ອູແກຣນ ຍິນດີປຶກສາຫາລືກັບ ລັດເຊຍ ກ່ຽວກັບ ບັນຫາດິນແດນ-ຫົວຂໍ້ອ່ອນໄຫວອື່ນໆ

ວິທະຍຸ ໂທລະພາບສູນກາງຈີນ, ວັນທີ 29 ຕຸລານີ້ ທ່ານ ອັນເດຣີ ສິບິກາລັດຖະມົນຕີ ກະຊວງການຕ່າງປະເທດ ອູແກຣນ ໄດ້ແຈ້ງໃຫ້ຮູ້ວ່າ: ທ່ານ ໂວໂລດີເມຍເຊເລນສະກີ ປະທານາທິບໍດີ ອູແກຣນ ຍິນດີທີ່ຈະສົນທະນາ ທາງໂທລະສັບກັບ ທ່ານວະລາດີເມຍ ປູຕິນ ປະທານາທິບໍດີລັດເຊຍເພື່ອປຶກສາຫາລື ກ່ຽວກັບ ຫົວຂໍ້ຫລັກທີ່ສັບສົນ ແລະ ອ່ອນໄຫວທີ່ສຸດເປັນຕົ້ນແມ່ນ ບັນຫາດິນ ແດນ. ທ່ານ ສິບິກາ ເຫັນວ່າ:ການພົບປະ ລະຫວ່າງ ປະມຸກລັດ ອູແກຣນ ແລະ ລັດເຊຍຈະຊຸກຍູ້ການເຈລະຈາ ສັນຕິພາບ ໃຫ້ໄດ້ຮັບຄວາມຄືບໜ້າ ຢ່າງເປັນຮູບປະທໍາ. ພ້ອມດຽວກັນນີ້, ອູແກຣນ ໄດ້ປະຕິເສດຢ່າງຈະແຈ້ງ ຕໍ່ຄວາມເປັນໄປໄດ້ ໃນການຈັດການພົບ ປະດັ່ງກ່າວຢູ່ນະຄອນຫລວງມົດສກູຂອງລັດເຊຍຫລື ປະເທດເບລາຣູຊີ.​/.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ