ວັນອາທິດ ທີ 22 ພະຈິກ 2026ອັບເດດລ່າສຸດ 20:59ໂຄສະນາ ແລະ ຮ່ວມມື[email protected]WhatsApp +856 20 5888 6182ຕິດຕໍ່
MAHAXAN.COM · ຂ່າວສານພາສາລາວ ສຳລັບຜູ້ອ່ານທົ່ວປະເທດ

ພູເບ້ຍ ມາຍນິງ ບັນລຸມາດຕະຖານສາກົນ ຮັບການຢັ້ງຢືນການຄຸ້ມຄອງສານໄຊຍະນາຍຢ່າງຄົບຖ້ວນອີກຄັ້ງ

ໂດຍ kaling
· 5 ມື້ ກ່ອນອ່ານ 2 ນາທີ13 ຄັ້ງ
ພູເບ້ຍ ມາຍນິງ ບັນລຸມາດຕະຖານສາກົນ ຮັບການຢັ້ງຢືນການຄຸ້ມຄອງສານໄຊຍະນາຍຢ່າງຄົບຖ້ວນອີກຄັ້ງ
ADadvertisement
ADadvertisement
ADadvertisement

ບໍລິສັດ ພູເບ້ຍ ມາຍນິງ ມີຄວາມຍິນດີທີ່ຈະແຈ້ງໃຫ້ຊາບວ່າ: ໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ ໄດ້ຮັບການຢັ້ງຢືນການປະຕິບັດຕາມຫລັກການຄຸ້ມຄອງໄຊຍະນາຍ ໃນລະດັບສາກົນຢ່າງຄົບຖ້ວນອີກຄັ້ງ. ສະຖາບັນຄຸ້ມຄອງໄຊຍະນາຍໃນລະດັບສາກົນ (ICMI) ໄດ້ແຈ້ງການຢັ້ງຢືນດັ່ງກ່າວນີ້ໃນວັນທີ 7 ພະຈິກ 2026 ຊຶ່ງເປັນການຢັ້ງຢືນຄັ້ງທີ 6 ຂອງ ໂຄງການບ້ານຫ້ວຍຊາຍພາຍໃຕ້ຫລັກການນີ້.

ຜູ້ກວດສອບເອກະລາດຈາກພາກສ່ວນທີສາມ ໄດ້ຢັ້ງຢືນວ່າ: ໂຄງການບ້ານຫ້ວຍຊາຍ ຍັງຄົງຮັກສາການປະຕິບັດຕາມຫລັກການ ແລະ ມາດຕະຖານການປະຕິບັດຂອງມາດຕະຖານດັ່ງກ່າວຢ່າງຄົບຖ້ວນ ຊຶ່ງສະແດງໃຫ້ເຫັນເຖິງຄວາມມຸ່ງໝັ້ນຂອງ ບໍລິສັດ ພູເບ້ຍ ມາຍນິງ ໃນການຄຸ້ມຄອງໄຊຍະນາຍຢ່າງຮັບຜິດຊອບ ແລະ ປົກປ້ອງພະນັກງານ, ຊຸມຊົນ ແລະ ສິ່ງແວດລ້ອມ.

ພູເບ້ຍ ມາຍນິງ ບັນລຸມາດຕະຖານສາກົນ ຮັບການຢັ້ງຢືນການຄຸ້ມຄອງສານໄຊຍະນາຍຢ່າງຄົບຖ້ວນອີກຄັ້ງ

ຫລັກການຄຸ້ມຄອງສານໄຊຍະນາຍ ເປັນແຜນງານຢັ້ງຢືນລະດັບສາກົນ ທີ່ບໍລິສັດເຂົ້າຮ່ວມດ້ວຍຄວາມສະໝັກໃຈ ເພື່ອຄຸ້ມຄອງສານໄຊຍະນາຍ ທີ່ໃຊ້ໃນການຜະລິດຄໍາ ແລະ ເງິນຢ່າງປອດໄພ ແລະ ມີຄວາມຮັບຜິດຊອບໃຫ້ໄດ້ດີທີ່ສຸດ. ແຜນງານນີ້, ໄດ້ຮັບການບໍລິຫານໂດຍສະຖາບັນ ICMI ແລະ ໄດ້ຖືກພັດທະນາຜ່ານຂະບວນການມີສ່ວນຮ່ວມຂອງຫລາຍຝ່າຍ ພາຍໃຕ້ການຊີ້ນຳຂອງໂຄງ ການສິ່ງແວດລ້ອມແຫ່ງສະຫະປະຊາຊາດ. ມັນເປັນຂອບວຽກສາກົນທີ່ສອດຄ່ອງກັນ ຊຶ່ງສົ່ງເສີມກົດໝາຍ, ໃບອະນຸຍາດ ແລະ ພັນທະດ້ານກົດໝາຍທີ່ກ່ຽວຂ້ອງ, ໂດຍການຢັ້ງຢືນເປັນການຮັບປະກັນແບບເອກະລາດຕໍ່ການຄຸ້ມຄອງໄຊຍະນາຍ ຂອງໂຄງການໃດໜຶ່ງ.

ໂຄງການບ້ານຫ້ວຍຊາຍ ໄດ້ຮັບການຢັ້ງຢືນກ່ອນການດຳເນີນງານໃນເດືອນມັງກອນ 2012 ແລະ ການຢັ້ງຢືນການດຳເນີນງານເຕັມຮູບແບບໃນເດືອນມີນາ 2013, ຫລັງຈາກນັ້ນໄດ້ຮັບການຢັ້ງຢືນອີກເທື່ອໜຶ່ງໃນເດືອນພຶດສະພາ 2016, ກໍລະກົດ 2019, ພຶດສະພາ 2023 ແລະ ພະຈິກ 2026. ໂຄງການບ້ານຫ້ວຍຊາຍ ໃຊ້ສານໄຊຍະນາຍ ໃນວົງຈອນການປຸງແຕ່ງເພື່ອເກັບກູ້ຄຳ ແລະ ເງິນ, ບໍ່ໄດ້ໃຊ້ຢູ່ໂຄງການຂຸດຄົ້ນ-ປຸງແຕ່ງ ທອງ-ຄໍາ ພູຄຳ ຂອງ ບໍລິສັດ ພູເບ້ຍ ມາຍນິງ. ໂຄງການບ້ານຫ້ວຍຊາຍຍັງຄົງເປັນການດຳເນີນການຂຸດຄົ້ນດຽວເທົ່ານັ້ນຢູ່ລາວ ທີ່ໄດ້ຮັບການຢັ້ງຢືນຫລັກການໄຊຍະນາຍ ຊຶ່ງເປັນແບບຢ່າງທີ່ດີຂອງການດໍາເນີນງານດ້ານບໍ່ແຮ່ຢ່າງມີຄວາມຮັບຜິດຊອບ.

ທ່ານ ເດວິດ ຣີດ ຜູ້ອຳນວຍການຂອງ ບໍລິສັດ ພູເບ້ຍ ມາຍນິງ ໄດ້ສະແດງຄວາມຍິນດີກັບພະ ນັກງານທີ່ເອົາໃຈໃສ່ຢ່າງຕັ້ງໜ້າ ໃນການຮັກສາມາດຕະຖານໃນການຂົນສົ່ງ, ການຈັດການ ແລະ ການໃຊ້ສານໄຊຍະນາຍຢ່າງປອດໄພໃນລະດັບທີ່ສຸງ.

ທ່ານ ຣີດ ກ່າວວ່າ: “ໃນນາມກຸ່ມບໍລິສັດ ກວ່າງຕົງ ຣາຍຊິງ ໂຮລດິງ ກຣຸບ ແລະ ບໍລິສັດ ແພນອອສ໌, ຂ້າພະເຈົ້າຂໍສະແດງຄວາມຍິນດີມາຍັງທຸກຄົນທີ່ໄດ້ມີສ່ວນຮ່ວມໃນຜົນສຳເລັດນີ້. ມັນສະແດງໃຫ້ເຫັນເຖິງການເອົາໃຈໃສ່, ລະບຽບວິໄນ ແລະ ຄວາມມຸ້ງໝັ້ນທີ່ທີມງານຂອງພວກເຮົານຳມາໃຊ້ໃນການເຮັດວຽກທຸກໆມື້”.

“ການຄຸ້ມຄອງໄຊຍະນາຍຢ່າງຮັບຜິດຊອບ ແມ່ນພື້ນຖານສຳຄັນໃນການປົກປ້ອງພະນັກງານຂອງພວກເຮົາ, ຊຸມຊົນອ້ອມຂ້າງ ແລະ ສິ່ງແວດລ້ອມ. ການຢັ້ງຢືນອີກຄັ້ງນີ້, ເປັນການຮັບຮູ້ຄວາມພະຍາຍາມຢ່າງຕໍ່ເນື່ອງຂອງພະນັກງານຂອງພວກເຮົາ ໃນການຮັກສາການປະຕິບັດທີ່ດີທີ່ສຸດລະດັບສາກົນຢູ່ບ້ານຫ້ວຍຊາຍ.”

ຂ່າວນີ້ມີປະໂຫຍດບໍ່?

ສົ່ງຕໍ່ໃຫ້ໝູ່ ແລະ ຄອບຄົວ ທີ່ຄວນຮູ້ — ກົດດຽວກໍແບ່ງປັນໄດ້

‹ ກັບໄປໝວດສາລະໜ້າຮູ້
ມື້ນີ້ · ຂໍ້ມູນສົດ ວັນອາທິດ 22 ພະຈິກ 2026 · ຂຶ້ນ 13 ຄ່ຳ ເດືອນ 12 ເປີດໜ້າມື້ນີ້

ອ່ານຕໍ່