ຫວາດສຽວ! ເຫດລົດໃຫຍ່ຢຽບກ້ອນຫີນ ຟົ້ງເຂົ້າຮ້ານຂາຍເຄື່ອງແຄມທາງ ເສັ້ນທາງ ບ.ປ່າໄລ່ ມ.ທ່າພະບາດ ຂ.ບໍລິຄຳໄຊ ມີຄລິບ!

AD

AD

AD

ມີຜູ້ໃຊ້ເຟສບຸກ (ປະຊາຊົນໃນພື້ນທີ່) ໄດ້ໂພສລະບາຍຄວາມອັດອັ້ນຕັນໃຈ ແລະ ຮ້ອງຂໍຄວາມຊ່ວຍເຫຼືອ ກ່ຽວກັບສະພາບ ເສັ້ນທາງປ່າໄລ່ ເມືອງທ່າພະບາດ ແຂວງບໍລິຄຳໄຊ ທີ່ປະຈຸບັນມີສະພາບເປ່ເພ, ເປື້ອນເປິ ແລະ ສ້າງຄວາມອັນຕະລາຍໃຫ້ກັບຜູ້ສັນຈອນໄປມາຢ່າງຮ້າຍແຮງ.

📌 ໂດຍມີປະເດັນຄວາມເດືອດຮ້ອນຫຼັກໆ ດັ່ງນີ້:

• ຂີ້ຝຸ່ນໜາແໜ້ນ: ແຕ່ລະມື້ມີຂີ້ຝຸ່ນຟຸ້ງກະຈາຍຢ່າງຮຸນແຮງ ຈົນປະຊາຊົນໂດຍສະເພາະເດັກນ້ອຍ ແຄ້ນຂີ້ຝຸ່ນ ແລະ ສ່ຽງຕໍ່ການເປັນໂລກທາງເດີນຫາຍໃຈ/ໂລກປອດ.
• ລົດໃຫຍ່ຂັບໄວ: ມີທັງລົດແຮ່, ລົດບັນທຸກພູເບຍ ແລະ ລົດຂົນສົ່ງຕ່າງໆ ຂັບຂີ່ດ້ວຍຄວາມໄວສູງ ຄືຈັ່ງຂັບຢູ່ທາງຄອນກີດ ໂດຍບໍ່ມີການຫຼຸດຄວາມໄວ ເວລາຜ່ານເຂດຊຸມຊົນ.
• ຄວາມບໍ່ປອດໄພ: ເສັ້ນທາງມີຄວາມສ່ຽງເກີດອຸປະຕິເຫດສູງ “ຫຼື ຖ້າມີຄົນຕາຍພຸ້ນບໍ່ ຈຶ່ງຊິມາແປງ?” ຄົນບໍ່ໄດ້ຢູ່ແຄມທາງ ບໍ່ມີວັນເຂົ້າໃຈຄວາມລະແວງໃນການດຳລົງຊີວິດແຕ່ລະມື້.

📢 ຝາກເຖິງ ສສຂ ເມືອງທ່າພະບາດ ແຂວງບໍລິຄຳໄຊ:
ວອນຂໍໃຫ້ທ່ານຊ່ວຍເກັບກຳເກັບບັນຫາຄວາມທຸກຍາກລຳບາກຂອງປະຊາຊົນໃນຄັ້ງນີ້ ເຂົ້າໄປສະເໜີ ແລະ ລາຍງານຕໍ່ກອງປະຊຸມສະພາແດ່ ເພື່ອໃຫ້ມີການລົງມາສ້ອມແປງ, ແກ້ໄຂ ແລະ ພັດທະນາຢ່າງເປັນຮູບປະທຳ.

👤 ພ້ອມໃຫ້ຂໍ້ມູນຄວາມຈິງ:
ທາງຜູ້ຮ້ອງທຸກຍິນດີໃຫ້ຂໍ້ມູນເພີ່ມເຕີມທຸກຢ່າງກ່ຽວກັບຄວາມເດືອດຮ້ອນນີ້ ສາມາດຕິດຕໍ່ໄດ້ທີ່ເບີ: 5555 2858 (ພ້ອມຢືນຢັນວ່າ ນີ້ຄືການເວົ້າຄວາມຈິງ ບໍ່ໄດ້ມີເຈດຕະນາຮ້າຍ ເພາະເດືອດຮ້ອນແທ້ໆ).

#ລາຍງານຄວາມເດືອດຮ້ອນ #ເສັ້ນທາງປ່າໄລ່ #ເມືອງທ່າພະບາດ #ແຂວງບໍລິຄຳໄຊ #ຮ້ອງທຸກ #ສະພາປະຊາຊົນແຂວງ

ທີ່ມາ: ແອັດດີ ປານມານຸວົງ