ເຫດສະຫຼົດໃຈ! ນັກທ່ອງທ່ຽວຄົນອິນເດຍເສຍຊີວິດ ຫລັງເຮລິຄອບເຕີ 2 ລຳປະສານງານກັນຕົກຂະນະກຽມລົງຈອດບໍລິເວນຖານພູເອເວີເຣສ ປະເທດເນປານ.

AD

AD

AD

ເຮລິຄອບເຕີ 2 ລຳຂອງບໍລິສັດເອກະຊົນ ປະສານງານກັນຕົກຂະນະກຽມລົງຈອດບໍລິເວນຖານພູເອເວີເຣສ ໃນປະເທດເນປານ ສົ່ງຜົນໃຫ້ນັກທ່ອງທ່ຽວຊາວອິນເດຍເສຍຊີວິດ 1 ຄົນ ແລະຊາວນິວຊີແລນບາດເຈັບ 1 ຄົນ.

ເຫດການເກີດຂຶ້ນໃນເຂດໂຊລຸຄຸມບູ ໂດຍເຮລິຄອບເຕີທັງສອງລຳເປັນຂອງບໍລິສັດ Fishtail Air ແລະ Dynasty Air. ຂະນະເກີດເຫດ ເຮລິຄອບເຕີລຳໜຶ່ງກຳລັງຂົນສົ່ງນັກທ່ອງທ່ຽວອອກຈາກພື້ນທີ່ເອເວີເຣສ ສ່ວນອີກລຳບັນທຸກສິນຄ້າແລະສຳພາລະ.

ຜູ້ບາດເຈັບຊາວນິວຊີແລນໄດ້ຮັບການຊ່ວຍເຫຼືອອອກຈາກຈຸດເກີດເຫດແລ້ວ ຂະນະທີ່ສາເຫດຂອງອຸບັດຕິເຫດຍັງຢູ່ໃນຂັ້ນຕອນການສືບສວນ.

ເຫດການນີ້ເກີດຂຶ້ນໃນຊ່ວງລະດູທ່ອງທ່ຽວ ແລະປີນພູທີ່ຄຶກຄື້ນຂອງເນປານ ເຊິ່ງມີນັກປີນພູແລະນັກທ່ອງທ່ຽວຈຳນວນຫຼາຍເດີນທາງໄປຍັງເຂດພູເອເວີເຣສ.

ທີ່ມາ: Channel News Asia