ວັນອາທິດ ທີ 22 ພະຈິກ 2026ອັບເດດລ່າສຸດ 20:59ໂຄສະນາ ແລະ ຮ່ວມມື[email protected]WhatsApp +856 20 5888 6182ຕິດຕໍ່
MAHAXAN.COM · ຂ່າວສານພາສາລາວ ສຳລັບຜູ້ອ່ານທົ່ວປະເທດ

ຄະນະປ້ອງກັນພາຍໃນ ຄອສພເຊື່ອມຊຶມເອກະສານວຽກງານປ້ອງກັນພາຍໃນ

ໂດຍ Mahaxan
· 2 ມື້ ກ່ອນອ່ານ 2 ນາທີ2 ຄັ້ງ
ຄະນະປ້ອງກັນພາຍໃນ ຄອສພເຊື່ອມຊຶມເອກະສານວຽກງານປ້ອງກັນພາຍໃນ
ADadvertisement
ADadvertisement
ADadvertisement

ທ່ານ ສາຄອນ ພົມມະລາດ ໄດ້ກ່າວວ່າ: ເອກະສານສຳຄັນທີ່ນຳມາເຜີຍແຜ່ເຊື່ອມຊຶມຄັ້ງນີ້ ປະກອບມີ: ເອກະສານທິດສະດີພື້ນຖານກ່ຽວກັບວຽກງານປ້ອງກັນພາຍໃນສຳນັກງານ-ອົງການ, ການຈັດຕັ້ງ ແລະ ການເຄື່ອນໄຫວຂອງຄະນະປ້ອງກັນພາຍໃນ, ສຳນັກງານ, ອົງການ ແລະ ອົງການຈັດຕັ້ງການເມືອງ ສະບັບເລກທີ 1722/ປກສ ແລະ ເອກະສານລະບຽບປ້ອງກັນພາຍໃນ. ການເຊື່ອມຊຶມເອກະສານຄັ້ງນີ້ ມີຄວາມໝາຍສຳຄັນ ເພື່ອໃຫ້ຄະນະປ້ອງກັນພາຍໃນຖືເອົາວຽກງານສຶກສາອົບຮົມການເມືອງ-ແນວຄິດເປັນກົກ, ເຮັດໃຫ້ພະນັກງານ-ລັດຖະກອນທຸກຄົນມີສະຕິລະວັງຕົວຕໍ່ກົນອຸບາຍຂອງສັດຕູ ແລະ ກຸ່ມຄົນບໍ່ດີ, ຮູ້ຈຳແນກມິດ-ສັດຕູຢ່າງຈະແຈ້ງ ແລະ ມີຄວາມຈົງຮັກພັກດີຕໍ່ພັກ-ລັດຢ່າງໜັກແໜ້ນ, ຍົກສູງຄວາມຮັບຜິດຊອບຂອງຄະນະປ້ອງກັນພາຍໃນຊຸດໃໝ່; ພາຍຫຼັງໄດ້ຮັບການແຕ່ງຕັ້ງແບ່ງຄວາມຮັບຜິດຊອບແລ້ວ ໃຫ້ຮີບຮ້ອນສ້າງແຜນການເຄື່ອນໄຫວລະອຽດ, ແຜນດຳເນີນງານໄລຍະ 5 ປີ, ແຜນປະຈຳປີ, ປະຈຳໄຕມາດ, ປະຈຳແຕ່ລະເດືອນ; ປັບປຸງກົນໄກການປະສານງານລະຫວ່າງບັນດາຈຸປ້ອງກັນພາຍໃນ ແລະ ບັນດາກົມໃຫ້ມີຄວາມຄ່ອງຕົວ ແລະ ວ່ອງໄວ; ເຂັ້ມງວດໃນການຄຸ້ມຄອງ ແລະ ຮັກສາຄວາມລັບ, ເພີ່ມທະວີການກວດກາ, ຄຸ້ມຄອງເອກະສານຄວາມລັບຂອງພັກ-ລັດ, ຄຸ້ມຄອງການນຳໃຊ້ສື່ສັງຄົມອອນລາຍ ແລະ ລະບົບຂໍ້ມູນຂ່າວສານເອເລັກໂຕຣນິກຂອງພະນັກງານ-ລັດຖະກອນ ບໍ່ໃຫ້ມີການຮົ່ວໄຫຼຂອງຂໍ້ມູນທາງລັດຖະການ ຫຼື ຕົກເປັນເຫຍື່ອຂອງຂ່າວປອມ ແລະ ເອົາໃຈໃສ່ວຽກງານປ້ອງກັນເວນຍາມ ແລະ ສະຖານທີ່, ຈັດຕັ້ງການປະຈຳການເວນຍາມຕະຫຼອດ 24 ຊົ່ວໂມງໃຫ້ເຂັ້ມງວດ ໂດຍສະເພາະໃນວັນພັກລັດຖະການ ແລະ ວັນບຸນສຳຄັນຕ່າງໆ, ກວດກາຄວາມປອດໄພດ້ານອັກຄີໄພ, ລະບົບໄຟຟ້າ ແລະ ຊັບສິນສ່ວນລວມໃຫ້ຮັບປະກັນ ໂດຍມີການປະສານສົມທົບກັບທຸກພາກສ່ວນທີ່ກ່ຽວຂ້ອງຢ່າງແໜ້ນແຟ້ນ, ເປັນລະບົບ, ທັນການ ແລະ ເພີ່ມທະວີການພົວພັນປະສານສົມທົບກັບກຳລັງວິຊາສະເພາະ ສືບຕໍ່ປະສານສົມທົບຢ່າງຕໍ່ເນື່ອງ.

ໃນໂອກາດດຽວກັນນີ້, ກໍໄດ້ແຕ່ງຕັ້ງຄະນະປ້ອງກັນພາຍໃນ ຄອສພ ຊຸດໃໝ່, ແບ່ງຄວາມຮັບຜິດຊອບ ແລະ ແບ່ງຈຸໃຫ້ກຳລັງປ້ອງກັນພາຍໃນ, ພ້ອມທັງມອບຫຼຽນກາ ແລະ ໃບຍ້ອງຍໍກະຊວງປ້ອງກັນຄວາມສະຫງົບ ໃຫ້ກຳລັງປ້ອງກັນພາຍໃນ ຄອສພ.

ຂ່າວ: ວີລະວັນ; ພາບ: ເກດສະໜາ

ຂ່າວນີ້ມີປະໂຫຍດບໍ່?

ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້

‹ ກັບໄປໝວດຂ່າວພາຍໃນ
ມື້ນີ້ · ຂໍ້ມູນສົດ ວັນອາທິດ 22 ພະຈິກ 2026 · ຂຶ້ນ 13 ຄ່ຳ ເດືອນ 12 ເປີດໜ້າມື້ນີ້

ອ່ານຕໍ່