ເກີດເຫດລະເບີດໂຮງງານເຄມີຢູ່ລັດມິສຊິສຊິບປີ ສະຫະລັດ ເຈົ້າໜ້າທີ່ກູ້ໄພເລັ່ງຄວບຄຸມເຫດ ພ້ອມແຈ້ງເຕືອນປະຊາຊົນໃຫ້ຫຼີກລ່ຽງພື້ນທີ່.

AD

AD

AD

ເຈົ້າໜ້າທີ່ກູ້ໄພໄດ້ເຂົ້າດຳເນີນການຫຼັງເກີດເຫດລະເບີດທີ່ໂຮງງານເຄມີໃນລັດມິສຊິສຊິບປີ ໃນວັນພຸດ ທີ 04 ພະຈິກ 2026. ສົ່ງຜົນໃຫ້ມີກຸ່ມຄວັນສີດຳຂະໜາດໃຫຍ່ລອຍຂຶ້ນສູ່ທ້ອງຟ້າ.

ໃນເວລາປະມານ 07:00 ໂມງ ຕາມເວລາທ້ອງຖິ່ນ ທີ່ໂຮງງານ ເລີຟແລນ ໂປຣດັກສ໌ (Loveland Products) ໃນເມືອງກຣີນວິລ ລັດມິສຊິສຊິບປີ ເຊິ່ງມີປະຊາກອນປະມານ 26,000 ຄົນ ຕັ້ງຢູ່ໃນເຂດສາມຫຼ່ຽມປາກແມ່ນ້ຳມິສຊິສຊິບປີ ຫ່າງຈາກເມືອງແຈັກສັນໄປທາງທິດຕາເວັນຕົກສຽງເໜືອປະມານ 193 ກິໂລແມັດ.

ທາງການເມືອງລະບຸວ່າ ເຈົ້າໜ້າທີ່ໄດ້ຮັບແຈ້ງເຫດລະເບີດທີ່ໂຮງງານ ເລີຟແລນ ໂປຣດັກສ໌ (Loveland Products) ໃນເມືອງກຣີນວິລ ຫຼັງເວລາ 07:00 ໂມງເຊົ້າ ຕາມເວລາມາດຕະຖານພາກກາງຂອງສະຫະລັດ (CST) ເລັກນ້ອຍ ຕາມຂໍ້ຄວາມຖະແຫຼງຂ່າວຂອງທາງເມືອງ.

ເມືອງກຣີນວິລຕັ້ງຢູ່ໃນເຂດສາມຫຼ່ຽມປາກແມ່ນ້ຳມິສຊິສຊິບປີ ມີປະຊາກອນປະມານ 26,000 ຄົນ ແລະຢູ່ຫ່າງຈາກເມືອງແຈັກສັນ ເຊິ່ງເປັນເມືອງຫຼວງຂອງລັດ ໄປທາງທິດຕາເວັນຕົກສຽງເໜືອປະມານ 193 ກິໂລແມັດ.

ທ່ານນາງ ຊາຣາ ມໍແລນ ເຮສເຕີ (Sara Moreland Hester) ຮອງຜູ້ອຳນວຍການຝ່າຍຈັດການສະພາວະສຸກເສີນເຂດວໍຊິງຕັນ ແລະເປັນນັກດັບເພີງໃນທ້ອງຖິ່ນ ກ່າວວ່າ ໃນເບື້ອງຕົ້ນຍັງບໍ່ມີລາຍງານຜູ້ບາດເຈັບ. ນາງລະບຸໃນຊ່ວງຕອນທ່ຽງວ່າ ໄຟໄໝ້ໄດ້ມອດລົງແລ້ວ ແລະນັກດັບເພີງກຳລັງສະຫຼຸບວຽກຢູ່ຈຸດເກີດເຫດ.

ຂໍ້ຄວາມຖະແຫຼງຂ່າວຂອງທາງເມືອງລະບຸວ່າ ຕາມຂໍ້ມູນເບື້ອງຕົ້ນທີ່ໄດ້ຮັບຈາກຝ່າຍບໍລິຫານໂຮງງານ ເຫດລະເບີດຄັ້ງນີ້ກ່ຽວຂ້ອງກັບໄຟໄໝ້ທີ່ເກີດຈາກສານເຄມີກຳຈັດຫຍ້າ.

ບໍລິສັດ Nutrien ເຊິ່ງເປັນບໍລິສັດແມ່ຂອງ Loveland ລະບຸວ່າ ຜູ້ບໍລິຫານໂຮງງານກຳລັງປະສານງານກັບເຈົ້າໜ້າທີ່ກູ້ໄພ. ສ່ວນບໍລິສັດ Loveland ເຊິ່ງມີສຳນັກງານໃຫຍ່ຢູ່ເມືອງເລີຟແລນ ລັດໂຄໂລຣາໂດ ເປັນຜູ້ຜະລິດປຸ໋ຍ ສານບຳລຸງພືດ ແລະຜະລິດຕະພັນປ້ອງກັນພືດຜົນທາງການກະເສດ.

ປະຊາຊົນທີ່ອາໄສຢູ່ໃກ້ໂຮງງານໄດ້ຮັບຄຳແນະນຳໃຫ້ຢູ່ພາຍໃນອາຄານ ແລະປິດປະຕູປ່ອງຢ້ຽມເປັນເວລາປະມານ 2 ຊົ່ວໂມງ ເນື່ອງຈາກມີຄວາມສ່ຽງຈາກຄວັນທີ່ອາດມີສານອັນຕະລາຍ. ແນວໃດກໍຕາມ ຄຳສັ່ງດັ່ງກ່າວໄດ້ຖືກຍົກເລີກກ່ອນເວລາທ່ຽງ ໃນພື້ນທີ່ຊົນນະບົດສ່ວນໃຫຍ່ ທາງຂອບດ້ານຕາເວັນອອກຂອງເມືອງ.

ຂະນະດຽວກັນ ກົມຄຸ້ມຄອງຄຸນນະພາບສິ່ງແວດລ້ອມລັດມິສຊິສຊິບປີ ລະບຸວ່າ ທີມງານຕອບໂຕ້ເຫດສຸກເສີນ ພ້ອມດ້ວຍຜູ້ຮັບເໝົາກວດວັດຄຸນນະພາບອາກາດ ກຳລັງດຳເນີນການປະເມີນຜົນກະທົບຕໍ່ຄຸນນະພາບອາກາດຈາກເຫດການດັ່ງກ່າວ.

ທີ່ມາ: AP