ວັນອາທິດ ທີ 22 ພະຈິກ 2026ອັບເດດລ່າສຸດ 20:59ໂຄສະນາ ແລະ ຮ່ວມມື[email protected]WhatsApp +856 20 5888 6182ຕິດຕໍ່
MAHAXAN.COM · ຂ່າວສານພາສາລາວ ສຳລັບຜູ້ອ່ານທົ່ວປະເທດ

ອຸທາຫອນ! ເດັກຍິງຄົນຈີນ ອາຍຸພຽງ 13 ປີ ປ່ວຍເປັນມະເຮັງກະເພາະອາຫານໄລຍະສຸດທ້າຍ ຫຼັງເຈັບທ້ອງມາດົນ 1 ປີ ແຕ່ຄອບຄົວຄິດວ່າເປັນພຽງອາຫານບໍ່ຍ່ອຍ ຮູ້ອີກເທື່ອລຸກລາມໜັກແລ້ວ!

ໂດຍ Jenjila
· 5 ມື້ ກ່ອນອ່ານ 2 ນາທີ33 ຄັ້ງ
ອຸທາຫອນ! ເດັກຍິງຄົນຈີນ ອາຍຸພຽງ 13 ປີ ປ່ວຍເປັນມະເຮັງກະເພາະອາຫານໄລຍະສຸດທ້າຍ ຫຼັງເຈັບທ້ອງມາດົນ 1 ປີ ແຕ່ຄອບຄົວຄິດວ່າເປັນພຽງອາຫານບໍ່ຍ່ອຍ ຮູ້ອີກເທື່ອລຸກລາມໜັກແລ້ວ!
ADadvertisement
ADadvertisement
ADadvertisement

ວັນທີ 14 ພະຈິກ 2026 ແພດໄດ້ເຜີຍແຜ່ກໍລະນີເຕືອນໃຈ ຫຼັງຈາກເດັກຍິງຊາວຈີນ ອາຍຸ 13 ປີ ຖືກກວດພົບວ່າເປັນມະເຮັງກະເພາະອາຫານໃນໄລຍະລຸກລາມຮຸນແຮງ ຫຼັງຈາກມີອາການປວດທ້ອງ ແລະ ທ້ອງອືດຕິດຕໍ່ກັນປະມານ 1 ປີ.

ແຕ່ຄອບຄົວເຂົ້າໃຈວ່າເປັນພຽງບັນຫາລະບົບຍ່ອຍອາຫານ ຈຶ່ງບໍ່ໄດ້ພາໄປພົບແພດ ຈົນກະທັ່ງອາການຊຸດໂຊມລົງຢ່າງໜັກ.

ອຸທາຫອນ! ເດັກຍິງຄົນຈີນ ອາຍຸພຽງ 13 ປີ ປ່ວຍເປັນມະເຮັງກະເພາະອາຫານໄລຍະສຸດທ້າຍ ຫຼັງເຈັບທ້ອງມາດົນ 1 ປີ ແຕ່ຄອບຄົວຄິດວ່າເປັນພຽງອາຫານບໍ່ຍ່ອຍ ຮູ້ອີກເທື່ອລຸກລາມໜັກແລ້ວ!

ແຫຼ່ງຂ່າວ (Source): HK01 – 01 (ສື່ຂ່າວຈາກຮົງກົງ)

ເມື່ອເຂົ້າຮັບການກວດສະແກນຮ່າງກາຍດ້ວຍເຄື່ອງເອັກຊເຣຄອມພິວເຕີ (CT Scan) ແພດພົບກ້ອນເນື້ອມະເຮັງຢູ່ໃນກະເພາະອາຫານ ແລະ ພົບວ່າມະເຮັງໄດ້ແຜ່ກະຈາຍໄປຍັງຕັບ, ຊ່ອງທ້ອງ, ບໍລິເວນຫຼັງເຍື່ອບຸຊ່ອງທ້ອງ, ເນື້ອເຍື່ອໄຂມັນໃນຊ່ອງທ້ອງ ລວມທັງຮວຍໄຂ່ທັງສອງຂ້າງ.

ຜົນການກວດຢືນຢັນວ່າ ເດັກຍິງຄົນນີ້ເປັນ ມະເຮັງກະເພາະອາຫານຊະນິດ Signet-Ring Cell Carcinoma ຫຼື ມະເຮັງຊະນິດເຊວວົງແຫວນຕາປະທັບ ເຊິ່ງເປັນມະເຮັງທີ່ມີຄວາມຮຸນແຮງ ແລະ ສາມາດແຜ່ກະຈາຍໄດ້ຢ່າງວ່ອງໄວ.

ແພດລະບຸວ່າ ເນື່ອງຈາກມະເຮັງໄດ້ລຸກລາມໄປຫຼາຍອະໄວຍະວະແລ້ວ ເຮັດໃຫ້ຜູ້ປ່ວຍສູນເສຍໂອກາດໃນການຜ່າຕັດເພື່ອຮັກສາໃຫ້ຫາຍຂາດ.

ພຶດຕິກຳການກິນອາຫານ

ຈາກການສອບຖາມປະຫວັດ ພົບວ່າເດັກຍິງມີພຶດຕິກຳມັກກິນອາຫານເຄັມ ແລະ ອາຫານແປຮູບເປັນປະຈຳ ເຊັ່ນ:

  • ອາຫານໝັກດອງ ແມ່ນອາຫານທີ່ຜ່ານການໝັກ ຫຼື ດອງໄວ້ເພື່ອຖະໜອມອາຫານ

ພາບປະກອບຕົວຢ່າງ

  • ອາຫານທີ່ຖະໜອມດ້ວຍເກືອ ແມ່ນອາຫານທີ່ໃຊ້ເກືອໃນການຮັກສາອາຫານໃຫ້ເກັບໄວ້ໄດ້ດົນ

ພາບປະກອບຕົວຢ່າງ

  • ອາຫານສຳເລັດຮູບ ແມ່ນອາຫານທີ່ຜ່ານການປຸງແຕ່ງ ຫຼື ຜະລິດຈາກໂຮງງານ ເພື່ອໃຫ້ສະດວກໃນການຮັບປະທານ

ພາບປະກອບຕົວຢ່າງ

  • ອາຫານປະເພດປີ້ງ ແມ່ນອາຫານທີ່ນຳວັດຖຸດິບມາປຸງໃຫ້ສຸກດ້ວຍຄວາມຮ້ອນຈາກໄຟ ຫຼື ຖ່ານ ຈີ່ ຫລື ປີ້ງ ຫລື ດາດ.

ພາບປະກອບຕົວຢ່າງ

ນອກຈາກນີ້ ຍັງກວດພົບເຊື້ອແບັກທີເຣຍ Helicobacter pylori (H. pylori) ເຊິ່ງເປັນເຊື້ອທີ່ສາມາດຕິດຕໍ່ຜ່ານການສຳຜັດໃກ້ຊິດ ຫຼື ຜ່ານອາຫານ ແລະ ນ້ຳທີ່ປົນເປື້ອນເຊື້ອ.

ເຊື້ອດັ່ງກ່າວສາມາດເຮັດໃຫ້ເຍື່ອບຸກະເພາະອາຫານອັກເສບ ແລະ ເພີ່ມຄວາມສ່ຽງຕໍ່ການເກີດພະຍາດບາງຊະນິດຂອງກະເພາະອາຫານ.

ຄຳເຕືອນຈາກແພດ

ຜູ້ອຳນວຍການແພດແຜນກກະເພາະ ແລະ ລຳໄສ້ຂອງໂຮງໝໍ ໄດ້ເຕືອນພໍ່ແມ່ຜູ້ປົກຄອງວ່າ ຢ່າຄິດວ່າເດັກທີ່ຍັງອາຍຸນ້ອຍຈະບໍ່ມີໂອກາດປ່ວຍເປັນພະຍາດຮ້າຍແຮງ.

ຖ້າລູກມີອາການປວດທ້ອງຊ້ຳໆ, ທ້ອງອືດ ຫຼື ເບື່ອອາຫານຕິດຕໍ່ກັນເປັນເວລາດົນ ຄວນຮີບພາໄປພົບແພດເພື່ອກວດຫາສາເຫດ.

ພ້ອມທັງແນະນຳໃຫ້ຫຼຸດການກິນອາຫານທີ່ເຄັມຈັດ ແລະ ອາຫານໝັກດອງ ໃສ່ໃຈເລື່ອງໂພຊະນາການ ແລະ ກວດສຸຂະພາບຕາມຄວາມເໝາະສົມ.

ທັງນີ້ ພຶດຕິກຳການກິນອາຫານພຽງຢ່າງດຽວ ບໍ່ສາມາດຢືນຢັນໄດ້ວ່າເປັນສາເຫດຂອງມະເຮັງໃນຜູ້ປ່ວຍລາຍນີ້.

ທີ່ມາ: mustsharenews

ຂ່າວນີ້ມີປະໂຫຍດບໍ່?

ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້

‹ ກັບໄປໝວດຂ່າວຕ່າງປະເທດ
ມື້ນີ້ · ຂໍ້ມູນສົດ ວັນອາທິດ 22 ພະຈິກ 2026 · ຂຶ້ນ 13 ຄ່ຳ ເດືອນ 12 ເປີດໜ້າມື້ນີ້

ອ່ານຕໍ່