ປກສ ເມືອງໂຂງ ຈັດພິທີທຳລາຍອາວຸດລ່າເນື້ອ ແລະ ວັດຖຸຕ້ອງຫ້າມ ຢູ່ຕາແສງດອນໂຂງ

AD

AD

AD

ເມືອງໂຂງ ທຳລາຍອາວຸດລ່າເນື້ອກວ່າ 258 ກະບອກ ແລະ ໝໍ້ຊ໊ອດປາ 16 ເຄື່ອງ

ໃນວັນທີ 12 ພະຈິກ 2026, ຫ້ອງການຕາແສງດອນໂຂງ ເມືອງໂຂງ ແຂວງຈຳປາສັກ ໄດ້ຈັດພິທີທຳລາຍອາວຸດລ່າເນື້ອ ແລະ ວັດຖຸຕ້ອງຫ້າມ ໂດຍການເຂົ້າຮ່ວມຂອງ ທ່ານ ສາທິດ ປັດສາພັນ ເລຂາຄະນະບໍລິຫານງານພັກເມືອງໂຂງ ພ້ອມດ້ວຍພາກສ່ວນທີ່ກ່ຽວຂ້ອງ ແລະ ອຳນາດການປົກຄອງບ້ານອ້ອມຂ້າງ.

ທ່ານ ພັນໂທ ທອງຄູນ ໃສສະຫວັດ ຮອງຫົວໜ້າກອງບັນຊາການ ປກສ ເມືອງໂຂງ ໄດ້ລາຍງານໃຫ້ຮູ້ວ່າ ໃນປີ 2025-2026 ຜ່ານມາ, ເຈົ້າໜ້າທີ່ໄດ້ສົມທົບກັບພາກສ່ວນກ່ຽວຂ້ອງ ເກັບກູ້ ແລະ ທ້ອນໂຮມອາວຸດທີ່ຜິດກົດໝາຍ ເພື່ອສະກັດກັ້ນບັນຫາປະກົດການຫຍໍ້ທໍ້ ແລະ ອາຊະຍາກຳໃນສັງຄົມ.

ລາຍການອາວຸດ ແລະ ວັດຖຸຕ້ອງຫ້າມທີ່ນຳມາທຳລາຍໃນຄັ້ງນີ້ ປະກອບມີ:

• ອາວຸດລ່າເນື້ອ ລວມທັງໝົດ 258 ກະບອກ (ໄດ້ຈາກປະຊາຊົນສະໝັກໃຈມອບ 155 ກະບອກ, ຈາກການມ້າງຄະດີ 29 ກະບອກ ແລະ ອື່ນໆ) ເຊິ່ງປະກອບມີ:
  • ປືນແກັບ 157 ກະບອກ
  • ປືນອັດລົມດັດແປງ 28 ກະບອກ
  • ປືນດັດແປງຍິງລູກແວງ 4 ກະບອກ
• ອຸປະກອນໝໍ້ຊ໊ອດປາ 16 ເຄື່ອງ

ການທຳລາຍອາວຸດຄັ້ງນີ້ ແມ່ນເພື່ອເປັນການບັງຄັບໃຊ້ກົດໝາຍຢ່າງເຂັ້ມງວດ ແລະ ຮັບປະກັນຄວາມສະຫງົບປອດໄພໃຫ້ແກ່ປະຊາຊົນໃນທ້ອງຖິ່ນ.

ຂ່າວ-ພາບ: ພຸດທະສິນ ວົງວິໄລທອງ