ປະເທດ ຜະລິດນ້ຳມັນ ເຊື້ອໄຟ ທີ່ສຳຄັນ ຕົກລົງຈະຮັກສາ ລະດັບການຜະລິດ ນ້ຳມັນໄວ້ ເທົ່າເກົ່າ

ວິທະຍຸ ໂທລະພາບສູນກາງຈີນ, ອົງ​ການ​ປະ​ເທດ​ ຜູ້​ສົ່ງ​ອອກ​ ນ້ຳ​ມັນ​ເຊື້ອ​ໄຟ​ ຫລື OPEC ໄດ້​ອອກ​ຖະ​ແຫລງ​ການ​​ວ່າ: 7 ປະ​ເທດ​ຜະ​ລິດ​ນ້ຳ​ມັນ​ທີ່​ສຳ​ຄັນ ໄດ້​ຕົກ​ລົງ​ຈະ​ຮັກ​ສາ​​ລະ​ດັບ ການ​ຜະ​ລິດ ​ນ້ຳ​ມັນ​ເຊື້ອ​ໄຟ ​​ໄວ້​ເທົ່າ​ເກົ່າ​ ໃນ​ເດືອນ​ທັນ​ວາ​ໜ້າ​ນີ້.ຖະ​ແຫລງ​ການ​ລະ​ບຸ​​ວ່າ: ​ຜູ້​ຕາງ​ໜ້າ​ຈາກ ອາ​ຣັບ​ບີ ຊາ​ອຸ​ດິດ, ຣັດ​ເຊຍ, ອີ​ຣັກ,​ກູ​ເວດ,ກາ​ຊັກ​ສະ​ຖານ,ອານ​ເຊ​ຣີ ​ແລະ ​​ໂອ​ມານ ​ໄດ້​ຈັດ​ກອງ​ປະ​ຊຸມ​ ຜ່ານ​ທາງ​ອອນ​ລາຍ ​ໃນ​ວັນ​ທີ 1 ພະ​ຈິກ​ນີ້ ​ເພື່ອ​ປະ​ເມີນ​ສະ​ພາບ​ຕະ​ຫລາດ​ນ້ຳ​ມັນ​ເຊື້ອ​ໄຟສາ​ກົນ​ ໃນ​ປັດ​ຈຸ​ບັນ ແລະ​ອະ​ນາ​ຄົດ ໂດຍໄດ້​ຕົກ​ລົງ​ ຈະ​ຮັກ​ສາ​ລະ​ດັບ ​ການ​ຜະ​ລິດ​ນ້ຳ​ມັນ​ເຊື້ອ​ໄຟ​​ ໃນ​ເດືອນ​ທັນ​ວາ​ໜ້າ​ນີ້​ ໃຫ້​ເທົ່າ​ກັບ ເດືອນ​ກັນ​ຍາ​ປີ​ນີ້./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ