ເຕືອນ ປາອາລິເກເຕີ ໄຂ່ມີພິດ ຫ້າມນຳມາກິນເດັດຂາດ
ເຕືອນໄພ ຈາກປະເທດເພື່ອນບ້ານ ປາອາລິເກເຕີຫຼາຍກວ່າ 300 ໂຕ ຫຼຸດອອກຈາກໜອງລ້ຽງຫຼັງເກີດນ້ຳຖ້ວມ ພ້ອມເຕືອນປະຊາຊົນຢ່າຈັບມາກິນ ໂດຍສະເພາະໄຂ່ປາ ຫຼັງມີການແບ່ງປັນຂໍ້ຄວາມເຕືອນວ່າອາດມີສານພິດທີ່ສົ່ງຜົນກະທົບຕໍ່ລະບົບປະສາດ ແລະຫົວໃຈ.
ຕາມລາຍງານຂ່າວຈາກປະເທດໄທ ເຫດການເກີດຂຶ້ນທີ່ບຶງສຳລານ ຕຳບົນສາລາແດງ ອຳເພີບາງນ້ຳປຽວ ແຂວງສະເຊີງເທົາ ຫຼັງຈາກນ້ຳຖ້ວມເຮັດໃຫ້ປາອັລລິເກເຕີຫຼາຍກວ່າ 300 ໂຕ ຫຼຸດອອກຈາກໜອງລ້ຽງ. ປາຊະນິດນີ້ມີປາກຍາວ ແຂ້ວແຫຼມ ແລະສາມາດເຕີບໃຫຍ່ໄດ້ເຖິງ 2–3 ແມັດ.
ຜູ້ໃຊ້ເຟສບຸກລາຍໜຶ່ງໄດ້ໂພສເຕືອນວ່າ ເຖິງແມ່ນປາຊະນິດນີ້ອາດບໍ່ເຂົ້າຫາຄົນກ່ອນ ແຕ່ສິ່ງທີ່ໜ້າກັງວົນແມ່ນການທີ່ປະຊາຊົນຈັບມາປຸງອາຫານ ໂດຍສະເພາະໄຂ່ປາ ເຊິ່ງໂພສດັ່ງກ່າວອ້າງວ່າອາດມີສານພິດທີ່ກະທົບຕໍ່ລະບົບປະສາດ ແລະຫົວໃຈ.
ທັງນີ້ ຂໍ້ມູນເລື່ອງຄວາມເປັນພິດຂອງໄຂ່ປາທີ່ຖືກກ່າວເຖິງ ຍັງຕ້ອງໄດ້ກວດສອບກັບແຫຼ່ງຂໍ້ມູນທາງວິຊາການ ຫຼືຜູ້ຊ່ຽວຊານກ່ອນນຳໄປອ້າງອີງເປັນຂໍ້ເທັດຈິງ. ປະຊາຊົນຄວນຫຼີກລ່ຽງການຈັບ ຫຼື ບໍລິໂພກປາແລະໄຂ່ປາທີ່ບໍ່ສາມາດລະບຸຊະນິດ ຫຼື ຢືນຢັນຄວາມປອດໄພໄດ້.
