ຕຳຫຼວດບຸກຈັບ "ບຸ໋ມ ປະນັດດາ" ຄາເຮືອນພັກ ຄົ້ນມູນນິທິລວມ 4 ຈຸດ ເພື່ອຊອກຫາຫຼັກຖານເພີ່ມເຕີມ

AD

AD

AD

ວັນທີ 6 ພະຈິກ 2026, ເວລາ 06:26 ໂມງ, ພົນຕຳຫຼວດໂທ ນັດທະສັກ ເຊົາວານາໄສ ຜູ້ບັນຊາການຕຳຫຼວດສອບສວນກາງ (ຜບຊ.ກ.), ພົນຕຳຫຼວດຕີ ທັດພູມ ຈາຣຸປຣັດ ຜູ້ບັງຄັບການກອງບັງຄັບການປາບປາມການກະທຳຜິດກ່ຽວກັບອາດຊະຍາກຳທາງເສດຖະກິດ (ຜບກ.ປອສ.) ໄດ້ຮ່ວມກັນສັ່ງການໃຫ້ ພັນຕຳຫຼວດເອກ ຈຳນານ ຈັນເທດ ຜູ້ກຳກັບການ 4 ບກ.ປອສ. ນຳກຳລັງເຂົ້າຈັບກຸມ ນາງສາວ ປະນັດດາ ວົງຜູ້ດີ ຫຼື ບຸ໋ມ, ປະທານ “ມູນນິທິອົງກອນທຳດີ” ຕາມໝາຍຈັບຂອງສານອາຍາ ເລກທີ 6491/2569 ລົງວັນທີ 5 ພະຈິກ 2026 ໃນຂໍ້ຫາ “ຮ່ວມກັນສໍ້ໂກງປະຊາຊົນ, ຮ່ວມກັນສົມຮູ້ຮ່ວມຄິດໂດຍການຕົກລົງກັນຕັ້ງແຕ່ສອງຄົນຂຶ້ນໄປ ເພື່ອກະທຳຄວາມຜິດຖານຟອກເງິນ ແລະ ຮ່ວມກັນໂດຍທຸຈະລິດ ຫຼື ໂດຍຫຼອກລວງ ນຳເຂົ້າສູ່ລະບົບຄອມພິວເຕີ ເຊິ່ງຂໍ້ມູນອັນເປັນເທັດ ໂດຍປະການທີ່ໜ້າຈະເກີດຄວາມເສຍຫາຍແກ່ປະຊາຊົນ”. ໂດຍສາມາດຈັບກຸມໄດ້ທີ່ເຮືອນພັກ ໃນໝູ່ບ້ານນາຣາສິຣິ ໂທເພຍຣີ ຖະໜົນນວະມິນ ແຂວງຄອງກຸ່ມ ເຂດບຶງກຸ່ມ ກຣຸງເທບມະຫານະຄອນ.

ນອກຈາກນີ້, ກຳລັງເຈົ້າໜ້າທີ່ອີກສ່ວນໜຶ່ງ ໄດ້ເຂົ້າກວດຄົ້ນຫໍດູດາວ ຫຼື ເຮືອນດູດາວ, ເຊິ່ງເປັນເຮືອນຂອງ “ກັອດ” ສາມີຂອງບຸ໋ມ ຕັ້ງຢູ່ໃນພື້ນທີ່ໝູ່ 7 ຕຳບົນບຶງກາສາມ ອຳເພີໜອງເສືອ ຈັງຫວັດປະທຸມທານີ

ອີກຈຸດໜຶ່ງແມ່ນ ມູນນິທິອົງກອນທຳດີ ທີ່ມີສານເຈົ້າພວກກຳລັງກໍ່ສ້າງ, ຕັ້ງຢູ່ຮັງສິດ ຄອງ 8 ໝູ່ 4 ຕຳບົນລຳຜັກກູດ ອຳເພີທັນຍະບູຣີ ຈັງຫວັດປະທຸມທານີ. ແລະ ຈຸດສຸດທ້າຍແມ່ນ ມູນນິທິຂອງກັອດ ຍ່ານບາງເຂນ ເພື່ອຊອກຫາພະຍານຫຼັກຖານ ທີ່ກ່ຽວຂ້ອງກັບການກະທຳຜິດ.

ຫຼັງຈາກນັ້ນ, ເຈົ້າໜ້າທີ່ຈະນຳຕົວຜູ້ຕ້ອງຫາ ມາສອບສວນຕໍ່ທີ່ ກອງບັນຊາການຕຳຫຼວດສອບສวนກາງ (ບຊ.ກ.).

ລາຍງານຂ່າວລະບຸວ່າ: ໃນຂະນະທີ່ ບຸ໋ມ ປະນັດດາ ພ້ອມດ້ວຍ ທນາຍເພັດ ກຳລັງເດີນທາງຈະມາໃຫ້ສຳພາດແກ່ສື່ມວນຊົນ ທີ່ລໍຖ້າຢູ່ຕໍ່ໜ້າໝູ່ບ້ານ, ໃນຈັງຫວະນັ້ນ ເຈົ້າໜ້າທີ່ຕຳຫຼວດ ບກ.ປອສ. ໄດ້ເດີນທາງເຂົ້າມາຈັບກຸມທັນທີ ກ່ອນຈະພາຕົວເຂົ້າກວດຄົ້ນພາຍໃນເຮືອນພັກ ໂດຍທີ່ຍັງບໍ່ທັນໄດ້ໃຫ້ສຳພາດແກ່ສື່ມວນຊົນແຕ່ຢ່າງໃດ.
ທີ່ມາ: MGR Online