ເຈົ້າໜ້າທີ່ກວດກາການຄ້າ ເມືອງຈຳພອນ ລົງຕິດຕາມລາຄານ້ຳມັນເຊື້ອໄຟ ຫຼັງມີການປັບລາຄາລົງໃໝ່

AD

AD

AD

ໃນວັນທີ 12 ພະຈິກ 2026, ເຈົ້າໜ້າທີ່ກວດກາການຄ້າ ເມືອງຈຳພອນ ແຂວງສະຫວັນນະເຂດ ໄດ້ລົງເຄື່ອນໄຫວຕິດຕາມ ແລະ ກວດກາການຈຳໜ່າຍນ້ຳມັນເຊື້ອໄຟຢູ່ບັນດາປ້ຳນ້ຳມັນພາຍໃນເມືອງ ໂດຍອີງຕາມແຈ້ງການຂອງກົມການຄ້າພາຍໃນ, ກະຊວງອຸດສາຫະກຳ ແລະ ການຄ້າ ສະບັບເລກທີ 2159/ກຄພນ ລົງວັນທີ 11 ພະຈິກ 2026 ວ່າດ້ວຍການປັບລົງລາຄາຂາຍຍ່ອຍນ້ຳມັນເຊື້ອໄຟ.

ອັດຕາລາຄານ້ຳມັນເຊື້ອໄຟສະບັບໃໝ່ ມີລາຍລະອຽດດັ່ງນີ້:

• ເຂດຫຼັກ 35:
  • ນ້ຳມັນແອັດຊັງທຳມະດາ: 32,330 ກີບ/ລິດ
  • ນ້ຳມັນກາຊວນ: 32,400 ກີບ/ລິດ
• ເຂດແກ້ງກອກ:
  • ນ້ຳມັນແອັດຊັງທຳມະດາ: 32,410 ກີບ/ລິດ
  • ນ້ຳມັນກາຊວນ: 32,480 ກີບ/ລິດ

ການລົງກວດກາໃນຄັ້ງນີ້ ແມ່ນເພື່ອສະກັດກັ້ນການສວຍໂອກາດຂຶ້ນລາຄາ ຫຼື ຂາຍນ້ຳມັນເກີນລາຄາທີ່ລັດກຳນົດ ແລະ ເພື່ອໃຫ້ຜູ້ປະກອບການປ້ຳນ້ຳມັນປະຕິບັດຕາມແຈ້ງການແຕ່ລະໄລຍະຢ່າງເຂັ້ມງວດ ໂດຍສະເພາະແມ່ນດຳລັດວ່າດ້ວຍທຸລະກິດນ້ຳມັນເຊື້ອໄຟ ສະບັບເລກທີ 559/ລບ.

ທີ່ມາ: Padalack Vongphanit