ສາວລາວຖືກຈັບ ລັກລອບນຳຢາອີ 8,37 ກິໂລ ແລະ ຢາສູບໄຟຟ້າ 54 ອັນ ເຂົ້າໄທ

ສຳນັກຂ່າວໄທລາຍງານວ່າ: ວັນທີ 25 ກັນຍາ 2026 ທ່ານນາງ ປະອໍຣັດຕະນາ ຣັດຕະນະພອນສົມປອງ ຜູ້ອຳນວຍການສຳນັກງານພາສີ ພາກທີ 3 ໄດ້ເປີດເຜີຍຂໍ້ມູນວ່າ ກົມພາສີ ໂດຍດ່ານພາສີທົ່ງຊ້າງ ຮ່ວມກັບພາກສ່ວນຄວບຄຸມທາງພາສີ ສຳນັກງານພາສີ ພາກທີ 3 ໄດ້ປະສານງານຮ່ວມມືກັບ ໜ່ວຍງານທີ່ກ່ຽວຂ້ອງ ເຂົ້າກວດຄົ້ນກະເປົາເດີນທາງຂອງຜູ້ນຳທ່ຽວ-ຜູ້ເດີນທາງເຂົ້າມາໃນລາຊະອານາຈັກໄທ ບໍລິເວນຈຸດຜ່ານແດນຖາວອນບ້ານຫ້ວຍໂກ໋ນ ຕຳບົນຫ້ວຍໂກ໋ນ ອຳເພີເມືອງສະເຫລີມພະກຽດ ຈັງຫວັດນ່ານ ປະເທດໄທ

ຈາກການກວດຄົ້ນກະເປົາເດີນທາງຂອງຍິງສາວຊື່ ນາງ CHIA VANG ສັນຊາດລາວ ອາຍຸ 25 ປີ ຄົນຫລວງພະບາງ ພົບການຊຸກເຊື່ອງຊອງສີບົວ ທີ່ມີກາຮູບງົວແດງ ໜ້າຊອງລະບຸຂໍ້ຄວາມວ່າ ຄໍລາເຈນ, ຊອງສີດຳໜ້າຊອງລະບຸກາ ROLLS – ROYCE ແລະ ພົບຢາສູບໄຟຟ້າອີກ 54 ອັນ.

ເມື່ອນຳຊອງສີບົວ ແລະ ຊອງສີດຳ ມາເປີດກວດສອບພາຍໃນດ້ວຍນ້ຳຢາມາກຄວິດ (MARQUIS REAGENT) ຜົນປະກົດວ່າເປັນ ECSTASY ຫລື ຢາອີ ມີນ້ຳໜັກລວມ 8.37 ກິໂລກຣາມ.

ປັດຈຸບັນ, ເຈົ້າໜ້າທີ່ໄດ້ນຳສົ່ງຕົວໃຫ້ພະນັກງານສອບສວນ ສະຖານີຕຳຫລວດພູທອນສະເຫລີມພະກຽດ ເພື່ອດຳເນີນຄະດີຕາມກົດໝາຍຕໍ່ໄປ.