ວັນອາທິດ ທີ 22 ພະຈິກ 2026ອັບເດດລ່າສຸດ 20:59ໂຄສະນາ ແລະ ຮ່ວມມື[email protected]WhatsApp +856 20 5888 6182ຕິດຕໍ່
MAHAXAN.COM · ຂ່າວສານພາສາລາວ ສຳລັບຜູ້ອ່ານທົ່ວປະເທດ

ສຸດທຶ່ງ! ນັກສຳຫຼວດບັນທຶກພາບປາ ແບເຣລາຍ (Barreleye) ຫົວໂປ່ງໃສ ດວງຕາໝຸນໄດ້ ໃຕ້ມະຫາສະໝຸດເລິກເກືອບ 600 ແມັດ

ໂດຍ Jenjila
· 2 ມື້ ກ່ອນອ່ານ 2 ນາທີ12 ຄັ້ງ
ສຸດທຶ່ງ! ນັກສຳຫຼວດບັນທຶກພາບປາ ແບເຣລາຍ (Barreleye) ຫົວໂປ່ງໃສ ດວງຕາໝຸນໄດ້ ໃຕ້ມະຫາສະໝຸດເລິກເກືອບ 600 ແມັດ
ADadvertisement
ADadvertisement
ADadvertisement

ນັກວິໄຈຈາກສະຖາບັນວິໄຈສັດນ້ຳທະເລ ມອນເຕີເຣຍເບ (MBARI) ສ້າງຄວາມປະຫຼາດໃຈໃຫ້ແກ່ວົງການວິທະຍາສາດ ຫຼັງສາມາດບັນທຶກພາບປາແບເຣລາຍ Barreleye (Macropinna microstoma) ສັດທະເລເລິກທີ່ມີສ່ວນຫົວໂປ່ງໃສ ແລະດວງຕາຮູບທໍ່ທີ່ສາມາດໝຸນປ່ຽນທິດທາງໄດ້ ຢູ່ໃຕ້ມະຫາສະໝຸດປາຊີຟິກ ທີ່ຄວາມເລິກປະມານ 600 ແມັດ.

ສຸດທຶ່ງ! ນັກສຳຫຼວດບັນທຶກພາບປາ ແບເຣລາຍ (Barreleye) ຫົວໂປ່ງໃສ ດວງຕາໝຸນໄດ້ ໃຕ້ມະຫາສະໝຸດເລິກເກືອບ 600 ແມັດ

ໃນລະຫວ່າງການສຳຫຼວດທະເລເລິກພາຍໃຕ້ພາລະກິດ “Diving Deep for Delicate Drifters” ເທິງເຮືອວິໄຈ R/V David Packard ຂອງສະຖາບັນ MBARI, ທ່ານ Steven Haddock ນັກວິທະຍາສາດອາວຸໂສ ພ້ອມທີມງານ ໄດ້ພົບປາ Barreleye (Macropinna microstoma) ໂດຍບັງເອີນ. ທີ່ມາຂອງຮູບ: Kyra Schlining MBARI.

ການພົບເຫັນຄັ້ງນີ້ເກີດຂຶ້ນຫ່າງຈາກຊາຍຝັ່ງລັດຄາລິຟໍເນຍ ປະມານ 90 ກິໂລແມັດ ໃນລະຫວ່າງການສຳຫຼວດທາງທະເລເປັນເວລາ 8 ມື້ ໂດຍທີມນັກວິໄຈໄດ້ນຳໃຊ້ຫຸ່ນຍົນໃຕ້ນ້ຳຄວບຄຸມຈາກທາງໄກ (ROV) ຊື່ Doc Ricketts ເພື່ອບັນທຶກພາບສັດທະເລໃນລະດັບນ້ຳເລິກ.

ສິ່ງທີ່ເຮັດໃຫ້ປາຊະນິດນີ້ໂດດເດັ່ນ ຄືສ່ວນຫົວທີ່ມີເຍື່ອໃສຄ້າຍໂດມປົກຄຸມ ເຮັດໃຫ້ສາມາດເຫັນດວງຕາຮູບທໍ່ສີຂຽວຢູ່ພາຍໃນໄດ້ຢ່າງຊັດເຈນ. ດວງຕາຂອງມັນປົກກະຕິຈະຫັນຂຶ້ນດ້ານເທິງ ເພື່ອຄອຍສັງເກດເງົາຂອງເຫຍື່ອທີ່ລອຍຢູ່ເໜືອຕົວມັນ ແລະເມື່ອພົບເຫຍື່ອ ດວງຕາກໍສາມາດໝຸນມາທາງດ້ານໜ້າ ເພື່ອຕິດຕາມເຫຍື່ອໃນຂະນະລ່າອາຫານ.

ນອກຈາກນີ້ ເຍື່ອໃສທີ່ປົກຄຸມສ່ວນຫົວຍັງມີໜ້າທີ່ປົກປ້ອງດວງຕາຂອງມັນ ຈາກເຂັມພິດຂອງສັດທະເລຈຳພວກ Siphonophores ເຊິ່ງມີລັກສະນະຄ້າຍແມງກະພຸນ ແລະສາມາດດັກຈັບສັດນ້ຳຂະໜາດນ້ອຍໄວ້ຕາມໜວດພິດໄດ້.

ສຸດທຶ່ງ! ນັກສຳຫຼວດບັນທຶກພາບປາ ແບເຣລາຍ (Barreleye) ຫົວໂປ່ງໃສ ດວງຕາໝຸນໄດ້ ໃຕ້ມະຫາສະໝຸດເລິກເກືອບ 600 ແມັດ · ຮູບທີ 2

ທີ່ມາຂອງຮູບ: Kyra Schlining MBARI.

ສຳລັບການບັນທຶກພາບໃນຄັ້ງນີ້ ນັກວິໄຈສາມາດສັງເກດປາດັ່ງກ່າວໄດ້ປະມານ 20 ນາທີ ໂດຍໃຊ້ກ້ອງຄວາມລະອຽດສູງ 4K ຕິດຕັ້ງໃນຫຸ່ນຍົນໃຕ້ນ້ຳ ແລະຍັງສາມາດບັນທຶກພາບສາມມິຕິຜ່ານກ້ອງ VR ໄດ້ອີກດ້ວຍ.

ທາງສະຖາບັນວິໄຈມອນເຕີເຣຍເບ (MBARI) ລະບຸວ່າ ນີ້ເປັນການພົບປາ Barreleye ຄັ້ງທີ 11 ຂອງສະຖາບັນ ໃນຮອບເກືອບ 40 ປີ ຂອງການສຳຫຼວດມະຫາສະໝຸດ ເຊິ່ງຜ່ານມາສະຖາບັນໄດ້ດຳເນີນການສຳຫຼວດດ້ວຍຫຸ່ນຍົນໃຕ້ນ້ຳປະມານ 7,000 ຄັ້ງ ແລະບັນທຶກວິດີໂອໃຕ້ທະເລຫຼາຍກວ່າ 41,000 ຊົ່ວໂມງ.

ການບັນທຶກພາບຄັ້ງນີ້ຍັງເປັນຄັ້ງທຳອິດທີ່ MBARI ສາມາດຖ່າຍພາບປາຊະນິດນີ້ໄດ້ໃນຄວາມລະອຽດ 4K ແລະເປັນການພົບເຫັນຄັ້ງທຳອິດຈາກເຮືອວິໄຈລຸ້ນໃໝ່ David Packard. ໂດຍທາງນັກວິໄຈບໍ່ໄດ້ຈັບປາຂຶ້ນມາຈາກທະເລ ແຕ່ໄດ້ເກັບຮັກສາພາບວິດີໂອເພື່ອນຳໄປສຶກສາພຶດຕິກຳ ແລະລະບົບການມອງເຫັນຂອງສັດທະເລເລິກຊະນິດນີ້ຕໍ່ໄປ.

ການຄົ້ນພົບຄັ້ງນີ້ສະທ້ອນໃຫ້ເຫັນວ່າ ມະຫາສະໝຸດຍັງມີສິ່ງມີຊີວິດທີ່ແປກປະຫຼາດ ແລະມີການປັບຕົວອັນຊັບຊ້ອນຕໍ່ສະພາບແວດລ້ອມທີ່ມີແສງໜ້ອຍໃນທະເລເລິກ ເຊິ່ງຍັງມີຫຼາຍດ້ານທີ່ລໍຖ້າການສຶກສາຄົ້ນຄວ້າຕໍ່ໄປ.

ທີ່ມາ: MBARI

ຂ່າວນີ້ມີປະໂຫຍດບໍ່?

ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້

‹ ກັບໄປໝວດຂ່າວຕ່າງປະເທດ
ມື້ນີ້ · ຂໍ້ມູນສົດ ວັນອາທິດ 22 ພະຈິກ 2026 · ຂຶ້ນ 13 ຄ່ຳ ເດືອນ 12 ເປີດໜ້າມື້ນີ້

ອ່ານຕໍ່