ຈັບນັກຮຽນ 4 ຄົນ ໃຊ້ແວ່ນຕາ AI ໂກງຂໍ້ສອບ ຄູຈັບພິລຸດໄດ້ ສັ່ງປັບຕົກທັງໝົດ

AD

AD

AD

ວັນທີ 9 ພະຈິກ 2026,ກະຊວງສຶກສາທິການເກົາຫຼີໃຕ້ ເປີດເຜີຍຜົນການສອບສວນກໍລະນີ້ນັກຮຽນໃຊ້ແວ່ນຕາອັດສະລິຍະທີ່ຕິດຕັ້ງລະບົບປັນຍາປະດິດ (AI) ທຸຈຣິດການສອບເສັງພາຍໃນໂຮງຮຽນ.

ການກວດສອບກວມເອົາໂຮງຮຽນມັດທະຍົມຕົ້ນ ແລະ ມັດທະຍົມປາຍທົ່ວປະເທດ 5,679 ແຫ່ງ ລະຫວ່າງວັນທີ 27 ຕຸລາ – 3 ພະຈິກ 2026. ພົບການທຸຈຣິດທັງໝົດ 4 ກໍລະນີ ເປັນນັກຮຽນມັດທະຍົມຕົ້ນ 1 ຄົນ ແລະ ມັດທະຍົມປາຍ 3 ຄົນ ໂດຍຢູ່ໃນກຸງໂຊລ 2 ກໍລະນີ, ແຂວງຊໍລລາເໜືອ 1 ກໍລະນີ ແລະ ເກາະເຊຈູ 1 ກໍລະນີ.

ເຫດການ 3 ກໍລະນີເກີດຂຶ້ນໃນລະຫວ່າງການສອບເສັງປາຍສົກຮຽນ ພາກຮຽນທີ 1 ສ່ວນອີກໜຶ່ງກໍລະນີເກີດຂຶ້ນລະຫວ່າງການສອບເສັງກາງພາກຮຽນທີ 2.

ນັກຮຽນ 3 ຄົນຖືກຈັບໄດ້ຫຼັງຈາກຄູຄຸມສອບສັງເກດເຫັນພຶດຕິກຳຜິດປົກກະຕິ ໂດຍນັກຮຽນໄດ້ໃຊ້ົມືສຳຜັດກອບແວ່ນຕາຊ້ຳໆ ລະຫວ່າງເຮັດບົດສອບເສັງ.

ໜຶ່ງໃນກໍລະນີທີ່ແຂວງຊໍລລາເໜືອ, ຄູສັງເກດເຫັນແສງສີຂຽວອອກມາຈາກແວ່ນຕາຂອງນັກຮຽນ ຈຶ່ງໄດ້ກວດສອບ ແລະ ພົບວ່າເປັນແວ່ນຕາອັດສະລິຍະ. ສ່ວນກໍລະນີໃນກຸງໂຊລ, ມີນັກຮຽນທີ່ປົກກະຕິບໍ່ໄດ້ສວມແວ່ນຕາກັບສວມແວ່ນຕາເຂົ້າຫ້ອງສອບ, ເຮັດໃຫ້ຄູເກີດຄວາມສົງໄສ. ສຳລັບທີ່ເກາະເຊຈູ, ນັກຮຽນລາຍໜຶ່ງແອບປ່ຽນຈາກແວ່ນຕາທຳມະດາເປັນແວ່ນຕາ AI ຫຼັງຈາກເລີ່ມສອບເສັງ, ແຕ່ຄູຄຸມສອບໄດ້ຮັບເບາະແສຈາກເພື່ອນນັກຮຽນ ແລະ ຄອຍເຝົ້າສັງເກດການຢູ່ກ່ອນແລ້ວ.

ກະຊວງສຶກສາທິການລະບຸວ່າ ຄວາມຄຸ້ນເຄີຍລະຫວ່າງຄູກັບນັກຮຽນຊ່ວຍໃຫ້ສາມາດສັງເກດເຫັນພຶດຕິກຳຜິດປົກກະຕິໄດ້ງ່າຍກວ່າການສອບເສັງລະດັບປະເທດ.

ໂຮງຮຽນທັງ 4 ແຫ່ງໄດ້ສັ່ງໃຫ້ຄະແນນສອບເສັງໃນວິຊາທີ່ພົບການທຸຈຣິດເປັນສູນທັງໝົດ ຕາມລະບຽບການປະເມີນຜົນການສຶກສາ. ນັກຮຽນມັດທະຍົມປາຍ 3 ຄົນ ໄດ້ຮັບໂທດເພີ່ມເຕີມແຕກຕ່າງກັນໄປ ຄື: ພັກການຮຽນ 5 ວັນ, ເຂົ້າຮັບການອົບຮົມພິເສດ 3 ວັນ ແລະ ບຳເພັນປະໂຫຍດ 4 ຊົ່ວໂມງ. ສ່ວນນັກຮຽນມັດທະຍົມຕົ້ນບໍ່ໄດ້ຮັບໂທດທາງວິໄນຢ່າງເປັນທາງການ, ແຕ່ທາງໂຮງຮຽນໄດ້ແນະນຳໃຫ້ເຮັດກິດຈະກຳບຳເພັນປະໂຫຍດພາຍໃນສະຖານາບັນການສຶກສາ.

ກະຊວງສຶກສາທິການກຽມສົ່ງຄູ່ມືປ້ອງກັນການໃຊ້ແວ່ນຕາ AI ທຸຈຣິດການສອບເສັງໃຫ້ໂຮງຮຽນທົ່ວປະເທດ ພ້ອມທັງເພີ່ມມາດຕະການກວດສອບອຸປະກອນອີເລັກໂທຣນິກ.

ສຳລັບການສອບເສັງເຂົ້າມະຫາວິທະຍາໄລທົ່ວປະເທດໃນວັນທີ 19 ພະຈິກ 2026, ທາງການໄດ້ປະກາດຫ້າມນຳແວ່ນຕາອັດສະລິຍະເຂົ້າຫ້ອງສອບໂດຍເດັດຂາດ. ຜູ້ທີ່ໃຊ້ແວ່ນຕາ AI ທຸຈຣິດການສອບເສັງອາດຈະຖືກດຳເນີນຄະດີຕາມກົດໝາຍອາຍາ ແລະ ທາງການມີແຜນທີ່ຈະເພີ່ມໄລຍະເວລາຫ້າມເຂົ້າສອບເສັງຈາກ 1 ປີ ເປັນ 3 ປີ.

ກະຊວງສຶກສາທິການຢືນຢັນว่าจะຍົກລະດັບການກວດສອບ ເພື່ອປ້ອງກັນການນຳເຕັກໂນໂລຊີ AI ມາໃຊ້ໃນການທຸຈຣິດ ແລະ ຮັກສາຄວາມຍຸຕິທຳຂອງລະບົບການສຶກສາ.

ທີ່ມາ: Korea JoongAng Daily