ລະບຽບວ່າດ້ວຍການປົກປ້ອງ ຄວາມຮູ້ດັ້ງເດີມ ດ້ານການແພດ ພື້ນເມືອງຈີນ

ວິທະຍຸ ໂທລະພາບສູນກາງຈີນ, “ລະບຽບວ່າດ້ວຍ ການປົກປ້ອງ ຄວາມຮູ້ດັ້ງ​ເດີມ ດ້ານການ​ແພດພື້ນເມືອງຈີນ” ໄດ້ຖືກປະກາດແລ້ວ ແລະ ຈະເລີ່ມມີຜົນບັງຄັບໃຊ້ ນັບແຕ່ວັນທີ 1 ມັງກອນ 2027 ເປັນຕົ້ນໄປ.ນີ້ແມ່ນລະບຽບ ທາງດ້ານການບໍ​ລິ​ຫານ​ ສະ​ບັບ​ທຳ​ອິດ ​ຂອງ​ ສປ ຈີນ​ ກ່ຽວ​ກັບການປົກປ້ອງຄວາມຮູ້ດັ້ງ​ເດີມ ດ້ານການ​ແພດພື້ນເມືອງຈີນ. ສຳລັບ ຄວາມຮູ້ດັ້ງ​ເດີມ ດ້ານການ​ແພດພື້ນເມືອງຈີນແມ່ນຄັງສົມບັດທາງດ້ານ ການແພດທີ່ປະ​ຊາຊາດຈີນ ຫລາຍຮຸ່ນຄົນ ສະສົມ, ສືບທອດແລະ ພັດທະນາ ຂຶ້ນເລື້ອຍໆ, ເຊິ່ງກວມເອົາ ເນື້ອໃນອັນອຸດົມສົມບູນ ເຊັ່ນ:ທິດສະດີ,​ເຕັກນິກ​, ວິທີການໃຊ້, ໃບ​ສັ່ງ, ຢາດັ້ງ​ເດີມທີ່ມີຊື່ສຽງ ແລະອື່ນໆໃນ​ດ້ານການແພດພື້ນເມືອງຈີນ. ລະບຽບສະບັບນີ້ ກຳ​ນົດ​ຢ່າງ​ຈະ​ແຈ້ງວ່າ ຈະ​ດຳ​ເນີນ​ ການ​ຮຽບ​ຮຽງ ແລະຄັດເລືອກປຶ້ມ ແລະ ເອກະສານ ບູຮານດ້ານການ​ແພດພື້ນເມືອງຈີນ, ດຳ​ເນີນ​ການສຳຫລວດ ຄວາມຮູ້ດັ້ງ​ເດີມ ດ້ານການ​ແພດພື້ນເມືອງຈີນ, ພ້ອມທັງ ສ້າງຖານຂໍ້ມູນ ແລະບັນ​ຊີລາຍຊື່​ກ່ຽວ​ກັບ ການປົກປ້ອງຄວາມຮູ້ດັ້ງ​ເດີມ ດ້ານການ​ແພດພື້ນເມືອງຈີນ.ການປະກາດໃຊ້ ລະບຽບສະບັບນີ້ຈະສະໜອງ ການຮັບປະກັນ ທາງດ້ານການ​ປົກ​ຄອງ ​ຕາມກົດໝາຍທີ່ແຂງແກ່ນໃຫ້ແກ່ການສືບທອດ, ການປະດິດຄິດສ້າງ​ໃໝ່ ແລະ ການພັດ ທະນາ ການແພດພື້ນເມືອງຈີນ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ