ອາເມຣິກາໃຊ້ການທູດສັນຕິພາບເປັນເຄື່ອງມື ເພື່ອເຂົ້າເຖິງແຮ່ທາດຫາຍາກໃນມຽນມາ

AD

AD

AD

ສຳນັກຂ່າວຣອຍເຕີ (Reuters) ລາຍງານໃນວັນທີ 2 ພະຈິກວ່າ ເອກະສານຍຸດທະສາດຂອງກະຊວງການຕ່າງປະເທດອາເມຣິກາ ລະບຸວ່າ ລັດຖະບານອາເມຣິກາຈະນຳໃຊ້ແນວທາງການທູດເພື່ອສົ່ງເສີມສັນຕິພາບ ເປັນເຄື່ອງມືໃນການເຂົ້າເຖິງຊັບພະຍາກອນແຮ່ທາດຫາຍາກຂອງມຽນມາ ໂດຍຈະເຂົ້າໄປມີສ່ວນຮ່ວມໃນການເຈລະຈາລະຫວ່າງກຸ່ມປະກອບອາວຸດຕ່າງໆ ເຊິ່ງປະກອບດ້ວຍກຸ່ມປະຊາທິປະໄຕ ແລະ ກຸ່ມກອງກຳລັງປະກອບອາວຸດຊົນເຜົ່າ ທີ່ໃນບາງກໍລະນີໄດ້ຕໍ່ສູ້ກັບກອງທັບມຽນົາມາເປັນເວລາຫຼາຍທົດສະວັດ ເພື່ອຮຽກຮ້ອງສິດທິໃນການປົກຄອງຕົນເອງ.

ເມື່ອເດືອນຜ່ານມາ ມີລາຍງານວ່າ ຄະນະເຈົ້າໜ້າທີ່ອາເມຣິກາ ນຳໂດຍ ທ່ານ ໄມເຄີລ ແວນຊ໌ (Michael Vance) ຜູ້ຊ່ວຍລັດຖະມົນຕີກະຊວງການຕ່າງປະទេດດ້ານຂ່າວກອງ ແລະ ການວິໄຈ ໄດ້ເຂົ້າຫາລືເປັນການສ່ວນຕົວກັບລັດຖະບານມຽນມາ ເຊິ່ງມີ ທ່ານ ມິນ ອ່ອງ ຫຼາຍ ດຳລົງຕຳແໜ່ງເປັນປະທານາທິບໍດີ ໂດຍປະເດັນການເຂົ້າເຖິງແຮ່ທາດຫາຍາກໃນພື້ນທີ່ຄວາມຂັດແຍ່ງ ທີ່ໄດ້ມີການສົ່ງອອກໄປຍັງປະເທດຈີນ ກໍໄດ້ຖືກຍົກຂຶ້ນມາປຶກສາຫາລືນຳອີກ. ນອກຈາກນີ້ ຍັງສະແດງໃຫ້ເຫັນເຖິງການກັບມາຮ່ວມມືດ້ານຄວາມສຳພັນລະຫວ່າງອາເມຣິກາ ແລະ ມຽນມາ ຄືນໃໝ່ ຫຼັງຈາກການລັດຖະປະຫານ.

ຍຸດທະສາດດັ່ງກ່າວລະບຸວ່າ ຄະນະຜູ້ແທນອາເມຣິກາປະຈຳມຽນມາ ຈະຊຸກຍູ້ໃຫ້ເກີດການຢຸດຍິງ ທີ່ຈະນຳໄປສູ່ຂໍ້ຕົກລົງສັນຕິພາບຢ່າງຍືນຍົງພາຍໃນປີ 2030 ໂດຍລະບຸວ່າ ການດຳເນີນງານດັ່ງກ່າວຈະລວມເຖິງການອຳນວຍຄວາມສະດວກໃນการຈັດເວທີຫາລື ທີ່ມີຜູ້ມີສ່ວນໄດ້ສ່ວນເສຍຈາກຫຼາຍພາກສ່ວນເຂົ້າຮ່ວມຢ່າງໜ້ອຍ 3 ເວທີ ເຊິ່ງຕ້ອງນຳໄປສູ່ຂໍ້ຕົກລົງທີ່ເປັນຮູບປະທຳ ຫຼື ຂໍ້ສະເໜີດ້ານນະໂຍບາຍ ເພື່ອຊຸກຍູ້ແນວຄິດການກະຈາຍອຳນາດທາງການຄັງພາຍໃຕ້ລະບົບສະຫະພັນທະລັດ ແລະ ການກຳນົດເຂດແດນ ຫຼື ເຂດອຳນາດການປົກຄອງໃນມຽນມາ.

ໂດຍແນວທາງດັ່ງກ່າວ ຈະຊ່ວຍໃຫ້ອາເມຣິກາສາມາດເຂົ້າເຖິງແຮ່ທາດຫາຍາກ ລວມທັງການແກ້ໄຂບັນຫາສູນຫຼອກລວງທາງອອນລາຍ. ເຖິງຢ່າງໃດກໍຕາມ, ເອກະສານຍຸດທະສາດບໍ່ໄດ້ເອີຍເຖິງວ່າ ອາເມຣິກາຈະຍົກເລີກມາດຕະການຂວ້ຳບາດ ແລະ ຍົກເລີກອຸປະສັກທາງການຄ້າທະວີພາຄີກັບມຽນມາຫຼືບໍ່.

ໂຄສົກກະຊວງการຕ່າງປະເທດອາເມຣິກາກ່າວວ່າ ພວມດຳເນີນນະໂຍບາຍທີ່ຈະສົ່ງເສີມການເຈລະຈາ ໂດຍມີຜູ້ມີສ່ວນໄດ້ສ່ວນເສຍທຸກຝ່າຍທີ່ກ່ຽວຂ້ອງກັບຄວາມຂັດແຍ່ງ ຄວບຄຸມໄປກັບການສົ່ງເສີມໃຫ້ມຽນມານັ້ນ ສາມາດຈັດການກັບປະເດັນທີ່ອາເມຣິກາໃຫ້ຄວາມສຳຄັນ ເຊິ່ງລວມເຖິງການຈັດການກັບສູນຫຼອກລວງທາງອອນລາຍ, ການປັບປຸງສະພາບແວດລ້ອມໃນການດຳເນີນທຸລະກິດພາຍໃນປະເທດໃຫ້ເອື້ອອຳນວຍຕໍ່ບໍລິສັດອາເມຣິກາຫຼາຍຂຶ້ນ ແລະ ການວາງຮາກຖານໄປສູ່ຂະບວນການສັນຕິພາບທີ່ແທ້ຈິງ ເຊິ່ງຈະຊ່ວຍສ້າງສະເຖຽນລະພາບໃຫ້ແກ່ປະເທດ.

ມາດຕະການຂວ້ຳບາດຕໍ່ ທ່ານ ມິນ ອ່ອງ ຫຼາຍ ລວມທັງບຸກຄົນອື່ນໆ ໃນລັດຖະບານ ແລະ ບໍລິສັດທີ່ມີຄວາມເຊື່ອມໂຍງກັບບຸກຄົນເຫຼົ່ານີ້ຂອງອາເມຣິກາແມ່ນຍັງຄົງມີຜົນບັງຄັບໃຊ້. ທັງນີ້, ອາເມຣິກາກໍໄດ້ຖອດລາຍຊື່ບຸກຄົນສັນຊາດມຽນມາ ແລະ ບໍລິສັດມຽນມາຫຼາຍລາຍອອກຈາກບັນຊີມາດຕະການຂວ້ຳບາດແລ້ວ. ໃນຂະນະດຽວກັນ, ເອກະສານຍຸດທະສາດຍັງລະບຸອີກວ່າ ຄະນະຜູ້ແທນອາເມຣິກາຈະດຳເນີນງານເພື່ອເພີ່ມການສົ່ງອອກສິນຄ້າຂອງອາເມຣິກາໄປຍັງມຽນມາ ເພື່ອຫຼຸດຜ່ອນການຂາດດຸນການຄ້າອີກດ້ວຍ.

ທີ່ມາ: Reuters