂ້າງໂຕະກວດກາ ພ້ອມຮອຍຍິ້ມສົດໃສ ຂະນະທີ່ກ້ວຍ ແລະ ໝາກພິສຕາຊິໂອທີ່ກວດພົບຖືກວາງຢູ່ເທິງໂຕະ.

ທາງການລະບຸວ່າ ນີ້ເປັນຜົນງານການກວດພົບຄັ້ງທຳອິດຂອງທີມໝາດົມກິ່ນ ໃນມື້ທຳອິດຂອງການເປີດຖ້ຽວບິນສາກົນ. ຫຼັງຈາກຮູບພາບຖືກເຜີຍແຜ່ ຊາວເນັດຕ່າງພາກັນຊື່ນຊົມຄວາມໜ້າຮັກຂອງໂກຈິ ໂດຍມີຄົນຄອມເມັນວ່າ “ໂກຈິຄື MVP ໂຕຈິງ”, “ເບິ່ງຄືວ່າພູມໃຈໃນຜົນງານຫຼາຍ” ແລະ “ຮອຍຍິ້ມນີ້ໜ້າຮັກຫຼາຍ!” ບາງຄົນຍັງຢອກວ່າ ຄວນມອບກ້ວຍໃຫ້ໂກຈິເປັນລາງວັນອີກດ້ວຍ.

ສຳລັບສາເຫດທີ່ກ້ວຍ ແລະ ໝາກພິສຕາຊິໂອຕ້ອງຖືກກວດການັ້ນ ເນື່ອງຈາກອົດສະຕຣາລີມີມາດຕະການຄວບຄຸມດ້ານຄວາມປອດໄພທາງຊີວະພາບຢ່າງເຂັ້ມງວດ. ການນຳເອົາໝາກໄມ້ ຫຼື ຜະລິດຕະພັນກະສິກຳເຂົ້າປະເທດໂດຍບໍ່ແຈ້ງສຳແດງ ອາດເປັນຊ່ອງທາງນຳພາແມງໄມ້ ແລະ ເຊື້ອພະຍາດພືດເຂົ້າມາ ເຊິ່ງອາດສົ່ງຜົນກະທົບຕໍ່ກະສິກຳ ແລະ ລະບົບນິເວດຂອງປະເທດ.

ທັງນີ້ ທີມໝາດົມກິ່ນກວດກາຈະເຮັດວຽກຮ່ວມກັບເຈົ້າໜ້າທີ່ດ້ານຄວາມປອດໄພທາງຊີວະພາບ ແລະ ອຸປະກອນກວດກະເປົາທີ່ທັນສະໄໝ ເພື່ອກວດຄົ້ນຫາສິ່ງຂອງທີ່ອາດສ້າງຄວາມສ່ຽງຕໍ່ກະສິກຳ ແລະ ສິ່ງແວດລ້ອມຂອງອົດສະຕຣາລີ.

ເອີ້ນໄດ້ວ່າ ໂກຈິສ້າງຜົນງານໄດ້ຕັ້ງແຕ່ມື້ທຳອິດ ທັງເກັ່ງ ທັງໜ້າຮັກ ຈົນກາຍເປັນຂວັນໃຈຂອງຊາວເນັດໄປອີກໜຶ່ງໂຕ! 🐶🐾

ພາບ: Australianbiosecurity ພ້ອມປະຕິບັດໜ້າທີ່ຕັ້ງແຕ່ມື້ທຳອິດ ພ້ອມປົກປ້ອງອົດສະຕຣາລີຕັ້ງແຕ່ມື້ທຳອິດເລີຍ.

ພາບ ແລະ ຂໍ້ມູນ: Australianbiosecurity