ວັນອາທິດ ທີ 22 ພະຈິກ 2026ອັບເດດລ່າສຸດ 20:59ໂຄສະນາ ແລະ ຮ່ວມມື[email protected]WhatsApp +856 20 5888 6182ຕິດຕໍ່
MAHAXAN.COM · ຂ່າວສານພາສາລາວ ສຳລັບຜູ້ອ່ານທົ່ວປະເທດ

8 ແຂວງພາກເໜືອ ຮັບຟັງການເຜີຍແຜ່ເຊື່ອມຊຶມ 2 ດຳລັດສຳຄັນຂອງລັດຖະບານ

ໂດຍ Mahaxan
· 4 ມື້ ກ່ອນອ່ານ 1 ນາທີ4 ຄັ້ງ
ADadvertisement
ADadvertisement
ADadvertisement

ກອງປະຊຸມເຜີຍແຜ່ດຳລັດວ່າດ້ວຍອົງການຈັດຕັ້ງສາກົນທີ່ບໍ່ສັງກັດລັດຖະບານ ສະບັບເລກທີ 126/ລບ ແລະ ດຳລັດວ່າດ້ວຍພະນັກງານທ້ອງຖິ່ນທີ່ເຮັດວຽກນຳອົງການຕ່າງປະເທດ ປະຈຳ ສປປ ລາວ ສະບັບເລກທີ 12/ລບ ຈັດຂຶ້ນໃນວັນທີ 12 ພະຈິກ 2026 ຜ່ານມາ ຢູ່ແຂວງຫຼວງພະບາງ ພາຍໃຕ້ການເປັນປະທານຂອງ ທ່ານ ອານຸພາບ ວົງໜໍ່ແກ້ວ ຮອງລັດຖະມົນຕີກະຊວງການຕ່າງປະເທດ, ມີຜູ້ຕາງໜ້າຂະແໜງການທີ່ກ່ຽວຂ້ອງຈາກ 8 ແຂວງພາກເໜືອ ຄື: ແຂວງຜົ້ງສາລີ, ຫຼວງນ້ຳທາ, ອຸດົມໄຊ, ບໍ່ແກ້ວ, ໄຊຍະບູລີ, ຫຼວງພະບາງ, ຫົວພັນ ແລະ ແຂວງຊຽງຂວາງ ເຂົ້າຮ່ວມ.

ການເຜີຍແຜ່ດຳລັດວ່າດ້ວຍອົງການຈັດຕັ້ງສາກົນທີ່ບໍ່ສັງກັດລັດຖະບານ ສະບັບເລກທີ 126/ລບ ແລະ ດຳລັດວ່າດ້ວຍພະນັກງານທ້ອງຖິ່ນທີ່ເຮັດວຽກນຳອົງການຕ່າງປະເທດ ປະຈຳ ສປປ ລາວ ສະບັບເລກທີ 12/ລບ ຄັ້ງນີ້, ກໍເພື່ອໃຫ້ພະນັກງານທີ່ເຮັດວຽກຕົວຈິງຈາກ 8 ແຂວງພາກເໜືອ ແລະ ພະນັກງານອົງການຈັດຕັ້ງສາກົນທີ່ບໍ່ສັງກັດລັດຖະບານ ທີ່ເຮັດວຽກຢູ່ແຂວງຫຼວງພະບາງ ມີຄວາມເຂົ້າໃຈ ແລະ ກຳໄດ້ບັນດາຫຼັກການ, ຂັ້ນຕອນ, ສິດ ແລະ ພັນທະຕ່າງໆ ຕາມທີ່ໄດ້ກຳນົດໄວ້ໃນດຳລັດທັງສອງສະບັບນີ້ ເພື່ອໄປນຳໃຊ້ເຂົ້າໃນການປະຕິບັດວຽກງານຢ່າງມີປະສິດທິພາບ ແລະ ປະສິດທິຜົນສູງສຸດ.

ກອງປະຊຸມຍັງໄດ້ເປີດໂອກາດໃຫ້ຜູ້ເຂົ້າຮ່ວມປະກອບຄຳຄິດຄຳເຫັນຕໍ່ກັບດຳລັດທັງສອງສະບັບ ໂດຍສະເພາະແມ່ນບັນດາຈຸດຕ່າງໆທີ່ຍັງເຫັນວ່າບໍ່ທັນໂລ່ງລ່ຽນ ເພື່ອຍົກຂຶ້ນປຶກສາຫາລືແລກປ່ຽນນຳກັນຢ່າງກົງໄປກົງມາ ແລະ ສ້າງສັນ. ນິຕິກຳທັງສອງສະບັບນີ້ ແມ່ນມີຄວາມສຳຄັນເປັນຢ່າງຍິ່ງໃນການອຳນວຍຄວາມສະດວກ, ຊຸກຍູ້ ແລະ ສົ່ງເສີມການຈັດຕັ້ງປະຕິບັດວຽກງານການຮ່ວມມືເພື່ອການພັດທະນາ ໃຫ້ມີຄວາມໂລ່ງລ່ຽນ, ສອດຄ່ອງກັບລະບຽບການ ແລະ ກົດໝາຍຂອງ ສປປ ລາວ ໃນໄລຍະໃໝ່ນີ້.

ຂ່າວນີ້ມີປະໂຫຍດບໍ່?

ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້

‹ ກັບໄປໝວດຂ່າວພາຍໃນ
ມື້ນີ້ · ຂໍ້ມູນສົດ ວັນອາທິດ 22 ພະຈິກ 2026 · ຂຶ້ນ 13 ຄ່ຳ ເດືອນ 12 ເປີດໜ້າມື້ນີ້

ອ່ານຕໍ່