ໂຈນດຶງກະເປົາ ລົດລົ້ມໄດ້ຮັບບາດເຈັບ ແລະ ຍາດເອົາລົດຈັກຫາກໍຊື້ໄດ້ 3 ເດືອນ

ຜູ້ເສຍຫາຍຖືກໂຈນປຸ້ນເອົາລົດຈັກ ໂພສວ່າ: ເວລາ 12:20 ນາທີ ວັນທີ 14 ມິຖຸນາ 2026 ມີໂຈນເພດຊາຍ 2 ຄົນ ຂັບຂີ່ລົດຈັກຊ້ອນກັນມາຮຽງຂ້າງຕົນ ແລ້ວດຶງກະເປົາຂອງຕົນເອງ ຢູ່ເສັ້ນທາງໄປດົງໂພສີ ແຖວມະຫາວິທະຍາໄລວິທະຍາສາດສຸຂະພາບ ເຂດບ້ານຊຽງດາ ເມືອງໄຊເສດຖາ ນະຄອນຫລວງວຽງຈັນ ແຕ່ດຶງກະເອົາກະເປົາໄປບໍ່ໄດ້ ເຮັດໃຫ້ລົດຈັກຕົນເອງລົ້ມລົງ ຈາກນັ້ນ, ໂຈນໄດ້ຍາດລົດຈັກ ຍີ່ຫໍ້ຮອນດ້າເວັບ 100 ສີແດງດໍາ ປ້າຍທະບຽນ ຫທ 5199 ຂອງຕົນເອງໄປ ເຊິ່ງລົດຈັກຄັນດັ່ງກ່າວຫາກະຊື້ໄດ້ 3 ເດືອນ.

ຫລັງຈາກໂຈນໄດ້ຍາດເອົາລົດຈັກແລ້ວຂັບໜີໄປທາງດົງໂພສີ ຕົນເອງໄດ້ຮັບບາດເຈັບຫລາຍຈຸດ. ປັດຈຸບັນ, ໄດ້ເຂົ້າແຈ້ງຕໍ່ເຈົ້າໜ້າທີ່ ປກສ ກຸ່ມສົມສະຫງ່າ ເມືອງໄຊເສດຖາ ນະຄອນ ຫລວງວຽງຈັນ ແລ້ວເພື່ອຊອກຫານຳຈັບໂຈນດັ່ງກ່າວ.