ສປ ຈີນ ຈະສຳເລັດຂັ້ນຕອນສຸດທ້າຍ ຂອງການກໍ່ສ້າງ ສະຖານີສິນຫລິງ ຢ່າງຮອບດ້ານ

ວິທະຍຸ ໂທລະພາບ ສູນກາງຈີນ, ວັນ​ທີ 7 ພະ​ຈິກ​ນີ້, ໜ່ວຍສຳຫລວດ​ ຂົ້ວ​ໂລກ​ໃຕ້ ​​ຄັ້ງ​ທີ 43 ຂອງ ສປ ຈີນ​ ທີ່​ຈັດ​ຕັ້ງ​ໂດຍ​ກະ​ຊວງ​ຊັບ​ພະ​ຍາ​ກອນ ​ທຳ​ມະ​ຊາດ​ຈີນ ໄດ້​ອອກ​ເດີນ​ທາງ​ ອອກ ຈາກນະ​ຄອນ​​ສ່ານ​ຢ້າ​ແຂວງ​ໄຫ ຫລຳ ໄປ​​ຂົ້ວ​ໂລກ​ໃຕ້. ການ​ສຳຫລວດ​ຄັ້ງ​ນີ້ຈະ​ສຳ​ເລັດ​ຂັ້ນຕອນສຸດທ້າຍ ຂອງການກໍ່​ສ້າງ​ ແລະ ວຽກ​ງານ​ການກວດ​ກາ ແລະ​ຮັບ​ຮອງ​ຕໍ່​ສະ​ຖາ​ນີ​ສຳຫລວດ​ຂົ້ວ​ໂລກ​ໃຕ້ ​ແຫ່ງ​ທີ 5 ຂອງ​ຈີນ​ ຄື​ສະ​ຖາ​ນີ​ສິນຫລິງ​ ຢ່າງ​ຮອບ​ດ້ານ ແລະ ຊຸກ​ຍູ້​ການ​ຕິດ​ຕັ້ງ​ອຸ​ປະ​ກອນ, ການສຳຫຼວດ​ພື້ນ​ທີ່ ແລະ ເຮັດ​ແຜນ​ທີ່​ຢູ່​ສະ​ຖາ​ນີ​ສຳຫລວດ ມາ​ຣີ ເບີດ ແລນເພື່ອ​ກຽມ​ຄວາມ​ພ້ອມ​ໃຫ້​ແກ່​ການ​ປັບ​ປຸງ​ ຍົກ​ລະ​ດັບ​ສະ​ຖາ​ນີ​ສາງ​ເສີງ ແລະສະ​ຖາ​ນີ​ຈົ່ງ​ຊ່ານ. ນອກ​ຈາກ​ນີ້, ​ໜ່ວຍ​ສຳຫລວດ ​ຍັງ​ຈະ​ດຳ​ເນີນ​ການ​ສຳຫລວດ ແລະຕິດ​ຕາມ​​ວັດ​ແທກ ຢ່າງຮອບດ້ານ ໃນຫລາຍ​ດ້ານກ່ຽວກັບ​ຜົນ​ກະ​ທົບ ​ຂອງ​ການ​ປ່ຽນ​ແປງ​ດິນ​ຟ້າ​ອາ​ກາດ​ ທີ່​ມີ​ຕໍ່​ລະ​ບົບ​ນິ​ເວດ ​ໃນມະ​ຫາ​ສະ​ໝຸດ​ໃຕ້, ພ້ອມ​ທັງ​ ປະ​ຕິ​ບັດພາ​ລະ​ກິດ ວິ​ທະ​ຍາ​ສາດເຕັກ​​ໂນ​ໂລ​ຊີ ທີ່​ສຳ​ຄັນຕ່າງໆເຊັ່ນ:ການ​ເຈາະ​ສຳຫລວດ​ ທະ​ເລ​ສາບ ​ສີຫລິນ​ ທີ່​ຢູ່​ໃຕ້​ນ້ຳ​ກ້ອນ​ຂອງ​ຂົ້ວ​ໂລກ​ໃຕ້ເປັນ​ຕົ້ນ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ